Welcome to Canadian Punjabi Post
Follow us on

22

April 2019
ਮਨੋਰੰਜਨ

ਤਾਪਸੀ ਦੀ ਖੁਸ਼ੀ ਦਾ ਟਿਕਾਣਾ ਨਹੀਂ

December 06, 2018 07:39 AM

ਇਨ੍ਹੀਂ ਦਿਨੀਂ ਤਾਪਸੀ ਪੰਨੂ ਸੱਤਵੇਂ ਅਸਮਾਨ ਉੱਤੇ ਹੈ। ਜਦੋਂ ਸਮਾਂ ਚੰਗਾ ਗੁਜ਼ਰ ਰਿਹਾ ਹੋਵੇ ਤਾਂ ਅਜਿਹਾ ਹੋਣਾ ਸੁਭਾਵਿਕ ਹੈ। ਬੇਸ਼ੱਕ ਇੱਕ ਸਾਲ ਪੂਰਾ ਹੋਣ 'ਚ ਮਹੀਨਾ ਬਾਕੀ ਹੈ, ਪਰ ਤਾਪਸੀ ਇਸ ਸਾਲ ਦੀਆਂ ਆਪਣੀਆਂ ਜ਼ਿਆਦਾ ਫਿਲਮਾਂ ਦੀ ਸਫਲਤਾ ਦੇ ਨਾਲ ਇਨ੍ਹਾਂ 'ਚ ਆਪਣੇ ਅਭਿਨੈ ਨੂੰ ਲੈ ਕੇ ਮਿਲੀ ਪ੍ਰਸ਼ੰਸਾ ਤੋਂ ਬਹੁਤ ਖੁਸ਼ ਹੈ। ਆਪਣੀ ਪਿਛਲੀ ਫਿਲਮ ‘ਮਨਮਰਜ਼ੀਆਂ' ਦੀ ਸਫਲਤਾ 'ਤੇ ਵੀ ਉਹ ਬਹੁਤ ਉਤਸ਼ਾਹਤ ਹੈ। ਉਸ ਦਾ ਕਹਿਣਾ ਹੈ ਕਿ ਇਹ ਸਾਲ ਉਸ ਲਈ ਬਹੁਤ ਚੰਗਾ ਰਿਹਾ ਅਤੇ ਉਸ ਦੇ ਕਰੀਅਰ ਨੂੰ ਅੱਗੇ ਵਧਾਉਣ ਵਿੱਚ ਕਾਫੀ ਮਦਦਗਾਰ ਸਾਬਤ ਹੋਇਆ ਹੈ। ਉਸ ਦੀ ਖੁਸ਼ੀ ਇਸ ਗੱਲ ਨਾਲ ਵੀ ਦੁੱਗਣੀ ਹੋ ਰਹੀ ਹੈ ਕਿ ਅਗਲੇ ਸਾਲ ਲਈ ਉਸ ਦੀ ਝੋਲੀ ਵਿੱਚ ਕਾਫੀ ਚੰਗੀਆਂ ਫਿਲਮਾਂ ਮੌਜੂਦ ਹਨ। ਅਜਿਹੇ ਵਿੱਚ ਲਗਭਗ ਤੈਅ ਹੈ ਕਿ ਉਸ ਦਾ ਅਗਲਾ ਸਾਲ ਵੀ ਇਸ ਸਾਲ ਦੀ ਤਰ੍ਹਾਂ ਹੀ ਸਫਲ ਰਹੇਗਾ।
ਉਸ ਦੇ ਕੋਲ ਜੋ ਫਿਲਮਾਂ ਹਨ ਉਨ੍ਹਾਂ ਵਿੱਚ ‘ਬਾਰਿਸ਼ ਅਤੇ ਚਾਊਮੀਨ’, ‘ਤੜਕਾ’, ‘ਬਦਲਾ’, ‘ਗੇਮ ਓਵਰ’ ਅਤੇ ‘ਮਿਸ਼ਨ ਮੰਗਲ’ ਸ਼ਾਮਲ ਹਨ। ‘ਤੜਕਾ' ਅਭਿਨੇਤਾ ਪ੍ਰਕਾਸ਼ ਰਾਜ ਦੁਆਰਾ ਨਿਰਦੇਸ਼ਿਤ ਫਿਲਮ ਹੈ, ਜੋ 2011 ਦੀ ਮਲਿਆਲਮ ਬਲਾਕ ਬਸਟਰ ‘ਸਾਲਟ ਐੱਨ ਐਪਰ’ ਦੀ ਰੀਮੇਕ ਹੈ। ਉਹ ਸੁਜਾਏ ਘੋਸ਼ ਦੀ ਫਿਲਮ ‘ਬਦਲਾ’ ਵਿੱਚ ਅਮਿਤਾਬ ਬੱਚਨ ਨਾਲ ਵੀ ਦਿਖਾਈ ਦੇਵੇਗੀ, ਜਿਸ ਦੀ ਕੁਝ ਸ਼ੂਟਿੰਗ ਸਕਾਟਲੈਂਡ ਦੇ ਸ਼ਹਿਰ ਗਲਾਸਗੋ ਵਿੱਚ ਹੋ ਚੁੱਕੀ ਹੈ ਅਤੇ ਦੂਜੇ ਹਿੱਸੇ ਦੀ ਸ਼ੂਟਿੰਗ ਜਲਦੀ ਸ਼ੁਰੂ ਹੋਵੇਗੀ।

Have something to say? Post your comment