ਰਾਹੁਲ, ‘‘ਮੈਂ ਉਸ ਨੂੰ ਪਿਆਰ ਨਾਲ ਚੰਨ ਕਹਿੰਦਾ ਸੀ।”
ਗੋਪੀ, ‘‘ਫਿਰ।”
ਰਾਹੁਲ, ‘‘ਫਿਰ ਪਤਾ ਲੱਗਾ ਕਿ ਉਸ ਚੰਨ ਦੇ ਤਾਂ ਬਹੁਤ ਸਾਰੇ ਪੁਲਾੜ ਯਾਤਰੀ ਹਨ।”
*********
ਪਤੀ (ਪਤਨੀ ਨੂੰ), ‘‘ਅੱਜ ਮੈਂ ਯੂ ਟਿਊਬ ਤੋਂ ਤਿੰਨ ਆਪਰੇਸ਼ਨ ਕਰਨੇ ਸਿੱਖ ਲਏ ਹਨ। ਤੇਰੇ ਰਿਸ਼ਤੇਦਾਰਾਂ ਨੇ ਹਾਰਟ, ਕਿਡਨੀ, ਫੇਫੜੇ ਦਾ ਆਪਰੇਸ਼ਨ ਕਰਾਉਣਾ ਹੋਵੇ ਤਾਂ ਦੱਸੀਂ।”
ਪਤਨੀ, ‘‘ਇਹ ਤਾਂ ਬੇਹੱਦ ਖਤਰਨਾਕ ਪ੍ਰਯੋਗ ਹੈ। ਅਜਿਹਾ ਕੋਈ ਵੀ ਵੀਡੀਓ ਦੇਖ ਕੇ ਕੁਝ ਨਹੀਂ ਆ ਜਾਂਦਾ।”
ਪਤੀ, ‘‘ਫਿਰ ਤੂੰ ਕੁਕਿੰਗ ਦੇ ਵੀਡੀਓ ਦੇਖ ਦੇਖ ਕੇ ਅਜਿਹੇ ਬੇਹੱਦ ਖਤਰਨਾਕ ਪ੍ਰਯੋਗ ਮੇਰੇ 'ਤੇ ਕਿਉਂ ਕਰਦੀ ਰਹਿੰਦੀ ਏਂ?”
*********
ਮਾਲਕ (ਨੌਕਰ ਨੂੰ), ‘‘ਮੱਛਰ ਮਾਰ ਦੇ, ਬਹੁਤ ਹੋ ਗਏ ਹਨ।”
ਨੌਕਰ ਆਲਸ ਵਿੱਚ ਪਿਆ ਰਿਹਾ। ਥੋੜ੍ਹੀ ਦੇਰ ਬਾਅਦ ਵੀ ਮੱਛਰ ਗੁਣਗੁਣਾ ਰਹੇ ਸਨ। ਮਾਲਕ ਨੇ ਫਿਰ ਨੌਕਰ ਨੂੰ ਕਿਹਾ, ‘‘ਓਏ ਮੱਛਰ ਮਾਰੇ ਨਹੀਂ?”
ਨੌਕਰ, ‘‘ਮੱਛਰ ਤਾਂ ਕਦੋਂ ਦੇ ਮਾਰ ਦਿੱਤੇ, ਇਹ ਤਾਂ ਉਨ੍ਹਾਂ ਦੀਆਂ ਵਿਧਵਾ ਪਤਨੀਆਂ ਦੀ ਰੋਣ ਦੀ ਆਵਾਜ਼ ਹੈ।”