Welcome to Canadian Punjabi Post
Follow us on

28

March 2024
ਬ੍ਰੈਕਿੰਗ ਖ਼ਬਰਾਂ :
ਬੱਸ ਵਿੱਚ ਮਹਿਲਾ ਉੱਤੇ ਇੱਕ ਵਿਅਕਤੀ ਨੇ ਕੀਤਾ ਹਮਲਾ, ਮਹਿਲਾ ਜ਼ਖ਼ਮੀਜਾਅਲੀ ਇਨਕਮ ਬੈਨੇਫਿਟ ਹਾਸਲ ਕਰਨ ਵਾਲੇ 232 ਮੁਲਾਜ਼ਮਾਂ ਨੂੰ ਸੀਆਰਏ ਨੇ ਕੱਢਿਆਫੋਰਡ ਸਰਕਾਰ ਨੇ ਪੇਸ਼ ਕੀਤਾ 214. 5 ਬਿਲੀਅਨ ਦੇ ਖਰਚੇ ਵਾਲਾ ਬਜਟਈਡੀ ਨੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਕੀਤਾ ਗ੍ਰਿਫ਼ਤਾਰਪ੍ਰਧਾਨ ਮੰਤਰੀ ਮੋਦੀ ਰੂਸੀ ਰਾਸ਼ਟਰਪਤੀ ਨੂੰ ਚੋਣਾਂ ਜਿੱਤਣ 'ਤੇ ਦਿੱਤੀ ਵਧਾਈ, ਯੂਕਰੇਨ ਦੇ ਰਾਸ਼ਟਰਪਤੀ ਜ਼ੇਲੇਨਸਕੀ ਨੂੰ ਵੀ ਕੀਤਾ ਫ਼ੋਨਗਾਜ਼ਾ ਦੇ ਸਭ ਤੋਂ ਵੱਡੇ ਹਸਪਤਾਲ ਨੇੜੇ ਬੰਬਾਰੀ, 50 ਲੜਾਕਿਆਂ ਦੇ ਮਾਰੇ ਜਾਣ ਦਾ ਸ਼ੱਕ ਮੁੱਖ ਮੰਤਰੀ ਭਗਵੰਤ ਮਾਨ ਸ਼ਹੀਦ ਕਾਂਸਟੇਬਲ ਅੰਮ੍ਰਿਤਪਾਲ ਸਿੰਘ ਦੇ ਘਰ ਪਹੁੰਚੇ, ਪਰਿਵਾਰ ਨਾਲ ਕੀਤਾ ਦੁੱਖ ਸਾਂਝਾ ਸੁਪਰੀਮ ਕੋਰਟ ਨੇ ਕੀਤਾ ਬਾਬਾ ਰਾਮਦੇਵ ਅਤੇ ਆਚਾਰੀਆ ਬਾਲਕ੍ਰਿਸ਼ਨ ਨੂੰ ਨੋਟਿਸ ਜਾਰੀ, ਪੁੱਛਿਆ, ਮਾਣਹਾਨੀ ਦੀ ਕਾਰਵਾਈ ਕਿਉਂ ਨਾ ਕੀਤੀ ਜਾਵੇੇ
 
