2004 ਵਿੱਚ ਫਿਲਮ ‘ਕਿਉਂ! ਹੋ ਗਯਾ ਨਾ’ ਨਾਲ ਡੈਬਿਊ ਕਰਨ ਪਿੱਛੋਂ ਕਾਜਲ ਅਗਰਵਾਲ ਨੇ ਸਾਊਥ ਫਿਲਮ ਇੰਡਸਟਰੀ ਦੀ ਰੁਖ਼ ਕਰ ਲਿਆ ਸੀ। ਉਥੇ ਇੱਕ ਤੋਂ ਇੱਕ ਹਿੱਟ ਫਿਲਮਾਂ ਦੇ ਕੇ ਸਾਊਥ ਦੀ ਲੀਡਿੰਗ ਅਭਿਨੇਤਰੀ ਬਣ ਗਈ। ਫਿਰ 2011 ਵਿੱਚ ਫਿਲਮ ‘ਸਿੰਘਮ’ ਨਾਲ ਉਸ ਨੇ ਬਾਲੀਵੁੱਡ ਵਿੱਚ ਸਫਲ ਵਾਪਸੀ ਕੀਤੀ। ਇਸ ਦੇ ਪਿੱਛੋਂ ਅੱਜ ਤੱਕ ‘ਸਪੈਸ਼ਲ 26’ ਅਤੇ ‘ਦੋ ਲਫਜ਼ੋਂ ਕੀ ਕਹਾਨੀ’ ਆਦਿ ਫਿਲਮਾਂ ਵਿੱਚ ਨਜ਼ਰ ਆ ਚੁੱਕੀ ਕਾਜਲ ਦੀ ਅਗਲੀ ਬਾਲੀਵੁੱਡ ਫਿਲਮ ਹੈ ‘ਮੁੰਬਈ ਸਾਗਾ’। ਉਂਝ ਪਿੱਛੇ ਜਿਹੇ ਉਹ ਆਪਣੇ ਵਿਆਹ ਬਾਰੇ ਸੁਰਖੀਆਂ ਵਿੱਚ ਰਹੀ ਹੈ। ਤੀਹ ਅਕਤੂਬਰ ਨੂੰ ਕਾਜਲ ਨੇ ਆਪਣੇ ਬੁਆਏ ਫਰੈਂਡ ਗੌਤਮ ਕਿਚਲੂ ਨਾਲ ਵਿਆਹ ਕਰ ਲਿਆ ਹੈ। ਗੌਤਮ ਇੱਕ ਬਿਜ਼ਨਸਮੈਨ ਹੈ। ਵਿਆਹ ਵਿੱਚ ਉਨ੍ਹਾਂ ਦੇ ਪਰਵਾਰ ਦੇ ਕਰੀਬੀ ਮੈਂਬਰ ਤੇ ਖਾਸ-ਖਾਸ ਦੋਸਤ ਸ਼ਾਮਲ ਹੋਏ ਸਨ। ਉਂਝ ਵਿਆਹ ਤੋਂ ਬਾਅਦ ਉਹ ਫਿਰ ਤੋਂ ਕੰਮ ਵਿੱਚ ਜੁਟ ਚੁੱਕੀ ਹੈ, ਕਿਉਂਕਿ ਉਸ ਦੀ ਝੋਲੀ ਵਿੱਚ ਹਿੰਦੀ ਸਣੇ ਦੱਖਣ ਦੀਆਂ ਕਈ ਵੱਡੀਆਂ ਫਿਲਮਾਂ ਹਨ। ਪੇਸ਼ ਹਨ ਇਸੇ ਸਿਲਸਿਲੇ ਵਿੱਚ ਕਾਜਲ ਨਾਲ ਹੋਈ ਗੱਲਬਾਤ ਦੇ ਕੁਝ ਅੰਸ਼ :
* ਤੁਸੀਂ ਕੋਵਿਡ 19 ਮਹਾਮਾਰੀ ਦੌਰਾਨ ਵਿਆਹ ਕੀਤਾ, ਤਜਰਬਾ ਕਿਹੋ ਜਿਹਾ ਰਿਹਾ?
