ਸਕੂਲ 'ਚ ਨਾਲ ਪੜ੍ਹਨ ਵਾਲੀ ਇੱਕ ਕੁੜੀ ਕੱਲ੍ਹ ਰਸਤੇ ਵਿੱਚ ਮਿਲੀ ਤਾਂ ਪੱਪੂ ਪੁੱਛਣ ਲੱਗਾ, ‘‘ਤੈਨੂੰ ਯਾਦ ਹੈ ਅਸੀਂ ਇਕੱਠੇ ਪੜ੍ਹਦੇ ਸੀ?”
ਕੁੜੀ ਬੋਲੀ, ‘‘ਪੜ੍ਹਦੀ ਤਾਂ ਮੈਂ ਸੀ, ਤੂੰ ਤਾਂ ਸਿਰਫ ਮੁਰਗਾ ਬਣਦਾ ਹੁੰਦਾ ਸੀ।”
*********
ਪੁਲਸ, ‘‘ਘਰ ਦੀ ਤਲਾਸ਼ੀ ਲੈਣੀ ਹੈ।”
ਪਤੀ, ‘‘ਕਿਉਂ?”
ਪੁਲਸ, ‘‘ਸਾਨੂੰ ਖਬਰ ਮਿਲੀ ਹੈ ਕਿ ਤੁਸੀਂ ਇੱਕ ਖਤਰਨਾਕ ਵਿਅਕਤੀ ਆਪਣੇ ਘਰ ਰੱਖਿਆ ਹੋਇਐ?”
ਪਤੀ, ‘‘ਖਬਰ ਤਾਂ ਬਿਲਕੁਲ ਸਹੀ ਹੈ ਭਰਾ, ਪਰ ਉਹ ਅਜੇ ਪੇਕਿਆਂ ਨੂੰ ਗਈ ਹੋਈ ਹੈ।”
*********
ਅੱਜ ਬੜੇ ਦਿਨਾਂ ਬਾਅਦ ਪੁਰਾਣੇ ਮਹਿਬੂਬ ਨਾਲ ਗੱਲ ਹੋਈ। ਉਸ ਨੇ ਪੁੱਛਿਆ, ‘‘ਕੀ ਹਾਲ ਹੈ?”
ਮੈਂ ਕਿਹਾ, ‘‘ਅੱਖਾਂ ਵਿੱਚ ਰੜਕ, ਦਿਲ 'ਚ ਜਲਨ, ਸਾਹ ਵੀ ਕੁਝ ਰੁਕੇ ਰੁਕੇ, ਸਾਰੇ ਪਾਸੇ ਧੂੰਆਂ ਧੂੰਆਂ।”
ਉਸ ਨੇ ਪੁੱਛਿਆ, ‘‘ਅਜੇ ਤੱਕ ਇਸ਼ਕ ਵਿੱਚ ਏਂ?”
ਮੈਂ ਕਿਹਾ, ‘‘ਨਹੀਂ, ਦਿੱਲੀ ਵਿੱਚ ਹਾਂ।”