ਈਟੋਬੌਕੋ, (ਸਿੱਖ ਸਪੋਕਸਮੈਨ ਸਮਾਚਾਰ ਸੇਵਾ) -ਬੀਤੇ ਹਫ਼ਤੇ ਈਟੋਬੀਕੋ ਤੋਂ ਪਾਰਲੀਮੈਂਟ ਮੈਂਬਰ ਕ੍ਰਿਸਟੀ ਡੰਕਨ ਵੱਲੋਂ ਸਾਰੀਆਂ ਕਮਿਊਨਿਟੀਆਂ ਅਤੇ ਧਰਮਾਂ ਦੇ ਲੋਕਾਂ ਨੂੰ ਖਾਣੇ 'ਤੇ ਬੁਲਾਇਆ ਗਿਆ ਜਿਸ ਦਾ ਉਨ੍ਹਾਂ ਨੂੰ ਭਰਪੂਰ ਹੁੰਗਾਰਾ ਮਿਲਿਆ। ਵੱਡੀ ਗਿਣਤੀ ਵਿਚ ਇਸ ਏਰੀਏ ਦੇ ਲੋਕ ਇਸ ਦਾਅਵਤ ਵਿਚ ਸ਼ਾਮਲ ਹੋਏ ਜਿਨ੍ਹਾਂ ਵਿਚ ਪੰਜਾਬੀ ਪੰਾਈਚਾਰੇ ਦੇ ਲੋਕ ਵੀ ਹਾਜ਼ਰ ਸਨ। ਸਾਰਿਆਂ ਨੇ ਖਾਣੇ ਦਾ ਭਰਪੂਰ ਆਨੰਦ ਮਾਣਿਆਂ ਅਤੇ ਾਰਲੀਮੈਨਟ ਕ੍ਰਿਸਟੀ ਡੰਕਨ ਸਮੇਤ ਕਈ ਹੋਰ ਲੀਡਰਾਂ ਦੇ ਵਿਚਾਰ ਸੁਣੇ।
ਇਸ ਮੌਕੇ ਜਮਾਇਕਨ ਲੜਕੀਆਂ ਨੇ ਆਪਣੇ ਵੱਖਰੀ ਕਿਸਮ ਦੇ ਨਾਚ-ਗਾਣਿਆਂ ਨਾਲ ਲੋਕਾਂ ਦਾ ਮਨੋਰੰਜਨ ਕੀਤਾ। ਡਿਨਰ ਸਮਾਗ਼ਮ ਦੌਰਾਨ ਇਸ ਏਰੀਏ ਦੀ ਹਰਮਨ-ਪਿਆਰੀ ਆਗੂ ਕ੍ਰਿਸਟੀ ਡੰਕਨ ਨੇ ਪਾਰਲੀਮੈਂਟ ਵਿਚ ਆਪਣੀ ਇਸ ਟੱਰਮ ਦੀ ਕਾਰਗ਼ੁਜ਼ਾਰੀ ਬਾਰੇ ਚਾਨਣਾ ਪਾਇਆ ਅਤੇ ਅਗਲੀ ਟੱਰਮ ਲਈ 2019 ਵਿਚ ਹੋਣ ਵਾਲੀਆਂ ਫ਼ੈੱਡਰਲ ਚੋਣਾਂ ਵਿਚ ਵੀ ਉਮੀਦਵਾਰ ਹੋਣ ਦੀ ਜਾਣਕਾਰੀ ਹਾਜ਼ਰੀਨ ਨਾਲ ਸਾਂਝੀ ਕੀਤੀ। ਉਨ੍ਹਾਂ ਨੇ ਆਏ ਮਹਿਮਾਨਾਂ ਦਾ ਸੁਆਗ਼ਤ ਕੀਤਾ ਅਤੇ ਉਨ੍ਹਾਂ ਦਾ ਉੱਥੇ ਆਉਣ 'ਤੇ ਧੰਨਵਾਦ ਵੀ ਕੀਤਾ।
ਪੰਜਾਬੀ ਕਮਿਊਨਿਟੀ ਵਿੱਚੋਂ ਸ. ਸੁਲੱਖਣ ਸਿੰਘ ਅਟਵਾਲ, ਸਕੂਲ-ਟਰੱਸਟੀ ਅਵਤਾਰ ਸਿੰਘ ਮਿਨਹਾਸ ਅਤੇ ਅਮਰੀਕ ਸਿੰਘ ਰਾਏ ਨੇ ਇਸ ਡਿਨਰ ਸਮਾਗ਼ਮ ਵਿਚ ਵਿਸ਼ੇਸ਼ ਤੌਰ 'ਤੇ ਸਿ਼ਰਕਤ ਕੀਤੀ। ਤਸਵੀਰ ਵਿਚ ਉਹ ਕ੍ਰਿਸਟੀ ਡੰਕਨ ਦੇ ਨਾਲ ਖੜੇ ਹਨ।