ਜਲਦੀ ਹੀ ਫਿਲਮ ‘ਆਫਤ-ਏ-ਇਸ਼ਕ’ ਵਿੱਚ ਨਜ਼ਰ ਆਉਣ ਵਾਲੀ ਖੂਬਸੂਰਤ ਨੇਹਾ ਸ਼ਰਮਾ ਨੇ ਸਾਲ 2010 ਵਿੱਚ ਫਿਲਮ ‘ਕਰੁੱਕ’ ਵਿੱਚ ਗਲੇਮਰਸ ਅਵਤਾਰ ਨਾਲ ਬਾਲੀਵੁੱਡ ਵਿੱਚ ਐਂਟਰੀ ਕੀਤੀ ਸੀ। ਹਾਲੇ ਤੱਕ ‘ਜਯੰਤਾਭਾਈ ਕੀ ਲਵ ਸਟੋਰੀ’, ‘ਕਯਾ ਸੁਪਰ ਕੂਲ ਹੈਂ ਹਮ’, ‘ਯਮਲਾ ਪਗਲਾ ਦੀਵਾਨਾ-2’, ‘ਤੁਮ ਬਿਨ ਲਾਦੇਨ’ ਤੋਂ ਲੈ ਕੇ ਪਿਛਲੇ ਸਾਲ ਦੀ ਸਭ ਤੋਂ ਵੱਡੀ ਹਿੱਟ ਫਿਲਮ ‘ਤਾਨ੍ਹਾਜੀ’ ਵਿੱਚ ਆ ਚੁੱਕੀ ਨੇਹਾ ਪਿੱਛੋਂ ਬਿਹਾਰ ਦੇ ਜਮਸ਼ੇਦਪੁਰ ਦੀ ਵਸਨੀਕ ਹੈ, ਜਿਸ ਨੇ ਸੋਚਿਆ ਨਹੀਂ ਸੀ ਕਿ ਉਹ ਅਭਿਨੇਤਰੀ ਬਣੇਗੀ, ਪਰ ਕਿਸਮਤ ਇਸੇ ਫੀਲਡ 'ਚ ਲੈ ਆਈ।
ਅਗਲੀ ਫਿਲਮ ‘ਆਫਤ-ਏ-ਇਸ਼ਕ’ ਬਾਰੇ ਉਤਸ਼ਾਹਤ ਨੇਹਾ ਨੇ ਪਿੱਛਲੇ ਦਿਨੀਂ ਇਸ ਵਿੱਚ ਆਪਣੇ ਕਿਰਦਾਰ ‘ਲੱਲੋ’ ਬਾਰੇ ਫੈਨਜ਼ ਨੂੰ ਜਾਣੂ ਕਰਾਇਆ ਹੈ। ਇਸ ਲਈ ਉਸ ਨੇ ਇੰਸਟਾਗ੍ਰਾਮ 'ਤੇ ਫਿਲਮ ਦੇ ਸੈੱਟ ਦੀਆਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਸਨ। ਇਨ੍ਹਾਂ 'ਚ ਨੇਹਾ ਇੱਕ ਸਕੂਲੀ ਵਿਦਿਆਰਥਣ ਦੀ ਵਰਦੀ ਪਹਿਨੀ ਸੀ। ਉਸ ਨੇ ਸਫੈਦ ਕੁੜਤੀ ਅਤੇ ਅਸਮਾਨ ਰੰਗ ਦੀ ਸਲਵਾਰ ਨਾਲ ਦੁਪੱਟਾ ਲੈ ਕੇ ਦੋ ਗੁੱਤਾਂ ਕੀਤੀਆਂ ਸਨ। ਉਹ ਤਸਵੀਰ ਵਿੱਚ ਨਦੀ ਕੰਢੇ ਬੈਠੀ ਸਕ੍ਰਿਪਟ ਪੜ੍ਹ ਹੈ। ਉਸ ਨੇ ਲਿਖਿਆ ਕਿ ਉਹ ਇਸ ਫਿਲਮ ਬਾਰੇ ਦੱਸਦੇ ਹੋਏ ‘ਸੁਪਰ ਐਕਸਾਈਟਿਡ' ਮਹਿਸੂਸ ਕਰ ਰਹੀ ਹੈ।