ਸੰਪਾਦਕੀ

ਬਰੈਂਪਟਨ ਵਿੱਚ ਭੰਗ ਦੇ ਸੇਲ ਬਾਰੇ ਅਨਿਸ਼ਚਿਤਤਾ

December 07, 2018 07:42 AM

ਪੰਜਾਬੀ ਪੋਸਟ ਸੰਪਾਦਕੀ

ਬਰੈਂਪਟਨ ਦੇ ਵਾਰਡ ਨੰਬਰ 7 ਅਤੇ 8 ਤੋਂ ਪਹਿਲੀ ਵਾਰ ਚੁਣੀ ਗਈ ਬਲੈਕ ਭਾਈਚਾਰੇ ਨਾਲ ਸਬੰਧਿਤ ਸਿਟੀ ਕਾਉਂਸਲਰ ਸ਼ਾਰਮੇਨ ਵਿਲੀਅਮਜ਼ ਦਾ ਮੂਡ ਬਰੈਂਪਟਨ ਵਿੱਚ ਮੈਰੀਉਆਨਾ ਦੇ ਸੇਲ ਨੂੰ ਲੈ ਕੇ ਗੁੱਸੇ ਵਿੱਚ ਹੈ। ਉਸਦਾ ਮੰਨਣਾ ਹੈ ਕਿ ਬਰੈਂਪਟਨ ਸਿਟੀ ਵਿੱਚ ਮੈਰੀਉਆਨਾ ਦੀ ਸੇਲ ਸਟੋਰਾਂ ਵਿੱਚ ਨਹੀਂ ਹੋਣੀ ਚਾਹੀਦੀ। ਵਰਨਣਯੋਗ ਹੈ ਕਿ ਮਨੋਰੰਜਕ ਮੰਤਵਾਂ ਵਾਸਤੇ ਮੈਰੀਉਆਨਾ ਨੂੰ ਖਰੀਦਣਾ ਅਤੇ ਵੇਚਣਾ 17 ਅਕਤੂਬਰ 2017 ਤੋਂ ਕੈਨੇਡਾ ਭਰ ਵਿੱਚ ਕਨੂੰਨੀ ਬਣਾ ਦਿੱਤਾ ਗਿਆ ਸੀ। ਹਾਲ ਦੀ ਘੜੀ ਇਸਦੀ ਸੇਲ ਆਨਲਾਈਨ ਹੋ ਰਹੀ ਹੈ। ਉਂਟੇਰੀਓ ਸਰਕਾਰ ਦਾ ਟੀਚਾ ਹੈ ਕਿ 1 ਅਪਰੈਲ 2019 ਤੱਕ ਇਸਦੀ ਸੇਲ ਵਾਸਤੇ ਸਟੋਰਾਂ ਵਿੱਚ ਆਰੰਭ ਹੋ ਜਾਵੇਗੀ। ਇਸ ਵਾਸਤੇ ਉਂਟੇਰੀਓ ਸਰਕਾਰ ਨੇ ਇੱਕ ਵਿਸ਼ੇਸ਼ ਬਿੱਲ ਪਾਸ ਕਰਕੇ ਸਮੂਹ ਮਿਉਂਸਪੈਲਟੀਆਂ ਨੂੰ ਖੁੱਲ ਦਿੱਤੀ ਹੈ ਕਿ ਉਹ 22 ਜਨਵਰੀ 2019 ਤੱਕ ਫੈਸਲਾ ਕਰ ਸਕਦੀਆਂ ਹਨ ਕਿ ਉਹਨਾਂ ਨੇ ਆਪਣੇ ਸ਼ਹਿਰਾਂ ਵਿੱਚ ਸਟੋਰ ਖੋਲਣੇ ਹਨ ਜਾਂ ਨਹੀਂ। ਸ਼ਾਰਮੇਨ ਵਿਲੀਅਮਜ਼ ਉਹਨਾਂ ਲੋਕਾਂ ਵਿੱਚੋਂ ਹੈ ਜੋ ਨਹੀਂ ਚਾਹੁੰਦੀ ਕਿ ‘ਫਲਾਵਰ ਸਿਟੀ’ ਵਜੋਂ ਜਾਣਿਆ ਜਾਂਦਾ ਬਰੈਂਪਟਨ ਭੰਗ ਦੇ ਫੁੱਲਾਂ ਲਈ ਜਾਣਿਆ ਜਾਵੇ।

 