- ਬਹੁਤ ਬਿਜ਼ੀ। ਕਰਵਾ ਚੌਥ ਤੱਕ ਜਸ਼ਨ ਜਾਰੀ ਸੀ। ਮਹਾਮਾਰੀ ਨੇ ਮੈਨੂੰ ਕੁਝ ਹੱਦ ਤੱਕ ਪ੍ਰੇਸ਼ਾਨ ਕੀਤਾ। ਇਸ ਨਾਲ ਸਾਡੇ 'ਚੋਂ ਬਹੁਤਿਆਂ ਦਾ ਦਿ੍ਰਸ਼ਟੀਕੋਣ ਬਦਲ ਗਿਆ। ਮੈਨੂੰ ਲੱਗਾ ਕਿ ਛੋਟਾ ਜਿਹਾ ਵਾਇਰਸ ਇੰਨਾ ਕਹਿਰ ਮਚਾ ਸਕਦਾ ਤੇ ਲੋਕਾਂ ਦੇ ਜੀਵਨ ਨੂੰ ਗੜਬੜ ਕਰ ਸਕਦਾ ਹੈ। ਮੈਨੂੰ ਲੱਗਦਾ ਹੈ ਕਿ ਲੋਕ ਅਜੇ ਚੀਜ਼ਾਂ ਬਾਰੇ ਇੰਨੇ ਨਾਰਮਲ ਹਨ। ਉਹ ਕੋਵਿਡ ਵੀ ਭੁੱਲ ਗਏ। ਹੋ ਸਕਦਾ ਹੈ ਕਿ ਲੋਕ ਘਰ ਬੈਠੇ ਤੰਗ ਹੋਣ। ਜੀਵਨ ਆਮ ਅਤੇ ਹੌਲੀ-ਹੌਲੀ ਪਟੜੀ 'ਤੇ ਆ ਰਿਹਾ ਹੈ।
* ਕੀ ਕੋਰੋਨਾ ਨੇ ਤੁਹਾਡੇ ਰੁਟੀਨ ਨੂੰ ਪ੍ਰਭਾਵਤ ਕੀਤਾ?
- ਮੈਂ ਇਹ ਯਕੀਨੀ ਕੀਤਾ ਕਿ ਮੈਂ ਸਰਗਰਮ ਰਹਾਂ। ਵਿਸ਼ੇਸ਼ ਨਾਲ ਕੁਝ ਨਾ ਕਰਨ ਦੇ ਇਸ ਆਰਾਮ ਮੋਡ 'ਚ ਜਾਣਾ ਬਹੁਤ ਆਸਾਨ ਹੈ। ਸਾਡੇ ਵਰਗੇ ਲੋਕਾਂ, ਜਿਹੜੇ ਕੈਮਰੇ ਦਾ ਸਾਹਮਣਾ ਕਰਦੇ ਹਨ, ਲਈ ਵਰਕ ਫਰਾਮ ਹੋਮ ਦਾ ਕੋਈ ਮਤਲਬ ਨਹੀਂ। ਮੈਂ ਰੋਜ਼ ਸਵੇਰੇ ਪੰਜ ਵਜੇ ਉਠਦੀ ਹਾਂ। ਮੈਡੀਟੇਸ਼ਨ ਕਰਦੀ ਤੇ ਆਪਣਾ ਨਾਸ਼ਤਾ ਬਣਾਉਂਦੀ ਹਾਂ। ਮੈਂ ਨਵੀਆਂ ਚੀਜ਼ਾਂ ਸਿੱਖਣ ਦੀ ਕੋਸ਼ਿਸ਼ ਕੀਤੀ। ਇੱਕ ਸਮੇਂ ਮੈਂ ਦੋ ਕੋਰਸ ਕਰ ਰਹੀ ਸੀ। ਮੈਂ ਨਿਊਸਾਇੰਸ ਤੇ ਕਵਾਂਟਮ ਫਿਜਿਕਸ ਲਈ ਕੋਰਸ ਕੀਤਾ। ਮੈਂ ਭਗਵਤ ਗੀਤਾ ਦਾ ਅਧਿਐਨ ਕੀਤਾ। ਮਾਸਕ ਪਹਿਨ ਕੇ ਸ਼ਾਮ ਨੂੰ ਟਹਿਲਣ ਜਾਂਦੀ ਸੀ। ਪਹਿਲਾਂ ਕੁਝ ਮਹੀਨਿਆਂ 'ਚ ਤਾਂ ਮੈਂ ਟਹਿਲਣ ਲਈ ਵੀ ਆਪਣੇ ਘਰੋਂ ਬਾਹਰ ਕਦਮ ਨਹੀਂ ਰੱਖਿਆ। ਮੈਂ ਘਰ 'ਚ ਹੀ ਘੁੰਮਦੀ ਅਤੇ ਤਾਜ਼ੀ ਹਵਾ ਦੇ ਲਈ ਖਿੜਕੀ ਕੋਲ ਬੈਠ ਜਾਂਦੀ ਸੀ। ਮੈਂ ਫੋਨ ਨਾਲ ਲੋਕਾਂ ਦੇ ਸੰਪਰਕ ਵਿੱਚ ਰਹਿੰਦੀ ਸੀ। ਫਿਰ ਮੈਂ ਪੜ੍ਹ ਕੇ ਅਤੇ ਟੀ ਵੀ ਦੇਖ ਕੇ ਸਮਾਂ ਗੁਜਾਰਿਆ। ਕਰਿਆਨੇ ਦਾ ਸਾਮਾਨ ਲੈਣ ਜਾਂਦੀ ਤੇ ਪੰਜ ਮਿੰਟ ਲਈ ਆਪਣੇ ਮੰਗੇਤਰ ਨੂੰ ਮਿਲਦੀ ਸੀ। ਜਦੋਂ ਦੋਵੇੇਂ ਧਿਆਨ ਰੱਖਦੇ ਸੀ ਕਿ ਅਸੀਂ ਮਾਸਕ ਪਹਿਨੇ ਹੋਣ।
* ਕੋਰੋਨਾ ਦਰਮਿਆਨ ਤੁਹਾਡੇ ਵਿਆਹ ਦੀਆਂ ਤਿਆਰੀਆਂ ਕਿਸ ਤਰ੍ਹਾਂ ਪੂਰੀਆਂ ਹੋਈਆਂ?
- ਵਿਆਹ ਦੀਆਂ ਤਿਆਰੀਆਂ ਲਈ ਸਾਨੂੰ ਕਾਫੀ ਮਿਹਨਤ ਕਰਨੀ ਪਈ। ਕੋਰੋਨਾ ਦੇ ਕਾਰਨ ਸਾਡੇ ਕੋਲ ਜ਼ਿਆਦਾ ਬਦਲ ਨਹੀਂ ਸਨ। ਅਸੀਂ ਚਾਹੁੰਦੇ ਸੀ ਕਿ ਸਾਡਾ ਵਿਆਹ ਅਜੇ ਵੀ ਇੱਕ ਵਿਆਹ ਵਾਂਗ ਲੱਗੇ ਤੇ ਸਾਰੇ ਨਿਯਮਾਂ ਦਾ ਪਾਲਣ ਕਰਦੇ ਹੋਏ ਜੋ ਵੀ ਸੰਭਵ ਹੋ ਸਕੇ, ਅਸੀਂ ਕਰੀਏ। ਅਸੀਂ ਵਿਆਹ ਵਿੱਚ ਸ਼ਾਮਲ ਹੋਣ ਵਾਲੇ ਲੋਕਾਂ ਦੇ ਟੈਸਟ ਕਰਵਾਏ ਤੇ ਸ਼ਹਿਰ ਤੋਂ ਬਾਹਰੋਂ ਆਏ ਮਹਿਮਾਨਾਂ ਨੂੰ ਕੁਆਰੰਟਾਈਨ 'ਚ ਰੱਖਿਆ। ਕੋਰੋਨਾ ਟੈਸਟ ਤੋਂ ਬਾਅਦ ਕਿਸੇ ਨੂੰ ਵਿਆਹ ਵਿੱਚ ਸ਼ਾਮਲ ਹੋਣ ਦਿੱਤਾ ਗਿਆ। ਬੇਸ਼ੱਕ ਸਮਾਰੋਹ 'ਚ ਸਾਰਿਆਂ ਨੇ ਮਾਸਕ ਪਹਿਨੇ ਸਨ ਅਤੇ ਅਸੀਂ ਭੋਜਨ ਦੌਰਾਨ ਵੀ ਸਮਾਜਕ ਦੂਰੀ ਬਣਾਈ ਰੱਖੀ। ਅਸੀਂ ਯਕੀਨੀ ਕੀਤਾ ਕਿ ਇੱਕ ਸੀਟ ਖਾਲੀ ਛੱਡੀ ਜਾਵੇ, ਪਰ ਹਮੇਸ਼ਾ ਥੋੜ੍ਹਾ ਜੋਖਮ ਰਹਿੰਦਾ ਹੀ ਹੈ, ਜਿਸ ਦੇ ਲਈ ਤੁਹਾਨੂੰ ਤਿਆਰ ਰਹਿਣਾ ਪੈਂਦਾ ਹਾ। ਸਾਨੂੰ ਮਹਿਮਾਨਾਂ ਦੀ ਲਿਸਟ ਵੀ ਛੋਟੀ ਕਰਨੀ ਪਈ, ਵਿਆਹ 'ਤੇ ਬੁਲਾਉਣ ਲਈ, ਪਰ ਅਸੀਂ ਆਪਣੀ ਖੁਸ਼ੀ ਨੂੰ ਘੱਟ ਨਹੀਂ ਹੋਣ ਦਿੱਤਾ। ਇਹ ਚੁਣੌਤੀ ਸੀ। ਕਿਉਂਕਿ ਸਾਡੇ ਵਿਆਹ 'ਚ ਬਜ਼ੁਰਗਾਂ ਜਿਵੇਂ ਮੇਰੀ ਦਾਦੀ, ਮੇਰੇ ਮਾਤਾ-ਪਿਤਾ ਅਤੇ ਸਹੁਰੇ ਪਰਵਾਰ, ਮੇਰੀ ਚਾਚੀ ਅਤੇ ਚਾਚਾ ਨੇ ਸ਼ਾਮਲ ਹੋਣਾ ਸੀ ਤਾਂ ਇਸ ਗੱਲ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਅਸੀਂ ਯਕੀਨੀ ਕਰਨਾ ਸੀ ਕਿ ਅਸੀਂ ਸੁਰੱਖਿਆ ਲਈ ਵਾਧੂ ਇੰਤਜ਼ਾਮ ਕਰੀਏ।
* ਕੀ ਤੁਹਾਨੂੰ ਮਹਾਮਾਰੀ ਦੌਰਾਨ ਵਿਆਹ ਕਰਨ ਦੇ ਆਪਣੇ ਫੈਸਲੇ 'ਤੇ ਅਫਸੋਸ ਹੈ?
- ਉਸ ਸਮੇਂ ਮੈਨੂੰ ਲੱਗਾ ਕਿ ਸਿਰਫ ਕੋਰਟ ਮੈਰਿਜ ਕਰਨੀ ਚਾਹੀਦੀ ਸੀ, ਪਰ ਮੈਨੂੰ ਖੁਸ਼ੀ ਹੈ ਕਿ ਮੈਂ ਅਜਿਹਾ ਨਹੀਂ ਕੀਤਾ। ਜੇ ਮੈਂ ਅਜਿਹਾ ਕਰਦੀ ਤਾਂ ਮੈਨੂੰ ਰਵਾਇਤੀ ਤੌਰ 'ਤੇ ਵਿਆਹ ਵਾਲਾ ਅਹਿਸਾਸ ਨਹੀਂ ਮਿਲ ਸਕਦਾ ਸੀ। ਮੈਨੂੰ ਖੁਸ਼ੀ ਹੈ ਕਿ ਮੈਂ ਮੰਡਪ ਵਿੱਚ ਬੈਠੀ ਅਤੇ ਫੇਰੇ ਲਏ, ਕਿਉਂਕਿ ਇਹ ਮੇਰੇ ਲਈ ਮਹੱਤਵ ਪੂਰਨ ਹੈ। ਉਂਝ ਮੇਰੇ ਪਤੀ (ਗੌਤਮ ਕਿਚਲੂ) ਸਿਰਫ ਕਾਗਜ਼ਾਂ 'ਤੇ ਹਸਤਾਖਰ ਕਰ ਕੇ ਵਿਆਹ ਕਰਨ ਦੇ ਲਈ ਰਾਜ਼ੀ ਸੀ। ਉਨ੍ਹਾਂ ਨੇ ਮਹਿਸੂਸ ਕੀਤਾ ਕਿ ਸਾਨੂੰ ਸੁਰੱਖਿਆ ਯਕੀਨੀ ਕਰਨ ਲਈ ਅਜਿਹਾ ਕਰਨਾ ਚਾਹੀਦਾ ਸੀ।
* ਕੀ ਤੁਹਾਨੂੰ ਲੱਗਦਾ ਹੈ ਕਿ ਕੁਝ ਚੀਜ਼ਾਂ ਹਮੇਸ਼ਾ ਲਈ ਬਦਲ ਗਈਆਂ ਹਨ?
