ਅਭਿਨੇਤਰੀ ਦਿਸ਼ਾ ਪਟਾਨੀ ਫਿਲਮਮੇਕਰ ਮੋਹਿਤ ਸੂਰੀ ਨਾਲ ਆਪਣੀ ਅਗਲੀ ਫਿਲਮ ‘ਏਕ ਵਿਲੇਨ 2’ ਦੇ ਸੈੱਟ 'ਤੇ ਮੁੜ ਜੁੜਨ ਦੀ ਉਮੀਦ ਕਰ ਰਹੀ ਹੈ। ਉਹ ਇਸ ਤੋਂ ਪਹਿਲਾਂ ਉਨ੍ਹਾਂ ਦੀ 2020 ਵਿੱਚ ਆਈ ਫਿਲਮ ‘ਮਲੰਗ’ ਵਿੱਚ ਮੋਹਿਤ ਨਾਲ ਕੰਮ ਕਰ ਚੁੱਕੀ ਹੈ। ਉਸ ਨੇ ਕਿਹਾ, ‘‘ਸੈੱਟ 'ਤੇ ਨਵਾਂ ਸਾਲ ਸ਼ੁਰੂ ਕਰਨਾ ਮੇਰੇ ਲਈ ਸਾਲ ਦੀ ਸ਼ੁਰੂਆਤ ਦਾ ਵਧੀਆ ਤਰੀਕਾ ਹੈ। ‘ਏਕ ਵਿਲੇਨ 2’ ਦੀ ਸ਼ੂਟਿੰਗ ਜਲਦੀ ਸ਼ੁਰੂ ਕਰਨ ਅਤੇ ਮੋਹਿਤ ਸਰ ਨਾਲ ਮੁੜ ਕੰਮ ਕਰਨ ਲਈ ਮੈਂ ਬਹੁਤ ਉਤਸ਼ਾਹਤ ਹਾਂ। ‘ਮਲੰਗ’ ਤੋਂ ਬਾਅਦ ਮੈਂ ਉਨ੍ਹਾਂ ਨਾਲ ਦੁਬਾਰਾ ਕੰਮ ਕਰਨ ਅਤੇ ਇੱਕ ਨਵਾਂ ਸਫਰ ਸ਼ੁਰੂ ਕਰਨ ਦੀ ਉਮੀਦ ਕਰ ਰਹੀ ਹਾਂ।” ਦਿਸ਼ਾ ਸਲਮਾਨ ਖਾਨ ਨਾਲ ‘ਰਾਧੇ’ ਵਿੱਚ ਦਿਖਾਈ ਦੇਵੇਗੀ। ਇਸੇ ਦੌਰਾਨ, ਦਿਸ਼ਾ ਨੇ ਆਪਣੀ ਇੱਕ ਤਸਵੀਰ ਇੰਸਟਾਗਰਾਮ 'ਤੇ ਪ੍ਰਸ਼ੰਸਕਾਂ ਨੂੰ ਨਵਾਂ ਸਾਲ ਮੁਬਾਰਕ ਕਹਿਣ ਲਈ ਪੋਸਟ ਕੀਤੀ ਹੈ। ‘‘ਸਭ ਨੂੰ ਨਵੇਂ ਸਾਲ ਦੀ ਵਧਾਈ, ਪਰਮਾਤਮਾ ਸਭ 'ਤੇ ਮਿਹਰ ਕਰੇ।”