ਹਰ ਚੌਕ 'ਚ ਹੈਲਮੇਟਸ ਦੀ ਚੈਕਿੰਗ ਹੋ ਰਹੀ ਸੀ। ਚਾਚਾ ਜੀ ਘਰ ਆਏ ਤਾਂ ਉਨ੍ਹਾਂ ਦੇ ਹੈਲਮੇਟ ਦਾ ਸ਼ੀਸ਼ਾ ਸੁਰਖ ਲਾਲ ਸੀ ਅਤੇ ਕਮੀਜ਼ 'ਤੇ ਲਾਲ ਧੱਬੇ ਸਨ। ਸਾਰੇ ਘਬਰਾ ਗਏ। ਤੁਰੰਤ ਦੋ ਵਿਅਕਤੀ ਸਹਾਰਾ ਦੇ ਕੇ ਉਨ੍ਹਾਂ ਨੂੰ ਘਰ ਅੰਦਰ ਲੈ ਗਏ। ਬਿਜਲੀ ਨਹੀਂ ਸੀ ਤਾਂ ਇੱਕ ਵਿਅਕਤੀ ਪੱਖੀ ਝੱਲਣ ਲੱਗਾ, ਇੱਕ ਨੇ ਜੁੱਤੀ ਅਤੇ ਜੁਰਾਬਾਂ ਲਾਹੁਣੀਆਂ ਸ਼ੁਰੂ ਕੀਤੀਆਂ। ਸਾਰੇ ਸਦਮੇ ਵਿੱਚ ਸਨ। ਇੰਨਾ ਖੂਨ...?

ਚਾਚਾ ਜੀ ਤੋਂ ਪੁੱਛਿਆ, ‘‘ਚਾਚਾ ਜੀ, ਕੀ ਹੋਇਆ? ਕੋਈ ਵੱਡਾ ਹਾਦਸਾ? ਕਿਤੇ ਡਿੱਗ ਪਏ ਸੀ ਤੁਸੀਂ?”
ਚਾਚਾ ਜੀ ਬੋਲੇ, ‘‘ਨਹੀਂ ਓਏ, ਪ੍ਰੈਕਟਿਸ ਨਹੀਂ ਹੈ ਨਾ ਹੈਲਮੇਟ ਪਾਉਣ ਦੀ ਤਾਂ ਪਾਨ ਥੁੱਕਣ ਵੇਲੇ ਭੁੱਲ ਗਿਆ ਕਿ ਸ਼ੀਸ਼ਾ ਬੰਦ ਹੈ।”
*********
ਪ੍ਰਤੀਯੋਗਤਾ 'ਚ ਸ਼ਰਤ ਲੱਗੀ ਸੀ ਕਿ ਖੁਸ਼ੀ ਨੂੰ ਤਿੰਨ ਸ਼ਬਦਾਂ ਵਿੱਚ ਲਿਖੋ। ਸਾਰੇ ਕਿਤਾਬਾਂ ਦੇ ਸਫੇ ਫਰੋਲਣ ਲੱਗੇ, ਪਰ ਸੋਨੂੰ ਨੇ ਲਿਖ ਦਿੱਤਾ, ‘‘ਪਤਨੀ ਪੇਕੇ ਗਈ।”
ਉਹ ਪਹਿਲਾ ਇਨਾਮ ਜਿੱਤ ਗਿਆ।
*********
ਨੀਰਜ, ‘‘ਦੁਨੀਆ ਦੇ ਦੋ ਸਭ ਤੋਂ ਘਾਤਕ ਹਥਿਆਰਾਂ ਦੇ ਨਾਂਅ ਦੱਸੋ?”
ਸੁਮਿਤ, ‘‘ਪਤਨੀ ਦੇ ਹੰਝੂ ਤੇ ਗੁਆਂਢਣ ਦੀ ਸਮਾਈਲ।”