ਯੂ ਐੱਨ ਓ, 17 ਜਨਵਰੀ (ਪੋਸਟ ਬਿਊਰੋ)- ਪਰਵਾਸੀ ਭਾਰਤੀਆਂ ਦੀ ਗਿਣਤੀ ਸੰਸਾਰ 'ਚ ਸਭ ਤੋਂ ਜ਼ਿਆਦਾ ਹੈ, ਜੋ ਦੁਨੀਆ ਦੇ ਵੱਖ-ਵੱਖ ਦੇਸ਼ਾਂ ਵਿੱਚ ਰਹਿੰਦੇ ਹਨ ਤੇ ਇਹ ਸਭ ਤੋਂ ਵੱਧ ਵਿਭਿੰਨਤਾ ਤੇ ਜ਼ਿੰਦਾਦਿਲੀ ਵਾਲੇ ਤਬਕਿਆਂ 'ਚੋਂ ਇੱਕ ਹਨ। ਯੂ ਐੱਨ ਓ ਨੇ ਦੱਸਿਆ ਕਿ ਸਾਲ 2020 ਵਿੱਚ ਤਕਰੀਬਨ 1.8 ਕਰੋੜ ਭਾਰਤੀ ਆਪਣੇ ਦੇਸ਼ਾਂ ਵਿੱਚ ਰਹਿੰਦੇ ਹਨ ਤੇ ਇਸ ਮਾਮਲੇ ਵਿੱਚ ਇਹ ਸੰਸਾਰ ਦਾ ਸਭ ਤੋਂ ਵੱਡਾ ਪਰਵਾਸੀ ਗਰੁੱਪ ਹਨ।
ਸੰਸਾਰ ਦੀ ਪੰਚਾਇਤ ਮੰਨੀ ਜਾਂਦੀ ਯੂ ਐੱਨ ਨੇ ਦੱਸਿਆ ਕਿ ਸਭ ਤੋਂ ਵੱਧ ਗਿਣਤੀ ਵਿੱਚ ਪਰਵਾਸੀ ਭਾਰਤੀ ਯੂ ਏ ਈ, ਅਮਰੀਕਾ ਅਤੇ ਸਾਊਦੀ ਅਰਬ ਵਿੱਚ ਹਨ। ਇਸ ਬਾਰੇ ਯੂ ਐੱਨ ਦੇ ਆਰਥਿਕ ਤੇ ਸਮਾਜਕ ਮਾਮਲਿਆਂ ਦੇ ਵਿਭਾਗ (ਡੀ ਈ ਐਸ ਏ) ਵਿੱਚ ਆਬਾਦੀ ਵੰਡ 'ਚ ਗਿਣਤੀ ਦੇ ਕੇਸਾਂ ਦੀ ਅਧਿਕਾਰੀ ਕਲੇਰ ਮੇਨੋਜੀ ਨੇ ਇੱਕ ਇੰਟਰਵਿਊ ਵਿੱਚ ਕਿਹਾ, ‘‘ਭਾਰਤ ਦੇ ਤਕਰੀਬਨ 1.8 ਕਰੋੜ ਲੋਕ ਦੁਨੀਆ ਦੇ ਵੱਖ-ਵੱਖ ਦੇਸ਼ਾਂ ਵਿੱਚ ਰਹਿੰਦੇ ਹਨ। ਸਭ ਤੋਂ ਰੌਚਕ ਗੱਲ ਇਹ ਕਿ ਭਾਰਤੀ ਪਰਵਾਸੀ ਪੂਰੀ ਦੁਨੀਆ 'ਚ ਹਨ।'' ਮੇਨੋਜੀ ਨੇ ਕਿਹਾ ਕਿ ਕੁਝ ਪਾਰਦਰਸ਼ੀ ਆਬਾਦੀ ਅਸਲ ਵਿੱਚ ਇੱਕ ਦੇਸ਼ ਜਾਂ ਖੇਤਰ ਤੱਕ ਕੇਂਦਰਿਤ ਹੈ, ਭਾਰਤੀ ਪਰਵਾਸੀ ਸਾਰੇ ਮਹਾਂਦੀਪਾਂ ਅਤੇ ਖੇਤਰਾਂ-ਖਾੜੀ ਤੋਂ ਲੈ ਕੇ ਅਮਰੀਕਾ ਤੱਕ, ਆਸਟਰੇਲੀਆ ਤੋਂ ਬ੍ਰਿਟੇਨ ਤੱਕ ਫੈਲੇ ਹਨ ਅਤੇ ਦੁਨੀਆ ਦਾ ਸਭ ਤੋਂ ਵਿਭਿੰਨਤਾ ਵਾਲਾ ਤੇ ਗਤੀਸ਼ੀਲ ਗਰੁੱਪ ਹਨ।