ਨਵੇਂ ਸਾਲ ਵਿੱਚ ਪ੍ਰਵੇਸ਼ ਕਰਨ ਤੋਂ ਪਹਿਲਾਂ ਨਵੀਂਆਂ ਫਿਲਮਾਂ ਦਾ ਐਲਾਨ ਜਾਰੀ ਹੋਣਾ ਹੈ, ਜੋ ਅਗਲੇ ਸਾਲ ਰਿਲੀਜ਼ ਹੋਣਗੀਆਂ। ਅਨਲਾਕ ਹੋਣ ਪਿੱਛੋਂ ਸਿਧਾਰਥ ਮਲਹੋਤਰਾ ਨੇ ਆਪਣੀ ਅਗਲੀ ਫਿਲਮ ‘ਸ਼ੇਰਸ਼ਾਹ’ ਦੀ ਸ਼ੂਟਿੰਗ ਪੂਰੀ ਕਰ ਲਈ ਹੈ। ਇਸ ਫਿਲਮ ‘ਮਿਸ਼ਨ ਮਜਨੂੰ’ ਵਿੱਚ ਉਹ ਜਾਸੂਸੀ ਕਰਦੇ ਨਜ਼ਰ ਆਉਣਗੇ। ਇਹ ਫਿਲਮ ਪਿਛਲੀ ਸਦੀ ਦੇ ਸੱਤਵੇਂ ਦਹਾਕੇ ਤੋਂ ਪ੍ਰੇਰਿਤ ਹੋਵੇਗੀ, ਜੋ ਪਾਕਿਸਤਾਨ ਵਿੱਚ ਹੋਏ ਭਾਰਤ ਦੇ ਸਭ ਤੋਂ ਸਾਹਸੀ ਮਿਸ਼ਨ ਦੀ ਕਹਾਣੀ ਹੈ।
ਦੱਖਣ ਭਾਰਤੀ ਫਿਲਮਾਂ ਦੀ ਅਭਿਨੇਤਰੀ ਰਸ਼ਮਿਕਾ ਮੰਦਾਨਾ ਇਸ ਫਿਲਮ ਨਾਲ ਬਾਲੀਵੁੱਡ ਡੈਬਿਊ ਕਰ ਰਹੀ ਹੈ। ਐਡ ਫਿਲਮਾਂ ਦੇ ਨਿਰਮਾਤਾ ਸ਼ਾਂਤਨੂ ਬਾਗਚੀ ਇਸ ਫਿਲਮ ਨਾਲ ਨਿਰਦੇਸ਼ਨ ਵਿੱੱਚ ਡੈਬਿਊ ਕਰਨਗੇ। ਫਿਲਮ ਦੇ ਨਿਰਮਾਤਾ ਰੌਨੀ ਸਕਰੂਵਾਲਾ ਨੇ ਦੱਸਿਆ ਕਿ ਅਜਿਹੇ ਹਜ਼ਾਰਾਂ ਹੀਰੋ ਹਨ, ਜੋ ਪਰਦੇ ਪਿੱਛੇ ਕੰਮ ਕਰਦੇ ਹਨ। ਇਹ ਫਿਲਮ ਅਜਿਹੇ ਹੀ ਹੀਰੋਜ਼ ਦੀ ਕਹਾਣੀ ਹੈ। ਸਿਧਾਰਥ ਨੇ ਦੱਸਿਆ, ‘‘ਬਹਾਦਰ ਏਜੰਟਸ ਦੀ ਕਹਾਣੀ ਦੱਸਣਾ ਮੇਰੇ ਲਈ ਖੁਸ਼ਕਿਸਮਤੀ ਵਾਲੀ ਗੱਲ ਹੈ। ਮੈਂ ਅਜਿਹੇ ਮਿਸ਼ਨ ਨੂੰ ਫਿਰ ਸ਼ੁਰੂ ਕਰਨ ਦੇ ਲਈ ਉਤਸੁਕ ਹਾਂ, ਜਿਸ ਨੇ ਭਾਰਤ ਅਤੇ ਪਾਕਿਸਤਾਨ ਦੇ ਰਿਸ਼ਤੇ ਨੂੰ ਬਦਲ ਦਿੱਤਾ।” ਪਰਵੇਜ਼ ਸ਼ੇਖ, ਅਸੀਮ ਅਰੋੜਾ ਅਤੇ ਸੁਮਿਤ ਬਠੇਜਾ ਨੇ ਫਿਲਮ ਦੀ ਸਕ੍ਰਿਪਟ ਲਿਖੀ ਹੈ। ‘ਮਿਸ਼ਨ ਮਜਨੂੰ’ ਦੀ ਸ਼ੂਟਿੰਗ ਫਰਵਰੀ ਵਿੱਚ ਸ਼ੁਰੂ ਹੋਵੇਗੀ। ਫਿਲਮਮੇਕਰ ਮਧੁਰ ਭੰਡਾਰਕਰ ਨੇ ਨਵੀਂ ਫਿਲਮ ‘ਇੰਡੀਆ ਲਾਕਡਾਊਨ’ ਦਾ ਵੀ ਐਲਾਨ ਕਰ ਦਿੱਤਾ ਹੈ। ਇਸ ਦੀ ਸ਼ੂਟਿੰਗ ਜਨਵਰੀ ਦੇ ਅੱਧ ਤੱਕ ਸ਼ੁਰੂ ਹੋ ਸਕਦੀ ਹੈ।