ਸਾਲ 2019 ਦੀ ਸਭ ਤੋਂ ਵੱਡੀ ਬਲਾਕ ਬਸਟਰ ਫਿਲਮ ‘ਵਾਰ’ ਦੇਣ ਵਾਲੇ ਰਿਤਿਕ ਰੋਸ਼ਨ ਨੇ ਫਾਈਨਲੀ ਆਪਣੀ ਇੱਕ ਹੋਰ ਐਕਸ਼ਨ ਡਰਾਮਾ ਫਿਲਮ ‘ਫਾਈਟਰ’ ਦੀ ਆਫੀਸ਼ੀਅਲ ਅਨਾਊਂਸਮੈਂਟ ਹਾਲ ਹੀ ਵਿੱਚ ਕੀਤੀ ਹੈ। ਇਸ ਵਿੱਚ ਪਹਿਲੀ ਵਾਰ ਉਹ ਦੀਪਿਕਾ ਪਾਦੁਕੋਣ ਨਾਲ ਆਉਣਗੇ। ਫਿਲਮ ਨਿਰਦੇਸ਼ਨ ਸਿਧਾਰਥ ਆਨੰਦ ਕਰਨਗੇ। ਦੱਸਿਆ ਗਿਆ ਹੈ ਕਿ ‘ਫਾਈਟਰ’ ਇੱਕ ਏਰੀਅਲ ਐਕਸ਼ਨ ਡਰਾਮਾ ਹੋਵੇਗੀ, ਇਸ ਲਈ ਇਸ ਦਾ ਬਜਟ ਕਾਫੀ ਹੈਵੀ ਹੋਵੇਗਾ।
ਸੂਤਰਾਂ ਮੁਤਾਬਕ ਫਿਲਮ ਦਾ ਤਕਰੀਬਨ ਬਜਟ 250 ਕਰੋੜ ਹੋਵੇਗਾ। ਇਹ ਬਾਲੀਵੁੱਡ ਦੀਆਂ ਸਭ ਤੋਂ ਵੱਡੀਆਂ ਐਕਸ਼ਨ ਫਿਲਮਾਂ ਵਿੱਚੋਂ ਇੱਕ ਹੋਵੇਗੀ। ਸਿਧਾਰਥ ਫਿਲਹਾਲ ਸ਼ਾਹਰੁਖ ਖਾਨ ਦੇ ਨਾਲ ਫਿਲਮ ‘ਪਠਾਨ’ ਦੀ ਸ਼ੂਟਿੰਗ ਵਿੱਚ ਬਿਜ਼ੀ ਹਨ। ਉਹ ਜਲਦੀ ਹੀ ‘ਪਠਾਨ’ ਦੇ ਅਗਲੇ ਸ਼ਡਿਊਲ ਦੀ ਸ਼ੂਟਿੰਗ ਲਈ ਟੀਮ ਦੇ ਨਾਲ ਆਬੂ ਧਾਬੀ ਰਵਾਨਾ ਹੋਣਗੇ। ਸਿਧਾਰਥ ਦੀ ਯੋਜਨਾ ਇਸ ਸਾਲ ਜੂਨ ਤੱਕ ‘ਪਠਾਨ’ ਦੀ ਸ਼ੂਟਿੰਗ ਖਤਮ ਕਰਨ ਅਤੇ ਦੀਵਾਲੀ ਉੱਤੇ ਇਸ ਫਿਲਮ ਨੂੰ ਰਿਲੀਜ਼ ਕਰਨ ਦੀ ਹੈ। ‘ਫਾਈਟਰ’ ਵਿੱਚ ਰਿਤਿਕ ਨੂੰ ਤੀਸਰੀ ਵਾਰ ਨਿਰਦੇਸ਼ਿਤ ਕਰ ਰਹੇ ਸਿਧਾਰਥ ਇਸ ਸਾਲ ਦੇ ਅਖੀਰ ਤੱਕ ਇਸ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰ ਸਕਦੇ ਹਨ।