ਬਰੈਂਟਪਨ ਕਾਉਂਸਲ ਨੇ ਕੱਲ ਹੋਈ ਮੀਟਿੰਗ ਵਿੱਚ ਇਸ ਮੁੱਦੇ ਉੱਤੇ ਵਿਚਾਰ ਕਰਨ ਵਾਲੇ ਮੋਸ਼ਨ ਨੂੰ ਜਨਵਰੀ ਦੇ ਦੂਜੇ ਹਫ਼ਤੇ ਤੱਕ ਮੁਲਤਵੀ ਕਰ ਦਿੱਤਾ ਹੈ। ਜੇ ਬਰੈਂਪਟਨ ਕਾਉਂਸਲ ਸਟੋਰ ਖੋਲਣ ਦੇ ਹੱਕ ਵਿੱਚ ਜਾਂਦੀ ਹੈ ਤਾਂ ਸਹੀ ਬੰਦੋਬਸਤ ਕਰਨ ਵਾਸਤੇ ਫੈਡਰਲ ਸਰਕਾਰ ਵੱਲੋਂ 40 ਮਿਲੀਅਨ ਡਾਲਰ ਫੰਡ ਦਿੱਤੇ ਜਾਣਗੇ ਜਿਹਨਾਂ ਵਿੱਚੋਂ ਅੱਧੇ ਰੀਜਨ ਆਫ ਪੀਲ ਦੇ ਹਿੱਸੇ ਚਲੇ ਜਾਣਗੇ। ਕਨੂੰਨ ਮੁਤਾਬਕ ਮੈਰੀਉਅਨਾ ਸਟੋਰ ਸਕੂਲਾਂ ਦੀ ਹੱਦ ਤੋਂ 150 ਮੀਟਰ ਦੂਰੀ ਉੱਤੇ ਖੋਲੇ ਜਾ ਸਕਦੇ ਹਨ। ਕਾਉਂਸਲਰ ਸ਼ਾਰਮੇਨ ਵਿਲੀਅਮਜ਼ ਦਾ ਆਖਣਾ ਹੈ ਕਿ ਜੇ ਲੋਕੀ ਮੰਨਦੇ ਹਨ ਕਿ ਸਕੂਲਾਂ ਵਿੱਚ ਮੈਰੀਉਆਨਾ ਪਹਿਲਾਂ ਹੀ ਵਿਕ ਰਹੀ ਹੈ ਤਾਂ 150 ਮੀਟਰ ਦੀ ਦੂਰੀ ਉੱਤੇ ਸਟੋਰ ਖੋਲਣ ਨਾਲ ਕੀ ਲਾਭ ਹੋਣ ਵਾਲਾ ਹੈ? ਉਸਦਾ ਇਹ ਵੀ ਦੋਸ਼ ਹੈ ਕਿ ਇੱਕ ਪਾਸੇ ਫੈਡਰਲ ਸਰਕਾਰ ਮੈਰੀਉਆਨਾ ਨੂੰ ਕਨੂੰਨੀ ਬਣਾ ਰਹੀ ਹੈ ਅਤੇ ਦੂਜੇ ਪਾਸੇ ਮਿਉਂਸਪੈਲਟੀਆਂ ਨੂੰ ਫੰਡ ਦੇ ਰਹੀ ਹੈ ਤਾਂ ਜੋ ਉਹ ਲਾਲਚ ਵਿੱਚ ਆ ਕੇ ਇਸਦੀ ਵੇਚ ਵੱਟਤ ਵਿੱਚ ਸਹਾਈ ਬਣਨ। ਉਹ ਇਸ ਪੈਸੇ ਨੂੰ ‘ਬਲੱਡ ਮਨੀ’ ਆਖ ਰਹੀ ਹੈ। ਉਸਨੇ ਂੋNot In Our Neighbourhood ਨਾਮਕ ਵੈੱਬਸਾਈਟ ਖੋਲ ਕੇ ਇੱਕ ਪਟੀਸ਼ਨ ਜਾਰੀ ਕੀਤੀ ਹੈ ਜਿਸ ਰਾਹੀਂ ਉਹ ਮੇਅਰ ਅਤੇ ਕਾਉਂਸਲ ਨੂੰ ਸਟੋਰ ਨਾ ਖੋਲਣ ਬਾਰੇ ਸੁਨੇਹਾ ਦੇਣਾ ਚਾਹੁੰਦੀ ਹੈ।

 

