Welcome to Canadian Punjabi Post
Follow us on

29

March 2024
 
ਟੋਰਾਂਟੋ/ਜੀਟੀਏ

ਨੰਡੋ ਇਆਨਿਕਾ ਬਣਿਆ ਰੀਜਨ ਆਫ਼ ਪੀਲ ਦਾ ਚੇਅਰ, ਚਾਰਲਸ ਸੂਸਾ ਨੂੰ ਦਿੱਤੀ ਮਾਤ

December 07, 2018 09:07 AM

ਮਿਸੀਸਾਗਾ ਪੋਸਟ ਬਿਉਰੋ: ਮਿਸੀਸਾਗਾ ਦੇ ਸਾਬਕਾ ਸਿਟੀ ਕਾਉਂਸਲਰ ਨੰਡੋ ਇਆਨਿਕਾ ਨੇ ਪ੍ਰੋਵਿੰਸ਼ੀਅਲ ਲਿਬਰਲ ਸਰਕਾਰ ਵਿੱਚ ਸਾਬਕਾ ਵਿੱਤ ਮੰਤਰੀ ਚਾਰਲਸ ਸੂਸਾ ਨੂੰ 9 ਦੇ ਮੁਕਾਬਲੇ 15 ਵੋਟਾਂ ਨਾਲ ਹਰਾ ਕੇ ਰੀਜਨ ਆਫ਼ ਪੀਲ ਦੀ ਚੇਅਰ ਦੀ ਚੋਣ ਜਿੱਤ ਲਈ ਹੈ। ਚਾਰਲਸ ਸੂਸਾ ਨੂੰ ਬਰੈਂਪਟਨ ਦੇ ਮੇਅਰ ਪੈਟਰਿਕ ਬਰਾਊਨ ਵੱਲੋਂ ਨੌਮੀਨੇਟ ਕੀਤਾ ਗਿਆ ਸੀ ਜਦੋਂ ਕਿ ਨੰਡੋ ਦੀ ਨਾਮਜ਼ਦਗੀ ਮਿਸੀਸਾਗਾ ਮੇਅਰ ਬੌਨੀ ਕਰੌਂਬੀ ਨੇ ਕੀਤੀ ਸੀ।

ਨੰਡੋ ਇਆਨਿਕਾ ਦੇ ਹੱਕ ਵਿੱਚ ਵੋਟਾਂ ਪਾਉਣ ਵਾਲਿਆਂ ਵਿੱਚ ਮੇਅਰ ਬੌਨੀ ਕਰੌਂਬੀ, ਕਾਉਂਸਲਰ ਦੀਪਿਕਾ ਦਮੇਰਲਾ, ਸੂ ਮੈਕਫੈਡਨ, ਬਰੈਂਪਟਨ ਤੋਂ ਰੀਜਨਲ ਕਾਉਨਸਲਰ ਗੁਰਪ੍ਰੀਤ ਢਿੱਲੋਂ, ਪੈਟ ਫੋਰਟਿਨੀ, ਮਾਰਟਿਨ ਮੀਡੀਰੀਓਸ ਦੇ ਨਾਮ ਪ੍ਰੁਮੁੱਖ ਹਨ। ਕੈਲੀਡਾਨ ਦੇ ਦੋ ਕਾਉਂਸਲਰ ਵੀ ਨੰਡੋ ਦੇ ਹੱਕ ਵਿੱਚ ਭੁਗਤੇ ਜਦੋਂ ਕਿ ਕੈਲੀਡਾਨ ਦੇ ਮੇਅਰ ਐਲਨ ਥੌਮਸਨ ਨੇ ਚਾਰਲਸ ਸੂਸਾ ਦੇ ਹੱਕ ਵਿੱਚ ਵੋਟ ਪਾਈ।

ਚਾਰਲਸ ਸੂਸਾ ਦੇ ਹੱਕ ਵਿੱਚ ਜਿਹਨਾਂ ਹੋਰਾਂ ਨੇ ਵੋਟ ਪਾਈ ਉਹਨਾਂ ਵਿੱਚ ਬਰੈਂਪਟਨ ਦੇ ਮੇਅਰ ਪੈਟਰਿਕ ਬਰਾਊਨ, ਕਾਉਂਸਲਰ ਮਾਈਕਲ ਪਾਲੇਸ਼ੀ, ਮਿਸੀਸਾਗਾ ਤੋਂ ਕਾਉਂਸਲਰ ਪੈਟ ਸੇਟੋ, ਰੌਨ ਸਟਾਰ, ਕੈਰੋਲਿਨ ਪੈਰਿਸ਼ ਅਤੇ ਜਾਰਜ ਕਾਰਲਸਨ ਦੇ ਨਾਮ ਸ਼ਾਮਲ ਹਨ।

ਵਰਨਣਯੋਗ ਹੈ ਕਿ ਰੀਜਨ ਆਫ਼ ਪੀਲ ਦੇ 3000 ਹਜ਼ਾਰ ਤੋਂ ਵੱਧ ਮੁਲਾਜ਼ਮ ਹਨ ਅਤੇ ਇਸ ਕੋਲ 11 ਬਿਲੀਅਨ ਡਾਲਰ ਤੋਂ ਵੱਧ ਅਸਾਸੇ ਹਨ। ਇਸ ਚੋਣ ਵਿੱਚ ਕੋਈ ਵੀ ਉਮੀਦਵਾਰ ਇਸ ਚੋਣ ਵਿੱਚ ਬਰੈਂਪਟਨ ਤੋਂ ਨਹੀਂ ਸੀ।

 
Have something to say? Post your comment