ਇਹ ਫਿਲਮ ਹੰਗਰੀ 'ਚ ਬਣੀ ਫਿਲਮ ‘ਲਿਜ਼ਾ : ਦਿ ਫਾਕਸ ਫੇਇਰੀ’ ਦਾ ਹਿੰਦੀ ਰੀਮੇਕ ਹੋਵੇਗੀ। ਮੂਲ ਫਿਲਮ ਨੇ ਕਈ ਇਨਾਮ ਜਿੱਤੇ ਸਨ ਅਤੇ ਇਹ ਬਾਕਸ ਆਫਿਸ 'ਤੇ ਬਹੁਤ ਸਫਲ ਰਹੀ ਸੀ। ਦੁਨੀਆ ਭਰ ਦੇ ਫਿਲਮੀ ਸਮਾਰੋਹਾਂ 'ਚ ਇਸ ਫਿਲਮ ਨੇ ਉਤਮ ਨਿਰਦੇਸ਼ਕ, ਉਤਮ ਫਿਲਮ, ਉਤਮ ਅਭਿਨੇਤਾ (ਮਹਿਲਾ) ਤੋਂ ਲੈ ਕੇ ਉਤਮ ਵਿਜੁਅਲ ਇਫੈਕਟਸ 'ਚ ਇਨਾਮ ਸਾਊਂਡਟ੍ਰੈਕ ਜਿਹੇ ਫਿਲਮੀ ਸਮਾਰੋਹਾਂ ਵਿੱਚ ਪੁਰਸਕਾਰ ਜਿੱਤੇ ਹਨ।
ਜਾਣਕਾਰਾਂ ਦੇ ਅਨੁਸਾਰ ਫਿਲਮ ‘ਆਫਤ-ਏ-ਇਸ਼ਕ’ ਇੱਕ ਮਹਿਲਾ ਦੀ ਸੱਚੇ ਪਿਆਰ ਦੀ ਤਲਾਸ਼ ਦੀ ਕਹਾਣੀ ਹੈ, ਜੋ ਇੱਕ ਤੋਂ ਬਾਅਦ ਇੱਕ ਕਈ ਮੌਤਾਂ ਹੋਣ 'ਤੇ ਖੁਦ ਨੂੰ ਮੁੱਖ ਸ਼ੱਕੀ ਮਹਿਸੂਸ ਕਰਨ ਲੱਗਦੀ ਹੈ। ਇਸ ਅਨੋਖੀ ਕਹਾਣੀ ਨੂੰ ‘ਸੁਪਰਨੈਚੁਰਲ’ ਪਹਿਲੂ ਹੋਰ ਵੀ ਹਟ ਕੇ ਬਣਾਉਂਦਾ ਹੈ। ਆਪਣੀ ਇਸ ਫਿਲਮ ਦੇ ਬਾਰੇ ਨੇਹਾ ਕਹਿੰਦੀ ਹੈ, ‘‘ਇਹ ਇੱਕ ‘ਡਾਰਕ ਕਾਮੇਡੀ’ ਹੈ, ਜਿਸ ਦੀ ਕਹਾਣੀ ਹਲਕੀ ਜਿਹੀ ਸੁਪਰਨੈਚੁਰਲ ਹੈ। ਇਹ ਗੱਲ ਇਸ ਪ੍ਰਤੀ ਉਤਸੁਕਤਾ ਵਧਾ ਦਿੰਦੀ ਹੈ। ਮੈਨੂੰ ਹੰਗਰੀ 'ਚ ਬਣੀ ਇਹ ਫਿਲਮ ਬਹੁਤ ਪਸੰਦ ਸੀ।”