- ਮੈਨੂੰ ਲੱਗਦਾ ਹੈ ਕਿ ਸਵੱਛਤਾ ਅਤੇ ਆਪਣੀ ਦੇਖਭਾਲ 'ਤੇ ਮੇਰਾ ਨਜ਼ਰੀਆ ਮੁੱਢਲੀ ਸੂਚੀ 'ਚ ਉਪਰ ਆ ਗਿਆ ਹੈ। ਯਾਤਰਾ ਤੇ ਕੰਮ ਜੀਵਨ ਸੰਤੁਲਨ 'ਤੇ ਮੇਰਾ ਨਜ਼ਰੀਆ ਬਦਲਿਆ ਹੈ। ਵਧੇਰੇ ਲੋਕਾਂ ਲਈ ਮਹਾਮਾਰੀ ਦਾ ਸਮਾਂ ਚੰਗਾ ਨਹੀਂ ਰਿਹਾ, ਮੈਨੂੰ ਲੱਗਦਾ ਹੈ ਕਿ ਮੈਂ ਇਸ ਤੋਂ ਬਹੁਤ ਕੁਝ ਸਿੱਖਿਆ ਹੈ। ਮੈਂ ਮਹਾਮਾਰੀ ਦੌਰਾਨ ਵਿਆਹ ਕੀਤਾ, ਜੋ ਮੇਰੇ ਜੀਵਨ ਦਾ ਸਭ ਤੋਂ ਵੱਡਾ ਬਦਲਾਅ ਹੈ। ਮੈਨੂੰ ਲੱਗਦਾ ਹੈ ਕਿ ਇਨ੍ਹਾਂ ਪਿਛਲੇ ਮਹੀਨਿਆਂ 'ਚ ਮੇਰਾ ਜੀਵਨ ਬਦਲ ਗਿਆ ਹੈ ਅਤੇ ਬਹੁਤ ਸਾਰੀਆਂ ਚੀਜ਼ਾਂ ਪ੍ਰਤੀ ਮੇਰਾ ਨਜ਼ਰੀਆ ਬਦਲਿਆ ਹੈ। ਇਸ ਨੇ ਮੈਨੂੰ ਜ਼ਿਆਦਾ ਜ਼ਿੰਮੇਵਾਰ ਵਿਅਕਤੀ ਬਣਾ ਦਿੱਤਾ ਹੈ।
* ਅਗਲੇ ਪ੍ਰੋਜੈਕਟਾਂ ਬਾਰੇ ਦੱਸੋ?
- ਜਲਦੀ ਹੀ ਫਿਲਮ ‘ਮੁੰਬਈ ਸਾਗਾ’ ਵਿੱਚ ਆਵਾਂਗੀ। ਡਾਇਰੈਕਟਰ ਸੰਜੇ ਗੁਪਤਾ ਦੀ ਇਸ ਐਕਸ਼ਨ ਫਿਲਮ ਵਿੱਚ ਲੀਡ ਰੋਲ ਵਿੱਚ ਜਾਨ ਆਬਰਾਹਮ ਹਨ ਅਤੇ ਇਮਰਾਨ ਹਾਸ਼ਮੀ, ਜੈਕੀ ਸ਼ਰਾਫ, ਸੁਨੀਲ ਸ਼ੈੱਟੀ, ਪ੍ਰਤੀਕ ਬੱਬਰ, ਗੁਲਸ਼ਨ ਗਰੋਵਰ, ਅਮੋਲ ਗੁਪਤੇ ਤੇ ਰੋਹਿਤ ਰਾਏ ਤੋਂ ਬਿਨਾ ਹੋਰ ਕਈ ਵੱਡੇ ਕਲਾਕਾਰ ਅਹਿਮ ਕਿਰਦਾਰਾਂ ਵਿੱਚ ਨਜ਼ਰ ਆਉਣਗੇ।