ਅਸਲ ਵਿੱਚ ਮੈਰੀਉਆਨਾ ਦਾ ਮਾਮਲਾ ਮਿਉਂਸਪੈਲਟੀਆਂ ਲਈ ‘ਕੁੱਤੇ ਦੇ ਮੂੰਹ ਵਿੱਚ ਹੱਡੀ’ ਵਾਲਾ ਬਣਿਆ ਹੋਇਆ ਹੈ। ਇੱਕ ਪਾਸੇ ਇਸ ਦੀ ਵੇਚ ਵੱਟਤ ਤੋਂ ਹੋਣ ਵਾਲੀ ਕਮਾਈ ਵੱਲ ਵੇਖਿਆ ਜਾ ਰਿਹਾ ਹੈ ਤਾਂ ਦੂਜੇ ਪਾਸੇ ਪੈਦਾ ਹੋਣ ਵਾਲੇ ਕਨੂੰਨ, ਪੁਲੀਸ ਅਤੇ ਸਿਹਤ ਦੇ ਮਸਲਿਆਂ ਦੀ ਗੱਲ ਹੈ। ਵੈਸੇ ਬਰੈਂਪਟਨ ਸਿਟੀ ਸਟਾਫ ਵੱਲੋਂ ਕਾਉਂਸਲ ਨੂੰ ਸਟੋਰ ਖੋਲਣ ਦੇ ਹੱਕ ਵਿੱਚ ਸਿਫਾਰਸ਼ ਕੀਤੀ ਜਾ ਚੁੱਕੀ ਹੈ। ਸਟਾਫ ਦੀ ਰਿਪੋਰਟ ਮੁਤਾਬਕ 1 ਨਵੰਬਰ ਤੋਂ 4 ਨਵੰਬਰ ਤੱਕ ਟੈਲੀਫੋਨ ਰਾਹੀਂ ਕਰਵਾਏ ਗਏ ਇੱਕ ਸਰਵੇਖਣ ਵਿੱਚ ਪਾਇਆ ਗਿਆ ਹੈ ਕਿ 54% ਬਰੈਂਪਟਨ ਵਾਸੀ ਸਟੋਰ ਖੋਲਣ ਦੇ ਹੱਕ ਵਿੱਚ ਹਨ। ਸਟਾਫ਼ ਦਾ ਇਹ ਵੀ ਅੰਦਾਜ਼ਾ ਹੈ ਕਿ ਮੈਰੀਉਆਨਾ ਦੀ ਸੇਲ ਤੋਂ ਬਰੈਂਪਟਨ ਨੂੰ ਸਾਢੇ ਛੇ ਲੱਖ ਡਾਲਰ ਤੋਂ ਲੈ ਕੇ 1.2 ਮਿਲੀਅਨ ਡਾਲਰ ਦੀ ਸਾਲਾਨਾ ਕਮਾਈ ਹੋਵੇਗੀ। ਇਹ ਕਮਾਈ ਇਸ ਗੱਲ ਉੱਤੇ ਵੀ ਨਿਰਭਰ ਕਰਦੀ ਹੈ ਕਿ ਆਲੇ ਦੁਆਲੇ ਦੀਆਂ ਮਿਉਂਸਪੈਲਟੀਆਂ ਸਟੋਰ ਖੋਲਣ ਦੇ ਹੱਕ ਵਿੱਚ ਜਾਂਦੀਆਂ ਹਨ ਜਾਂ ਨਹੀਂ। ਮਿਸਾਲ ਵਜੋਂ ਜੇ ਮਿਸੀਸਾਗਾ ਸਟੋਰ ਖੋਲਣ ਦਾ ਫੈਸਲਾ ਕਰਦਾ ਹੈ ਅਤੇ ਬਰੈਂਪਟਨ ਨਾਂਹ ਕਰ ਦੇਵੇ ਤਾਂ ਸੁਭਾਵਿਕ ਹੈ ਕਿ ਬਰੈਂਪਟਨ ਦੇ ਮੈਰੀਉਆਨਾ ਸ਼ੌਕੀਨ ਮਿਸੀਸਾਗਾ ਦੀ ਸੇਲ ਵਧਾਉਣਗੇ।

 

ਨਵੀਂ ਚੁਣੀ ਗਈ ਸਿਟੀ ਕਾਉਂਸਲਰ ਸ਼ਾਰਮੇਨ ਵਿਲੀਅਮਜ਼ ਦੀ ਇਸ ਗੱਲੋਂ ਸਿਫ਼ਤ ਕਰਨੀ ਬਣਦੀ ਹੈ ਕਿ ਉਸਨੇ ਇਸ ਮੁੱਦੇ ਉੱਤੇ ਬੇਬਾਕ ਅਤੇ ਦਲੇਰੀ ਭਰੀ ਆਵਾਜ਼ ਚੁੱਕੀ ਹੈ। ਉਸ ਵੱਲੋਂ ਚੁੱਕੇ ਗਏ ਮੁੱਦੇ ਉੱਤੇ ਚਰਚਾ ਕਰਨੀ ਬਣਦੀ ਹੈ। ਪਬਲਿਕ ਦੇ ਹਰ ਮੈਂਬਰ ਨੂੰ ਚਾਹੀਦਾ ਹੈ ਕਿ ਆਪੋ ਆਪਣੇ ਏਰੀਆ ਦੇ ਸਿਟੀ ਕਾਉਂਸਲਰਾਂ ਨੂੰ ਇਸ ਮੁੱਦੇ ਉੱਤੇ ਆਪਣੀ ਰਾਏ ਤੋਂ ਜਾਣੂੰ ਕਰਵਾਇਆ ਜਾਵੇ। ਅਜਿਹਾ ਨਾ ਕਰਨ ਦੀ ਸੂਰਤ ਵਿੱਚ ਕਾਉਂਸਲ ਨੇ ਜਨਵਰੀ ਦੇ ਦੂਜੇ ਹਫ਼ਤੇ ਫੈਸਲਾ ਕਰਕੇ ਸਰਕਾਰ ਨੂੰ ਸਿਫ਼ਾਰਸ਼ ਭੇਜ ਦੇਣੀ ਹੈ। ਇਹੀ ਗਿਲਾ ਸ਼ਾਰਮੇਨ ਵਿਲੀਅਮਜ਼ ਨੂੰ ਹੈ ਕਿ ਕਿਤੇ ਕਾਉਂਸਲ ਪਬਲਿਕ ਦੀ ਆਵਾਜ਼ ਸੁਣੇ ਬਗੈਰ ਹੀ ਫੈਸਲਾ ਨਾ ਕਰ ਦੇਵੇ।

