ਪੈਰਿਸ, 17 ਫਰਵਰੀ (ਪੋਸਟ ਬਿਊਰੋ)- ਫਰਾਂਸ ਦੀ ਪਾਰਲੀਮੈਂਟ ਦੇ ਹੇਠਲੇ ਸਦਨ ਵਿੱਚ ਕੱਲ੍ਹ ਅਜਿਹੇ ਬਿੱਲ ਦੇ ਪੱਖ ਵਿੱਚ ਵੋਟਿੰਗ ਹੋਈ, ਜੋ ਮਸਜਿਦਾਂ ਅਤੇ ਧਾਰਮਿਕ ਸਕੂਲਾਂ ਦੀ ਸਰਕਾਰੀ ਨਿਗਰਾਨੀ ਨੂੰ ਮਜ਼ਬੂਤ ਕਰੇਗਾ ਅਤੇ ਇਸਲਾਮੀ ਕੱਟੜਤਾ ਨੂੰ ਰੋਕਣ ਦੇ ਉਪਾਵਾਂ ਤੋਂ ਇਲਾਵਾ ਬਹੁ-ਵਿਆਹ ਤੇ ਜਬਰਦਸਤੀ ਵਿਆਹ ਉੱਤੇ ਰੋਕ ਲਗਾਏਗਾ।
ਇਹ ਬਿੱਲ ਪਿਛਲੇ ਸਾਲਾਂ ਵਿੱਚ ਕੱਟੜਪੰਥ ਨਾਲ ਲੜਨ ਲਈ ਵਿਆਪਕ ਤੌਰ ਉੱਤੇ ਫਰਾਂਸੀਸੀ ਕੋਸ਼ਿਸ਼ਾਂ ਦਾ ਹਿੱਸਾ ਹੈ, ਜੋ ਇੱਕ ਅਧਿਆਪਕ ਦਾ ਸਿਰ ਕਲਮ ਕੀਤੇ ਜਾਣ ਅਤੇ ਹੋਰ ਹਮਲਿਆਂ ਤੋਂ ਬਾਅਦ ਤਤਕਾਲੀਨ ਤੌਰ ਉੱਤੇ ਤਿਆਰ ਕੀਤਾ ਗਿਆ। ਰਾਸ਼ਟਰਪਤੀ ਐਮੇਨੁਅਲ ਮੈਕੋ੍ਰ ਵੱਲੋਂ ਪਾਸ ਕੀਤੇ ਬਿੱਲ ਨੂੰ ਇੱਕ ਸਿਆਸੀ ਪੈਂਤਰੇਬਾਜ਼ੀ ਕਿਹਾ। ਬਿੱਲ ਨੂੰ ਨੈਸ਼ਨਲ ਅਸੈਂਬਲੀ ਵਿੱਚ ਮਨਜ਼ੂਰੀ ਮਿਲਣ ਦੀ ਉਮੀਦ ਹੈ, ਜਿਸ ਵਿੱਚ ਮੈਕ੍ਰੋ ਦੀ ਮੱਧ-ਮਾਰਗੀ ਪਾਰਟੀ ਦਾ ਬਹੁਮਤ ਹੈ। ਉਥੇ ਕੰਜਰੇਟਿਵ ਦੀ ਅਗਵਾਈ ਵਾਲੀ ਪਾਰਟੀ ਦਾ ਸੈਨੇਟ ਵਿੱਚ ਬਹੁਮਤ ਹੈ।