ਅਨੁਸ਼ਕਾ ਇਨ੍ਹੀਂ ਦਿਨੀਂ ਮੁੰਬਈ ਵਿੱਚ ਆਪਣੀ ਫਿਲਮ ‘ਜ਼ੀਰੋ’ ਦੇ ਪ੍ਰਮੋਸ਼ਨ ਵਿੱਚ ਬਿਜ਼ੀ ਹੈ। ਇਹ ਉਸ ਦੀ ਇਸ ਸਾਲ ਦੀ ਰਿਲੀਜ਼ ਹੋਣ ਵਾਲੀ ਆਖਰੀ ਫਿਲਮ ਹੈ। ਉਸ ਦੇ ਕਰੀਅਰ ਵਿੱਚ ਬਹੁਤ ਦਿਨਾਂ ਬਾਅਦ ਅਜਿਹਾ ਮੌਕਾ ਆਇਆ ਹੈ, ਜਦ ਉਸ ਦੀ ਕੋਈ ਫਿਲਮ ਫਲੋਰ ਉਤੇ ਨਹੀਂ। ਫਿਰ ਵੀ ਉਹ ਮੁਸਕਰਾਉਂਦੇ ਹੋਏ ਦੱਸਦੀ ਹੈ ਕਿ ਅਗਲੇ ਸਾਲ ਉਸ ਦੀਆਂ ਦੋ ਫਿਲਮਾਂ ਸ਼ੁਰੂ ਹੋਣ ਜਾ ਰਹੀਆਂ ਹਨ। ਇਹ ਦੋਵੇਂ ਫਿਲਮਾਂ ਡਿਜੀਟਲ ਪਲੇਟਫਾਰਮ 'ਤੇ ਹੋਣਗੀਆਂ।
ਅਨੁਸ਼ਕਾ ਇਹ ਵੀ ਸਾਫ ਕਹਿੰਦੀ ਹੈ ਕਿ ਇਨ੍ਹਾਂ ਫਿਲਮਾਂ ਵਿੱਚ ਉਸ ਦੀ ਭੂਮਿਕਾ ਸਿਰਫ ਨਿਰਮਾਤਾ ਦੀ ਹੋਵੇਗੀ। ਦੋਵੇਂ ਫਿਲਮਾਂ ਉਸ ਦੀ ਪ੍ਰੋਡਕਸ਼ਨ ਕੰਪਨੀ ਵਿੱਚ ਹੋਣਗੀਆਂ, ਜਿਸ ਵਿੱਚ ਇਸੇ ਸਾਲ ਹਾਰਰ ਫਿਲਮ ‘ਪਰੀ' ਰਿਲੀਜ਼ ਹੋਈ ਹੈ। ਬਤੌਰ ਅਭਿਨੇਤਰੀ ਅਗਲੀ ਫਿਲਮ ਨੂੰ ਲੈ ਕੇ ਪੁੱਛੇ ਗੇ ਸਵਾਲ 'ਤੇ ਉਹ ਕਹਿੰਦੀ ਹੈ, ‘‘ਚੰਗੀ ਖਬਰ ਦੀ ਉਡੀਕ ਕਰੋ। ਪਤਾ ਨਹੀਂ, ਗੁੱਡ ਨਿਊਜ਼ ਤੋਂ ਉਸ ਦਾ ਕੀ ਮਤਲਬ ਸੀ?”