ਆਯੁਸ਼ਮਾਨ ਘੱਟ ਬਜਟ ਦੀਆਂ ਫਿਲਮਾਂ ਨਾਲ ਕਮਾਲ ਕਰ ਰਹੇ ਹਨ। ਲਗਾਤਾਰ ਮਿਲਦੀ ਸਫਲਤਾ ਦੇ ਬਾਅਦ ਵੀ ਉਹ ਕਾਫੀ ਸ਼ਾਂਤ ਹਨ। ਉਹ ਕਹਿੰਦੇ ਹਨ ਕਿ ਅੱਗੇ ਤੋਂ ਮੈਂ ਐਕਸ਼ਨ ਫਿਲਮਾਂ ਕਰਨਾ ਚਾਹੁੰਦਾ ਹਾਂ। ਐਕਸ਼ਨ ਜ਼ੋਨਰ ਮੈਨੂੰ ਪਸੰਦ ਹੈ ਤੇ ਮੈਂ ਏਧਰ ਆਪਣੀ ਕਿਸਮਤ ਅਜਮਾਉਣਾ ਚਾਹੁੰਦਾ ਹਾਂ। ਮੈਨੂੰ ਲੱਗਦਾ ਹੈ ਕਿ ਮੇਰੇ ਅੰਦਰ ਕਾਫੀ ਪੋਟੈਂਸ਼ੀਅਲ ਹੈ ਅਤੇ ਮੈਂ ਉਸ ਨੂੰ ਐਕਸਪਲੋਰ ਕਰਨਾ ਚਾਹੁੰਦਾ ਹਾਂ। ਇਸ ਦੇ ਨਾਲ ਹੀ ਮੈਂ ਕੁਝ ਡਾਰਕ ਫਿਲਮਾਂ ਵੀ ਕਰਨਾ ਚਾਹੁੰਦਾ ਹਾਂ। ਹਾਲਾਂਕਿ ‘ਅੰਧਾਧੁੰਦ' ਡਾਰਕ ਫਿਲਮ ਨਹੀਂ ਸੀ। ਇਸ ਦਾ ਟਾਪਿਕ ਇਸ ਤਰ੍ਹਾਂ ਦਾ ਸੀ, ਪਰ ਇਸ ਨੂੰ ਮਜ਼ਾਕੀਆ ਅੰਦਾਜ਼ ਵਿੱਚ ਫਿਲਮਾਇਆ ਸੀ। ਮੈਂ ਅਜਿਹੀ ਡਾਰਕ ਫਿਲਮ ਚਾਹੁੰਦਾ ਹਾਂ, ਜੋ ਲੋਕਾਂ ਦਾ ਮਨੋਰੰਜਨ ਵੀ ਕਰੇ। ਇਹ ‘ਬਦਲਾਪੁਰ' ਟਾਈਪ ਦੀ ਫਿਲਮ ਹੋ ਸਕਦੀ ਹੈ। ਇਸ ਫਿਲਮ ਨੇ ਦਰਸ਼ਕਾਂ ਨੂੰ ਬੰਨ੍ਹ ਕੇ ਰੱਖਿਆ ਸੀ।
ਦੱਸਣਾ ਬਣਦਾ ਹੈ ਕਿ ਆਯੁਸ਼ਮਾਨ ਸਿਰਫ ਐਕਸ਼ਨ ਤੇ ਡਾਰਕ ਫਿਲਮਾਂ ਹੀ ਨਹੀਂ ਟਰਾਈ ਨਹੀਂ ਕਰਨਾ ਚਾਹੁੰਦਾ, ਉਹ ਪੀਰੀਅਡ ਫਿਲਮਾਂ ਕਰਨ ਵਿੱਚ ਵੀ ਦਿਲਚਸਪੀ ਰੱਖਦਾ ਹੈ। ਉਹ ਕਹਿੰਦਾ ਹੈ, ਪਹਿਲਾਂ ਇੱਕ ਪੀਰੀਅਡ ਫਿਲਮ ‘ਹਵਾਈਜ਼ਾਦਾ’ ਕਰ ਚੁੱਕਾ ਹਾਂ। ਇਥੋਂ ਤੱਕ ਕਿ ‘ਦਮ ਲਗਾ ਕੇ ਹਈਸ਼ਾ’ ਵੀ ਪੀਰੀਅਡ ਫਿਲਮ ਸੀ। ਇਸ ਲਈ ਮੈਂ ਹੋਰ ਪੀਰੀਅਡ ਫਿਲਮਾਂ ਚਾਹੰੁਦਾ ਹਾਂ। ਮੈਨੂੰ ਅਤੀਤ ਵਿੱਚ ਰਹਿਣਾ ਪਸੰਦ ਹੈ ਅਤੇ ਪੁਰਾਣੇ ਦੌਰ ਦੀਆਂ ਚੀਜ਼ਾਂ ਨਾਲ ਪਿਆਰ ਹੈ।
ਆਯੁਸ਼ਮਾਨ ਦਾ ਕਹਿਣਾ ਹੈ ਕਿ ਆਪਣੇ ਅਗਲੇ ਪ੍ਰੋਜੈਕਟ ਦਾ ਐਲਾਨ ਕਰਨ ਲਈ ਤਿਆਰ ਹਾਂ। ਉਸ ਦਾ ਕਹਿਣਾ ਹੈ ਕਿ ਸਾਰੇ ਪ੍ਰੋਜੈਕਟ ਕੰਟੈਂਟ ਬੇਸਡ ਹੋਣਗੇ। ਸਾਰਿਆਂ ਦੇ ਸਬਜੈਕਟ ਯੂਨੀਕ ਹਨ, ਜਿਸ ਦਾ ਕੋਈ ਰੈਫਰੈਂਸ਼ ਪੁਆਇੰਟ ਨਹੀਂ ਹੈ। ਵੈਬ ਸੀਰੀਜ਼ ਦੀ ਪਾਪੂਲੈਰਿਟੀ ਦੇਖਦੇ ਹੋਏ ਆਯੁਸ਼ਮਾਨ ਡਿਜੀਟਲ ਪਲੇਟਫਾਰਮ ਵਿੱਚ ਵੀ ਕੰਮ ਕਰਨ ਦੇ ਲਈ ਐਕਸਾਈਟਿਡ ਹੈ। ਉਹ ਕਹਿੰਦਾ ਹੈ, ‘‘ਜੇ ਕੰਟੈਂਟ ਚੰਗਾ ਹੋਵੇ ਤਾਂ ਵੈਬ ਸੀਰੀਜ਼ ਵਿੱਚ ਕੰਮ ਕਰਨ ਵਿੱਚ ਕੋਈ ਦਿੱਕਤ ਨਹੀਂ ਹੈ।” ਫੈਮਿਲੀ ਨੂੰ ਕਰੈਡਿਟ ਦਿੰਦੇ ਹੋਏ ਆਯੁਸ਼ਮਾਨ ਕਹਿੰਦਾ ਹੈ, ‘‘ਮੇਰੇ ਲਈ ਮੇਰੀ ਸਟੈ੍ਰਂਥ ਪਾਪਾ ਰਹੇ ਹਨ। ਮੈਂ ਇੱਕ ਮਿਡਲ ਕਲਾਸ ਫੈਮਿਲੀ ਵਿੱਚ ਵੱਡਾ ਹੋਇਆ ਹਾਂ। ਮੈਂ ਇੱਕ ਆਲਸੀ ਬੱਚਾ ਸੀ, ਪਰ ਪਾਪਾ ਨੇ ਮੇਰੇ ਟੈਲੇਂਟ ਨੂੰ ਨਿਖਾਰਿਆ। ਮੈਨੂੰ ਥੀਏਟਰ ਅਤੇ ਮਿਊਜ਼ਿਕ ਸਿਖਵਾਇਆ।”