Welcome to Canadian Punjabi Post
Follow us on

19

May 2019
ਮਨੋਰੰਜਨ

ਪੰਜਾਬੀ ਫਿਲਮਾਂ ਵਿੱਚ ਦਿਸੇਗੀ ਜ਼ਰੀਨ

December 03, 2018 10:05 PM

ਸਲਮਾਨ ਖਾਨ ਦੀ ਹੀਰੋਇਨ ਦੇ ਤੌਰ 'ਤੇ ਚਰਚਿਤ ਜ਼ਰੀਨ ਖਾਨ ਦਾ ਹਿੰਦੀ ਫਿਲਮਾਂ ਵਿੱਚ ਕਰੀਅਰ ਭਾਵੇਂ ਅੱਗੇ ਨਾ ਵਧਿਆ ਹੋਵੇ, ਪਰ ਖੇਤਰੀ ਫਿਲਮਾਂ ਵਿੱਚ ਉਸ ਦੇ ਲਈ ਮੌਕਿਆਂ ਦੀ ਕਮੀ ਨਹੀਂ। ਖਬਰ ਹੈ ਕਿ ਉਹ ਪੰਜਾਬੀ ਫਿਲਮਾਂ ਦੇ ਪਰਦੇ 'ਤੇ ਧਾਂਕ ਜਮਾਉਣ ਜਾ ਰਹੀ ਹੈ। ਹਾਲਾਂਕਿ ਅਜਿਹਾ ਨਹੀਂ ਹੈ ਕਿ ਉਹ ਪਹਿਲੀ ਵਾਰ ਕਿਸੇ ਪੰਜਾਬੀ ਫਿਲਮ ਵਿੱਚ ਕੰਮ ਕਰਨ ਜਾ ਰਹੀ ਹੈ। ਜ਼ਰੀਨ ਨੇ ਚਾਰ ਸਾਲ ਪਹਿਲਾਂ ਇੱਕ ਪੰਜਾਬੀ ਫਿਲਮ ਵਿੱਚ ਕੰਮ ਕੀਤਾ ਸੀ, ਪਰ ਇਸ ਨੂੰ ਚੰਗੇ ਰਿਸਪਾਂਸ ਨਹੀਂ ਮਿਲਿਆ ਸੀ। ਲੰਬੇ ਵਕਫੇ ਦੇ ਬਾਅਦ ਜ਼ਰੀਨ ਇੱਕ ਵਾਰ ਫਿਰ ਪੰਜਾਬੀ ਫਿਲਮ ਵਿੱਚ ਕੰਮ ਕਰ ਰਹੀ ਹੈ। ਉਸ ਦੀ ਇਸ ਪੰਜਾਬੀ ਫਿਲਮ ਦਾ ਨਾਂਅ ਹੈ ‘ਪਠਾਨਕੋਟ’, ਜਿਸ ਦੇ ਬੈਕਡ੍ਰਾਪ ਵਿੱਚ ਪਾਕਿਸਤਾਨ ਵੱਲੋਂ ਕੀਤਾ ਅੱਤਵਾਦੀ ਹਮਲਾ ਹੈ। ਹਿੰਦੀ ਵਿੱਚ ਇਸੇ ਵਿਸ਼ੇ 'ਤੇ ‘ਉੜੀ’ ਨਾਂਅ ਤੋਂ ਫਿਲਮ ਵੀ ਬਣ ਰਹੀ ਹੈ, ਜਿਸ ਦੀਆਂ ਮੁੱਖ ਭੂਮਿਕਾਵਾਂ ਵਿੱਚ ਵਿੱਕੀ ਕੌਸ਼ਲ ਅਤੇ ਯਾਮੀ ਗੌਤਮ ਨੇ ਕੰਮ ਕੀਤਾ ਹੈ।
ਪੰਜਾਬੀ ਫਿਲਮ ‘ਪਠਾਨਕੋਟ’ ਵਿੱਚ ਜ਼ਰੀਨ ਦਾ ਕਿਰਦਾਰ ਪਿੰਡ ਦੀ ਭੋਲੀ-ਭਾਲੀ ਕੁੜੀ ਦਾ ਹੈ, ਜਿਸ ਦੀ ਜ਼ਿੰਦਗੀ ਇਸ ਅੱਤਵਾਦੀ ਹਮਲੇ ਨਾਲ ਪੂਰੀ ਤਰ੍ਹਾਂ ਬਦਲ ਜਾਂਦੀ ਹੈ। ਜ਼ਰੀਨ ਦਾ ਕਹਿਣਾ ਹੈ ਕਿ ਭਾਸ਼ਾ ਚੰਗੇ ਸਿਨੇਮਾ ਲਈ ਰੁਕਾਵਟ ਨਹੀਂ ਬਣਦੀ ਤੇ ਜੇ ਕਹਾਣੀ ਤੇ ਕਿਰਦਾਰ ਦਿਲਚਸਪ ਹੈ ਤਾਂ ਭਾਸ਼ਾ ਜਾਂ ਕਿਸੇ ਹੋਰ ਪਹਿਲੂ 'ਤੇ ਉਹ ਧਿਆਨ ਨਹੀਂ ਦਿੰਦੀ।

Have something to say? Post your comment