ਮਾਂਟਰੀਅਲ, 19 ਜਨਵਰੀ (ਪੋਸਟ ਬਿਊਰੋ) : ਡਾਊਨਟਾਊਨ ਮਾਂਟਰੀਅਲ ਸਥਿਤ ਸੈ਼ਲਟਰ ਤੋਂ ਥੋੜ੍ਹੀ ਦੂਰੀ ਉੱਤੇ ਇੱਕ ਵਿਅਕਤੀ ਦੀ ਠੰਢ ਵਿੱਚ ਜੰਮ ਜਾਣ ਕਾਰਨ ਮੌਤ ਹੋ ਗਈ।
ਹੁਣ ਕਿਊਬਿਕ ਦੇ ਇਸ ਸੈ਼ਲਟਰ ਦਾ ਸਟਾਫ ਪਬਲਿਕ ਹੈਲਥ ਨਿਯਮਾਂ ਦੀ ਪਾਲਣਾ ਦੀ ਦੁਹਾਈ ਦੇ ਕੇ ਆਪਣਾ ਪੱਲਾ ਝਾੜਨ ਦੀ ਕੋਸਿ਼ਸ਼ ਕਰ ਰਿਹਾ ਹੈ। ਸ਼ਨਿੱਚਰਵਾਰ ਦੀ ਰਾਤ ਨੂੰ ਬੈੱਡ ਉਪਲਬਧ ਹੋਣ ਦੇ ਬਾਵਜੂਦ ਇੱਥੋਂ ਦੇ ਸਟਾਫ ਨੇ ਉਸ ਵਿਅਕਤੀ ਨੂੰ ਸੈ਼ਲਟਰ ਤੋਂ ਬਾਹਰ ਕਰ ਦਿੱਤਾ। ਮਾਂਟਰੀਅਲ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵੱਲੋਂ ਰਾਤ ਸਮੇਂ ਸੈ਼ਲਟਰ ਨੂੰ ਮੁੜ ਖੋਲ੍ਹਣ ਦੀ ਕੋਸਿਸ ਕੀਤੀ ਜਾਵੇਗੀ।
ਮਾਂਟਰੀਅਲ, ਨਕੂਸੇਤ ਦੇ ਨੇਟਿਵ ਵੁਮਨਜ਼ ਸੈ਼ਲਟਰ ਦੇ ਡਾਇਰੈਕਟਰ ਨੇ ਆਖਿਆ ਕਿ ਉਹ ਵਿਅਕਤੀ ਇਨੂੰ ਸੀ। ਉਹ ਇਨੁਕ ਤੋਂ ਸੀ। ਕਿਊਬਿਕ ਦੇ ਕੌਰੋਨਰ ਦੇ ਆਫਿਸ ਵੱਲੋਂ ਮ੍ਰਿਤਕ ਦੀ ਪਛਾਣ 51 ਸਾਲਾਂ ਦੇ ਰਫੇਲ ਆਂਦਰੇ ਵਜੋਂ ਹੋਈ ਹੈ। ਸਟਾਫ ਨੇ ਉਸ ਦਿਨ ਆਂਦਰੇ ਲਈ ਸੈਲਟਰ ਦੇ ਦਰਵਾਜ਼ੇ ਖੋਲ੍ਹ ਦਿੱਤੇ ਸਨ, ਉਹ ਉੱਥੇ ਨਿਯਮਿਤ ਤੌਰ ਉੱਤੇ ਜਾਂਦਾ ਸੀ। ਉਸ ਨੇ ਰੋਟੀ ਖਾਧੀ ਤੇ ਉਹ ਨਹਾਇਆ ਪਰ ਉਸੇ ਦੇਰ ਰਾਤ ਉਸ ਦੀ ਮੌਤ ਹੋ ਗਈ।
ਸ਼ੈਲਟਰ ਦੇ ਮੁਲਾਜ਼ਮਾਂ ਨੇ ਆਖਿਆ ਕਿ ਉਨ੍ਹਾਂ ਨੂੰ ਰਾਤ ਸਮੇਂ ਕਿਸੇ ਨੂੰ ਰੱਖਣ ਦੀ ਇਜ਼ਾਜ਼ਤ ਨਹੀਂ ਇਸ ਲਈ ਉਹ ਉਸ ਨੂੰ ਬਾਹਰ ਨਹੀਂ ਸਨ ਕਰ ਸਕਦੇੇ।