ਪਦਮ ਵਿਭੂਸ਼ਣ ਪੰਡਵਾਨੀ ਗਾਇਕਾ ਤੀਜਨ ਬਾਈ ਦੇ ਜੀਵਨ 'ਤੇ ਜਲਦੀ ਹੀ ਹਿੰਦੀ ਫਿਲਮ ਬਣਨ ਵਾਲੀ ਹੈ। ਉਸ ਦਾ ਕਿਰਦਾਰ ਅਭਿਨੇਤਰੀ ਵਿਦਿਆ ਬਾਲਨ ਤੇ ਉਸ ਦੇ ਨਾਨਾ ਦਾ ਕਿਰਦਾਰ ਅਮਿਤਾਭ ਬੱਚਨ ਨਿਭਾਉਣਗੇ। ਤੀਜਨ ਬਾਈ ਨਾਲ ਮੁਲਾਕਾਤ ਕਰਨ ਅਤੇ ਛੱਤੀਸਗੜ੍ਹੀ ਭਾਸ਼ਾ ਸਿੱਖਣ ਵਿਦਿਆ ਬਾਲਨ ਜਲਦੀ ਹੀ ਰਾਏਪੁਰ ਆਏਗੀ। ਤੀਜਨ ਬਾਈ ਪੰਡਵਾਨੀ ਗਾਇਣ ਦੇ ਖੇਤਰ ਵਿੱਚ ਦੇਸ਼ ਵਿਦੇਸ਼ ਵਿੱਚ ਪ੍ਰਸਿੱਧ ਹੈ। ਫਿਲਮ ਨਿਰਮਾਤਾ ਕੰਪਨੀ ਨੇ ਤੀਜਨ ਬਾਈ ਦੇ ਨਾਲ ਰਸਮੀ ਕਾਰਵਾਈ ਪੂਰੀ ਕਰ ਰਹੀ ਹੈ। ਉਨ੍ਹਾਂ ਦੀ ਸਹਿਮਤੀ ਲੈ ਲਈ ਹੈ।
ਸੰਭਾਵਨਾ ਹੈ ਕਿ ਫਰਵਰੀ-ਮਾਰਚ ਵਿੱਚ ਸ਼ੂਟਿੰਗ ਸ਼ੁਰੂ ਹੋ ਜਾਏਗੀ। ਤੀਜਨ ਬਾਈ ਦੁਰਗ ਜ਼ਿਲੇ ਦੇ ਗਨਿਆਰੀ (ਭਿਲਾਈ) ਦੀ ਵਾਸੀ ਹੈ। ਉਸ ਦੇ ਪਿਤਾ ਦਾ ਨਾਮ ਹੁਨੁਕ ਲਾਲ ਪਰਧਾ ਅਤੇ ਨਾਨਾ ਦਾ ਨਾਂਅ ਬ੍ਰਜਲਾਲ ਸੀ। ਬਚਪਨ ਵਿੱਚ ਉਹ ਨਾਨਾ ਤੋਂ ਮਹਾਭਾਰਤ ਦੀਆਂ ਕਹਾਣੀਆਂ ਸੁਣਦੀ ਸੀ। ਪੂਰੀ ਕਥਾ ਉਸ ਨੂੰ ਜ਼ੁਬਾਨੀ ਯਾਦ ਹੋ ਗਈ। ਤੰਬੂਰੇ ਦੇ ਨਾਲ ਗਾਏ ਜਾਣ ਵਾਲੇ ਲੋਕ ਗੀਤ-ਨਾਟਯ ਪੰਡਵਾਨੀ ਦੀ ਉਹ ਪਹਿਲੀ ਮਹਿਲਾ ਗਾਇਕਾ ਬਣੀ। ਉਹ ਖੜ੍ਹੇ ਹੋ ਕੇ ਗਾਏ ਜਾਣ ਵਾਲੀ ਕਾਪਾਲਿਕ ਸ਼ੈਲੀ ਨੂੰ ਅਪਣਾਉਂਦੀ ਹੈ। ਇਸ ਵਿਧਾ ਨੇ ਉਸ ਦੀ ਪ੍ਰਸਿੱਧੀ ਨੂੰ ਤੇਜ਼ੀ ਨਾਲ ਵਧਾਇਆ ਹੈ।