 
Have something to say? Post your comment
ਹੋਰ ਸੰਪਾਦਕੀ ਖ਼ਬਰਾਂ
ਮੁੱਖ ਮੰਤਰੀਆਂ ਦੀ ਮੀਟਿੰਗ ਵਿੱਚ ਪਾਣੀਆਂ ਬਾਰੇ ਪੰਜਾਬ ਦਾ ਪੱਖ ਹੋਰ ਵੀ ਮਜ਼ਬੂਤ ਹੋ ਗਿਐ ਭਾਰਤ ਵਿੱਚ ਅਧੋਗਤੀ ਵਰਤਾਰੇ ਲਈ ਧਰਮ ਨਿਰਪੱਖ ਧਿਰਾਂ ਵੀ ਘੱਟ ਜਿ਼ਮੇਵਾਰ ਨਹੀਂ ਭਾਰਤ ਲਈ ਹਨੇਰਾ ਸਮਾਂ ਹੈ, ਜਿੱਥੇ ਰਾਹ ਦਿਖਾਉਣ ਵਾਲਾ ਜੁਗਨੂੰ ਵੀ ਕੋਈ ਨਹੀਂ ਲੱਭਦਾ ਲੀਡਰਾਂ ਨੇ ਪੈਦਾ ਕੀਤੀ ਹੈ ‘ਕੋਈ ਲੀਡਰ ਭਰੋਸੇ ਦੇ ਯੋਗ ਨਹੀਂ’ ਵਾਲੀਆਮ ਲੋਕਾਂ ਦੀ ਮਾਨਸਿਕਤਾ ਆਉ ਇਸ ਦੀਵਾਲੀ ਤੇ ਇੰਨਸਾਨੀਅਤ ਦੇ ਨਾਤੇ ਪੂਰੇ ਸੰਸਾਰ ਲਈ ਅਮਨ – ਅਮਾਨ , ਸ਼ਾਤੀ ਲਈ ਅਰਦਾਸ ਕਰੀਏ ਵੱਖੋ-ਵੱਖੋ ਰਾਜਾਂ ਵਿੱਚ ਗਵਰਨਰਾਂ ਦੀ ਮੌਕੇ ਮੁਤਾਬਕ ਮਰਜ਼ੀ ਸੰਵਿਧਾਨ ਦੇ ਮੁਤਾਬਕ ਨਹੀਂ ਮੰਨੀ ਜਾ ਸਕਦੀ ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਸੰਘਰਸ਼ ਨੂੰ ਸ਼ਾਂਤੀਪੂਰਵਕ ਹੱਲ ਕੀਤਾ ਜਾਣਾ ਚਾਹੀਦਾ ਹੈ ਬੇਅਸੂਲੇ ਸਮਝੌਤਿਆਂ ਅਤੇ ਪੈਂਤੜਿਆਂ ਪਿੱਛੋਂ ਦਰਿਆਵਾਂ ਦੇ ਪਾਣੀ ਵਿੱਚ ਮਧਾਣੀ ਘੁੰਮਾਉਣ ਦੀ ਰਾਜਨੀਤੀ ਟਰੂਡੋ ਵਲੋਂ ਭਾਰਤ ਤੇ ਲਾਏ ਹਰਦੀਪ ਸਿੰਘ ਨਿੱਜਰ ਕਤਲ ਦੇ ਦੋਸ਼ ਕਿੰਨੇ ਕੁ ਸਹੀ ? ਟਰੂਡੋ ਤੇ ਟਰੰਪ ਸੁਰਖ਼ੀਆਂ ‘ਚ ਰਹਿਣ ਵਾਲੇ ਲੀਡਰ