ਸਲਮਾਨ ਖਾਨ ਫਿਲਹਾਲ ਆਪਣੀ ਜੀਜੇ ਆਯੁਸ਼ ਸ਼ਰਮਾ ਦੇ ਨਾਲ ਆਉਣ ਵਾਲੀ ਫਿਲਮ ‘ਅੰਤਿਮ : ਦ ਫਾਈਨਲ ਟਰੂਥ’ ਦੇ ਆਖਰੀ ਹਿੱਸੇ ਦੀ ਸ਼ੂਟਿੰਗ ਵਿੱਚ ਬਿਜ਼ੀ ਹਨ। ਪਿਛਲੇ ਸਾਲ ਨਵੰਬਰ ਵਿੱਚ ਆਯੁਸ਼ ਨੇ ਫਿਲਮ ਤੋਂ ਸਲਮਾਨ ਦੀ ਪਹਿਲੀ ਝਲਕੀਆਂ ਇੰਟਰਨੈੱਟ 'ਤੇ ਸ਼ੇਅਰ ਕੀਤੀਆਂ ਸਨ। ਰਿਪੋਰਟਾਂ ਅਨੁਸਾਰ ਤੇਲਗੂ ਫਿਲਮਾਂ ਦੀ ਅਭਿਨੇਤਰੀ ਪ੍ਰੱਗਿਆ ਜੈਸਵਾਲ ਫਿਲਮ ਵਿੱਚ ਸਲਮਾਨ ਦੇ ਨਾਲ ਰੋਮਾਂਸ ਕਰਦੀ ਨਜ਼ਰ ਆਏਗੀ।
ਫਿਲਮ ਨਾਲ ਜੁੜੇ ਸੂਤਰਾਂ ਦਾ ਦਾਅਵਾ ਹੈ ਕਿ ਪ੍ਰੱਗਿਆ ਚੁੱਪ ਚੁਪੀਤੇ ਫਿਲਮ ਦੀ ਸ਼ੂਟਿੰਗੇ ਕਰ ਰਹੀ ਹੈ। ਉਸ ਦਾ ਸਲਮਾਨ ਦੇ ਨਾਲ ਰੋਮਾਂਟਿਕ ਗਾਣਾ ਵੀ ਹੋਵੇਗਾ। ਮਹੇਸ਼ ਮਾਂਜਰੇਕਰ ਦੇ ਨਿਰਦੇਸ਼ਨ ਵਿੱਚ ਬਣ ਰਹੀ ਫਿਲਮ ਦੀ ਸ਼ੂਟਿੰਗ ਫਰਵਰੀ ਅੱਧ ਤੱਕ ਪੂਰੀ ਹੋਣ ਦੀ ਆਸ ਹੈ। ਇਸ ਗੈਂਗਸਟਰ ਡਰਾਮਾ ਫਿਲਮ ਵਿੱਚ ਆਯੁਸ਼ ਗੈਂਗਸਟਰ ਦਾ ਕਿਰਦਾਰ ਨਿਭਾ ਰਹੇ ਹਨ ਅਤੇ ਸਲਮਾਨ ਇੱਕ ਸਿੱਖ ਪੁਲਸ ਅਧਿਕਾਰੀ ਬਣੇ ਹਨ।