ਬਾਲੀਵੁੱਡ ਦੇ ਗਾਡਫਾਦਰ ਕਹੇ ਜਾਣ ਵਾਲੇ ਅਭਿਨੇਤਾ ਸਲਮਾਨ ਖਾਨ ਆਪਣੇ ਖਾਸ ਲੋਕਾਂ ਦੀ ਕਿਸਮਤ ਨੂੰ ਵੀ ਚਮਕਾਉਣ ਵਿੱਚ ਕਸਰ ਨਹੀਂ ਛੱਡਦੇ। ਅੱਜ ਤੱਕ ਉਨ੍ਹਾਂ ਨੇ ਇੰਡਸਟਰੀ ਵਿੱਚ ਕਈ ਕਲਾਕਾਰਾਂ ਨੂੰ ਲਾਂਚ ਕੀਤਾ ਅਤੇ ਇਸੇ ਲਿਸਟ ਵਿੱਚ ਇੱਕ ਹੋਰ ਨਾਂਅ ਸ਼ਾਮਲ ਹੋਣ ਜਾ ਰਿਹਾ ਹੈ। ਚਰਚਾ ਹੈ ਕਿ ਸਲਮਾਨ ਖਾਨ ਜਲਦੀ ਹੀ ਬਿੱਗ ਬੌਸ ਦੀ ਫੇਮ ਵਾਲੇ ਸ਼ਹਿਨਾਜ ਗਿੱਲ ਨੂੰ ਆਪਣੇ ਬੈਨਰ ਹੇਠ ਇੱਕ ਵੱਡੇ ਪ੍ਰੋਜੈਕਟ ਨਾਲ ਲਾਂਚ ਕਰਨਗੇ।
ਸ਼ਹਿਨਾਜ ਨਾਲ ਜੁੜੇ ਸੂਤਰ ਦੱਸਦੇ ਹਨ, ਅ‘ਬਿੱਗ ਬੌਸ 13 ਵਿੱਚ ਸ਼ਹਿਨਾਜ ਦੇ ਅੰਦਾਜ਼ ਤੋਂ ਸਲਮਾਨ ਖਾਨ ਕਾਫੀ ਇੰਪਰੈਸ ਸਨ। ਸ਼ੋਅ ਦੌਰਾਨ ਸਲਮਾਨ ਨੂੰ ਸ਼ਹਿਨਾਜ ਕਾਫੀ ਕਿਊਟ ਲੱਗੀ ਤੇ ਉਨ੍ਹਾਂ ਨੂੰ ਯਕੀਨ ਹੈ ਕਿ ਜਿਸ ਤਰ੍ਹਾਂ ਉਸ ਦੀ ਕਿਊਟਨੈਸ ਸ਼ੋਅ ਦੇ ਦਰਸ਼ਕਾਂ ਨੂੰ ਪਸੰਦ ਆਈ ਸੀ, ਉਹ ਅੱਗੇ ਚੱਲ ਕੇ ਉਨ੍ਹਾਂ ਦੇ ਫਿਲਮ ਦੇ ਲਈ ਵੀ ਕਾਮਯਾਬ ਸਾਬਿਤ ਹੋਵੇਗੀ। ਸ਼ੋਅ ਦੌਰਾਨ ਸਲਮਾਨ ਖਾਨ ਨੇ ਸ਼ਹਿਨਾਜ ਨੂੰ ਆਪਣੀ ਅਗਲੀ ਫਿਲਮ ‘ਰਾਧੇ’ ਵਿੱਚ ਲਾਂਚ ਕਰਨ ਦਾ ਫੈਸਲਾ ਕਰ ਲਿਆ ਸੀ। ਇਸ ਫਿਲਮ ਵਿੱਚ ਉਹ ਅਹਿਮ ਕਿਰਦਾਰ ਵਿੱਚ ਨਜ਼ਰ ਆਏਗੀ। ਇਹੀ ਨਹੀਂ, ਸਲਮਾਨ ਨੇ ਆਪਣੇ ਬੈਨਰ ਹੇਠ ਇੱਕ ਹੋਰ ਪ੍ਰੋਜੈਕਟ ਵਿੱਚ ਸ਼ਹਿਨਾਜ ਨੂੰ ਬਤੌਰ ਲੀਡ ਐਕਟਰੈਸ ਸਾਈਨ ਕਰ ਲਿਆ ਹੈ।”
ਸੂਤਰ ਦੱਸਦੇ ਹਨ ਕਿ ਸਲਮਾਨ ਦੇ ਕਹਿਣ ਸ਼ਹਿਨਾਜ ਨੇ ਆਪਣੇ ਲੁਕ 'ਤੇ ਵੀ ਕਾਫੀ ਬਦਲਾਅ ਕੀਤਾ ਹੈ। ਉਸ ਨੇ ਨਾ ਸਿਰਫ ਆਪਣੇ ਵੇਟ ਲਾਸ 'ਤੇ ਧਿਆਨ ਦਿੱਤਾ, ਸਗੋਂ ਆਪਣੀ ਹੇਅਰਸਟਾਈਲ, ਮੇਕਅਪ ਅਤੇ ਡ੍ਰੈਸਿੰਗ ਸਟਾਈਲ ਵਿੱਚ ਵੀ ਕਾਫੀ ਬਦਲਾਅ ਕੀਤਾ ਹੈ। ਸ਼ਹਿਨਾਜ ਦੇ ਇਸ ਮੇਕਓਵਰ ਨਾਲ ਨਾ ਸਿਰਫ ਉਸ ਦੇ ਫੈਨਸ, ਬਲਕਿ ਸਲਮਾਨ ਖਾਨ ਵੀ ਕਾਫੀ ਇੰਸਪ੍ਰੈਸਡ ਹਨ। ਪਿੱਛੇ ਜਿਹੇ ਸਲਮਾਨ ਨੇ ਆਪਣਾ ਜਨਮ ਦਿਨ ਬਿੱਗ ਬੌਸ 14 ਦੇਸੈਟ 'ਤੇ ਮਨਾਇਆ ਸੀ। ਰਵੀਨਾ ਟੰਡਨ, ਜੈਕਲੀਨ ਫਰਨਾਂਡੀਜ਼ ਦੇ ਇਲਾਵਾ ਸ਼ਹਿਨਾਜ ਵੀ ਇਸ ਜਨਮ ਦੀ ਪਾਰਟੀ ਵਿੱਚ ਸ਼ਾਮਲ ਹੋਈ ਸੀ।