ਬੀਤੇ ਦਿਨੀਂ ਸੀਮਾ ਪਾਹਵਾ ਦੇ ਨਿਰਦੇਸ਼ਨ ਵਾਲੀ ਫਿਲਮ ‘ਰਾਮ ਪ੍ਰਸਾਦ ਦੀ ਤੇਰ੍ਹਵੀਂ’ ਰਿਲੀਜ਼ ਹੋਈ ਹੈ। ਫਿਲਮ ਵਿੱਚ ਕੋਂਕਣਾ ਸੇਨ ਸ਼ਰਮਾ ਤੁਨਕ ਮਿਜਾਜ ਨੂੰਹ ਦੀ ਭੂਮਿਕਾ ਵਿੱਚ ਨਜ਼ਰ ਆਈ ਹੈ। ਉਹ ਹਮੇਸ਼ਾ ਨਵੀਆਂ ਕਹਾਣੀਆਂ ਦਾ ਹਿੱਸਾ ਬਣਨਾ ਚਾਹੁੰਦੀ ਹੈ। ਪੇਸ਼ ਹਨ ਉਸ ਨਾਲ ਹੋਈ ਗੱਲਬਾਤ ਦੇ ਕੁਝ ਅੰਸ਼ :
* ਤੁਸੀਂ ਹਮੇਸ਼ਾ ਨਵੀਆਂ ਕਹਾਣੀਆਂ ਕਹਿਣ ਦੀ ਗੱਲ ਕਰਦੇ ਹੋ। ਇਸ ਸਾਲ ਕਿਸ ਤਰ੍ਹਾਂ ਦੇ ਪ੍ਰੋਜੈਕਟ ਕਰਨ ਵਾਲੇ ਹੋ?
- ਸਾਲ ਦੀ ਸ਼ੁਰੂਆਤ ਵਿੱਚ ‘ਰਾਮ ਪ੍ਰਸਾਦ ਦੀ ਤੇਰ੍ਹਵੀਂ’ ਆ ਗਈ ਹੈ। ਉਸ ਦੇ ਬਾਅਦ ‘ਮਸਾਨ’ ਫਿਲਮ ਦੇ ਡਾਇਰੈਕਟਰ ਨੀਰਜ ਘੇਵਨ ਦੇ ਨਾਲ ਮੇਰੀ ਇੱਕ ਸ਼ਾਰਟ ਫਿਲਮ ਆਏਗੀ, ਜੋ ਐਂਥੋਲਾਜੀ ਹੋਵੇਗੀ। ਨਿਖਿਲ ਅਡਵਾਨੀ ਦੇ ਨਾਲ ਆਪਣੀ ਪਹਿਲੀ ਵੈੱਬ ਸੀਰੀਜ਼ ‘ਮੁੰਬਈ ਡਾਇਰੀਜ਼ 26/11’ ਕੀਤੀ ਹੈ। ਕਈ ਸਕ੍ਰਿਪਟਾਂ ਪੜ੍ਹ ਰਹੀ ਹਾਂ। ਬੀਤੇ ਸਾਲ ਦਾ ਸਬਕ ਇਹੀ ਹੈ ਕਿ ਜ਼ਿਆਦਾ ਯੋਜਨਾਵਾਂ ਬਣਾਉਣ ਨਾਲ ਕੁਝ ਨਹੀਂ ਹੁੰਦਾ।
* ‘ਰਾਮ ਪ੍ਰਸਾਦ ਦੀ ਤੇਰ੍ਹਵੀਂ’ ਵਿੱਚ ਪਰਵਾਰ ਇਕੱਠਾ ਹੁੰਦਾ ਹੈ ਤਾਂ ਅਜਿਹੇ ਹਾਲਾਤ ਪੈਦਾ ਹੁੰਦੇ ਹਨ, ਜੋ ਗਮਗੀਨ ਮਾਹੌਲ ਨੂੰ ਹਿਊਮਰਸ ਬਣਾ ਦਿੰਦੇ ਹਨ। ਕੀ ਅਸਲ ਜੀਵਨ ਵਿੱਚ ਤੁਹਾਡਾ ਅਜਿਹੀ ਕਿਸੇ ਸਥਿਤੀ ਨਾਲ ਸਾਹਮਣਾ ਹੋਇਆ ਹੈ?
- ਮੌਤ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਸੱਚ ਹੈ। ਅਜਿਹੇ ਹਾਲਾਤ 'ਚੋਂ ਹਰ ਕੋਈ ਗੁਜਰਦਾ ਹੈ। ਕਈ ਵਾਰ ਅਸੀਂ ਉਸ ਹਾਲਾਤ ਵਿੱਚ ਉਸ ਮਾਹੌਲ ਦਾ ਹਿਊਮਨ ਨਹੀਂ ਦੇਖ ਸਕਦੇ। ਇਸ ਫਿਲਮ ਵਿੱਚ ਦੂਰ ਤੋਂ ਉਸ ਨੂੰ ਦੇਖਣ ਦਾ ਮੌਕਾ ਮਿਲੇਗਾ।
* ਫਿਲਮ ਦੀ ਸ਼ੂਟਿੰਗ ਲਖਨਊ ਵਿੱਚ ਹੋਈ ਹੈ। ਇਸ ਦੇ ਮਾਹੌਲ ਨੇ ਕਿਰਦਾਰ ਨੂੰ ਸਮਝਣ ਵਿੱਚ ਕਿੰਨੀ ਮਦਦ ਕੀਤੀ?
- ਸੈੱਟ ਉਤੇ 10 ਤੋਂ 15 ਕਲਾਕਾਰ ਇਕੱਠੇ ਕੰਮ ਕਰ ਰਹੇ ਸਨ। ਮਨੋਜ ਪਾਹਵਾ ਉਸ ਗਰੁੱਪ ਦੇ ਲੀਡਰ ਸਨ। ਅਸੀਂ ਲਖਨਊ ਵਿੱਚ ਸੀ, ਠੰਢ ਦਾ ਸਮਾਂ ਸੀ। ਸਾਡਾ ਅੱਧਾ ਸਮਾਂ ਖੀਣ-ਪੀਣ ਦੀਆਂ ਚੀਜ਼ਾਂ 'ਤੇ ਚਰਚਾ ਕਰਨ ਵਿੱਚ ਨਿਕਲ ਜਾਂਦਾ ਸੀ। ਸੀਮਾ ਪਾਹਵਾ ਨਿਰਦੇਸ਼ਨ ਦੇ ਦੌਰਾਨ ਖਾਣਾ ਬਣਾ ਲੈਂਦੀ। ਉਨ੍ਹਾਂ ਨੇ ਅਮਰੂਦ ਦੀ ਸਬਜ਼ੀ ਨਾਲ ਕਚੌਰੀ ਬਣਾਈ ਸੀ। ਪੈਕਅਪ ਦੇ ਬਾਅਦ ਅਸੀਂ ਸਾਰੇ ਇਕੱਠੇ ਬੈਠ ਕੇ ਖਾਣਾ ਖਾਂਦੇ ਸੀ, ਫਿਲਮਾਂ ਦੇਖਦੇ ਸੀ।
* ਤੁਸੀਂ ਲਗਾਤਾਰ ਮਹਿਲਾ ਨਿਰਦੇਸ਼ਕਾਂ ਦੇ ਨਾਲ ਕੰਮ ਕਰ ਰਹੇ ਹੋ। ਕੀ ਅੱਜੱਕਲ੍ਹ ਔਰਤਾਂ ਬਦਲਾਅ ਦੇ ਦੌਰ ਵਿੱਚ ਹਨ?
- ਦੌਰ ਬਦਲਾਓ ਦਾ, ਪਰ ਰਫਤਾਰ ਹੌਲੀ ਹੈ। ਕੁਝ ਮਹਿਲਾ ਫਿਲਮਮੇਕਰਸ ਹਨ, ਪਰ ਕਾਫੀ ਨਹੀਂ ਹੈ। ਅਸੀਂ ਕਦੇ ਮਰਦ ਫਿਲਮਮੇਕਰ ਨਹੀਂ ਕਹਿੰਦੇ, ਪਰ ਮਹਿਲਾ ਫਿਲਮਮੇਕਰ ਕਹਿੰਦੇ ਹਾਂ। ਦੋਵਾਂ ਦਾ ਕੰਮ ਇੱਕੋ ਜਿਹਾ ਹੁੰਦਾ ਹੈ। ਬਦਲਾਅ ਆ ਰਿਹਾ ਹੈ, ਪਰ ਉਹ ਹੌਲੀ ਹੈ।
* ਤੁਸੀਂ ਖੁਦ ਡਾਇਰੈਕਟਰ ਹੋ। ਐਕਟਿੰਗ ਕਰਦੇ ਸਮੇਂ ਆਪਣੇ ਅੰਦਰੇ ਡਾਇਰੈਕਟਰ ਨੂੰ ਕਿੰਨਾ ਅੰਦਰ ਰੱਖ ਸਕਦੇ ਹੋ?
