ਅਭਿਨੇਤਾ, ਡਾਇਰੈਕਟਰ, ਸਕਰੀਨ ਰਾਈਟਰ, ਨਿਰਮਾਤਾ ਤੇ ਪਲੇਅਬੈਕ ਸਿੰਗਰ ਫਰਹਾਨ ਅਖਤਰ ਬੀਤੇ ਦਿਨੀਂ 47 ਸਾਲ ਦੇ ਹੋ ਗਏ। ਉਹ ਆਪਣੀ ਅਗਲੀ ਫਿਲਮ ‘ਤੂਫਾਨ’ ਵਿੱਚ ਮੁੱਕੇਬਾਜ਼ ਦਾ ਕਿਰਦਾਰ ਨਿਭਾ ਰਹੇ ਹਨ। ਫਿਲਮ ਵਿੱਚ ਉਨ੍ਹਾਂ ਨਾਲ ਕੰਮ ਕਰ ਰਹੇ ਅਭਿਨੇਤਾ ਦਰਸ਼ਨ ਕੁਮਾਰ ਦਾ ਕਹਿਣਾ ਹੈ, ‘‘ਫਰਹਾਨ ਜਿੰਨੇ ਮਿਹਨਤੀ ਕਲਾਕਾਰ ਹਨ, ਓਨੇ ਹੀ ਸ਼ਾਂਤ ਇਨਸਾਨ ਹਨ। ਉਹ ਉਨ੍ਹਾਂ ਗਿਣੇ-ਚੁਣੇ ਕਲਾਕਾਰਾਂ ਵਿੱਚੋਂ ਹਨ, ਜੋ ਸਫਲ ਹੋਣ ਦੇ ਬਾਅਦ ਵੀ ਜ਼ਮੀਨ ਨਾਲ ਜੁੜੇ ਰਹਿਣਾ ਪਸੰਦ ਕਰਦੇ ਹਨ। ਉਨ੍ਹਾਂ ਨਾਲ ਇਸ ਫਿਲਮ ਵਿੱਚ ਕੰਮ ਕਰ ਕੇ ਬਹੁਤ ਮਜ਼ਾ ਆਇਆ। ‘ਤੂਫਾਨ’ ਦੇ ਲਈ ਫਰਹਾਨ ਅਤੇ ਮੈਂ ਇਕੱਠੇ ਮੁੱਕੇਬਾਜ਼ੀ ਦੀ ਸਖਤ ਟਰੇਨਿੰਗ ਕੀਤੀ। ਇਸ ਫਿਲਮ ਦੇ ਲਈ ਅਸੀਂ ਅਮਰੀਕੀ ਮੁੱਕੇਬਾਜ਼ ਅਤੇ ਅਭਿਨੇਤਾ ਡਾਰੇਲ ਫਾਸਟਰ ਦੇ ਨਾਲ ਤਿੰਨ ਮਹੀਨੇ ਤੋਂ ਜ਼ਿਆਦਾ ਦੀ ਟਰੇਨਿੰਗ ਕੀਤੀ। ਅਸੀਂ ਦੋਵਾਂ ਨੇ ਖੂਬ ਪਸੀਨਾ ਬਹਾਇਆ। ਮੈਂ ਫਿਲਮ ਲਈ ਬਹੁਤ ਉਤਸ਼ਾਹਤ ਹਾਂ, ਕਿਉਂਕਿ ਮੇਰੇ ਲਈ ਇਹ ਇੱਕ ਮੁਸ਼ਕਲ ਫਿਲਮ ਰਹੀ। ਇਸ ਵਿੱਚ ਫਰਹਾਨ ਦੀ ਮਿਹਨਤ ਦੇਖਦੇ ਹੀ ਬਣਦੀ ਹੈ। ਜਲਦੀ ਹੀ ਇਸ ਦੀ ਨਵੀਂ ਰਿਲੀਜ਼ ਡੇਟ ਦਾ ਐਲਾਨ ਹੋ ਸਕਦਾ ਹੈ।”
‘ਤੂਫਾਨ’ ਦੀ ਸ਼ੂਟਿੰਗ ਲਾਕਡਾਊਨ ਦੇ ਪਹਿਲਾਂ ਪੂਰੀ ਹੋ ਚੁੱਕੀ ਹੈ। ਰਾਕੇਸ਼ ਓਮ ਪ੍ਰਕਾਸ਼ ਮਹਿਰਾ ਨਿਰਦੇਸ਼ਿਤ ਇਹ ਫਿਲਮ ਪਿਛਲੇ ਸਾਲ ਅਕਤੂਬਰ ਵਿੱਚ ਰਿਲੀਜ਼ ਹੋਣੀ ਸੀ, ਪਰ ਕੋਰੋਨਾ ਦੇ ਲਾਕਡਾਊਨ ਦੇ ਕਾਰਨ ਸਾਰੀਆਂ ਯੋਜਨਾਵਾਂ ਰੱਦ ਕਰਨੀਆਂ ਪਈਆਂ। ਫਰਹਾਨ ਇਸ ਫਿਲਮ ਦੇ ਪ੍ਰੋਡਿਊਸਰ ਵੀ ਹਨ। ਫਿਲਮ ਵਿੱਚ ਫਰਹਾਨ ਤੇ ਦਰਸ਼ਨ ਦੇ ਨਾਲ ਮ੍ਰਿਣਾਲ ਠਾਕੁਰ ਅਤੇ ਪਰੇਸ਼ ਰਾਵਲ ਵੀ ਅਹਿਮ ਭੂਮਿਕਾਵਾਂ ਵਿੱਚ ਹਨ।