ਸਲਮਾਨ ਖਾਨ ਦੀ ਸਪਾਈ ਥ੍ਰਿਲਰ ਫਿਲਮ ‘ਏਕ ਥਾ ਟਾਈਗਰ’ ਦਾ ਤੀਸਰਾ ਪਾਰਟ ਬਣਨ ਵਾਲਾ ਹੈ। ਇੱਕ ਵਾਰ ਫਿਰ ਇਸ ਵਿੱਚ ਸਲਮਾਨ ਖਾਨ ਅਤੇ ਕੈਟਰੀਨਾ ਕੈਫ ਦੀ ਜੋੋੜੀ ਨਜ਼ਰ ਆਏਗੀ। ਸੂਤਰਾਂ ਮੁਤਾਬਕ ਇਸ ਫਿਲਮ 'ਤੇ ਕੰਮ ਸ਼ੁਰੂ ਹੋ ਚੁੱਕਾ ਹੈ। ਇਹੀ ਨਹੀਂ, ਇਸ ਦੀ ਸ਼ੂਟਿੰਗ ਡੇਟਸ ਵੀ ਸਾਹਮਣੇ ਆ ਚੁੱਕੀ ਹੈ। ਪਤਾ ਲੱਗਾ ਹੈ ਕਿ ਸਲਮਾਨ ਦੀ ਇਹ ਫਿਲਮ ਮਾਰਚ 2021 ਵਿੱਚ ਫਲੋਰ 'ਤੇ ਜਾਏਗੀ ਅਤੇ 2021 ਦੇ ਅਖੀਰ ਤੱਕ ਇਸ ਨੂੰ ਰਿਲੀਜ਼ ਕੀਤਾ ਜਾਏਗਾ। ਇਸ ਫਿਲਮ ਦੇ ਡਾਇਰੈਕਟਰ ਵੀ ਅਲੀ ਅੱਬਾਸ ਜ਼ਫਰ ਹੀ ਹੋਣਗੇ। ਦੱਸਦੇ ਹਨ ਹੈ ਕਿ ‘ਟਾਈਗਰ 3’ ਸਲਮਾਨ-ਕੈਟਰੀਨਾ ਦੀ ਇਕੱਠਿਆਂ ਨੌਵੀਂ ਫਿਲਮ ਹੋਵੇਗੀ। ਉਥੇ ਅਲੀ ਦੇ ਨਾਲ ਇਹ ਉਨ੍ਹਾਂ ਦੀ ਚੌਥੀ ਫਿਲਮ ਹੋਵੇਗੀ। ਮੇਕਰਸ ਨੂੰ ਉਮੀਦ ਹੈ ਕਿ ਇਹ ਫਿਲਮ ਵੀ ਪਹਿਲੀਆਂ ਦੋਵਾਂ ਫਿਲਮਾਂ ਜਿੰਨੀ ਹਿੱਟ ਹੋਵੇਗੀ।