- ਮੈਂ ਪਹਿਲਾਂ ਅਭਿਨੇਤਰੀ ਹਾਂ। ਪੰਜਾਹ ਫਿਲਮਾਂ ਕੀਤੀਆਂ ਹਨ। ਸੁਭਾਵਿਕ ਹੈ ਕਿ ਮੇਰਾ ਝੁਕਾਅ ਐਕਟਿੰਗ ਵੱਲ ਹੋਵੇਗਾ। ਸ਼ੁਰੂ ਵਿੱਚ ਸ਼ਾਇਦ ਇਹ ਗੱਲ ਮੇਰੇ ਅੰਦਰ ਸੀ ਕਿ ਉਹ ਡਾਇਰੈਕਟਰ ਇੰਝ ਕਿਉਂ ਸ਼ੂਟ ਕਰ ਰਹੇ ਹਨ, ਪਰ ਅੱਜਕੱਲ੍ਹ ਮੈਂ ਇਹ ਸਵਾਲ ਪੁੱਛਣੇ ਬੰਦ ਕਰ ਦਿੱਤੇ ਹਨ, ਵੈਸੇ ਵੀ ਮੈਂ ਸੈਟ 'ਤੇ ਨਖਰੇ ਨਹੀਂ ਦਿਖਾਉਂਦੀ।
* ਬੀਤੇ ਸਾਲ ਤੁਹਾਡੀ ਫਿਲਮ ‘ਡੌਲੀ ਕਿੱਟੀ ਔਰ ਵੋ ਚਮਕਤੇ ਸਿਤਾਰੇ’ ਡਿਜੀਟਲ 'ਤੇ ਰਿਲੀਜ਼ ਹੋਈ ਸੀ। ਕੀ ਜਦ ਉਥੇ ਫਿਲਮ ਰਿਲੀਜ਼ ਹੋ ਰਹੀ ਸੀ, ਕੋਈ ਨਰਵਸਨੈੱਸ ਸੀ ਜਾਂ ਬਾਕਸ ਆਫਿਸ ਦਾ ਬਿਜ਼ਨਸ ਨਰਵਸਨੈੱਸ ਲਿਆਉਂਦਾ ਹੈ?
- ਹਾਂ ਬਿਲਵਕੁਲ ਨਰਵਸ ਸੀ। ਬਾਕਸ ਆਫਿਸ ਦਾ ਬਿਜ਼ਨਸ ਇੱਕ ਅਲੱਗ ਮੁੱਦਾ ਹੈ। ਸਾਡੇ ਲਈ ਸਭ ਤੋਂ ਜ਼ਰੂਰੀ ਇਹ ਹੁੰਦਾ ਹੈ ਕਿ ਫਿਲਮ ਵੱਧ ਤੋਂ ਵੱਧ ਲੋਕਾਂ ਤੱਕ ਪਹੁੰਚੇ। ਸਿਨੇਮਾਘਰਾਂ ਦੀ ਆਪਣੀ ਅਪੀਲ ਹੁੰਦੀ ਹੈ, ਕਿਉਂਕਿ ਫਿਲਮ ਵੱਡੇ ਪਰਦੇ ਦੇ ਲਈ ਬਣੀ ਹੁੰਦੀ ਹੈ। ਇਹ ਸਭ ਥੋੜ੍ਹੇ ਸਮੇਂ ਦੀਆਂ ਦਿੱਕਤਾਂ ਹਨ। ਓ ਟੀ ਟੀ ਇੱਕ ਚੰਗਾ ਬਦਲ ਹੈ।