Welcome to Canadian Punjabi Post
Follow us on

19

May 2019
ਮਨੋਰੰਜਨ

ਸ਼ਾਹਰੁਖ-ਸਲਮਾਨ ਦੇ ਨਾਲ ‘ਬੈਜੂ ਬਾਵਰਾ’

November 29, 2018 08:11 AM

ਸਾਲ 1952 ਵਿੱਚ ਬਣੀ ਮੀਨਾ ਕੁਮਾਰੀ ਅਤੇ ਭਾਰਤ ਭੂਸ਼ਣ ਦੀ ਜੋੜੀ ਵਾਲੀ ਇੱਕ ਫਿਲਮ ‘ਬੈਜੂ ਬਾਵਰਾ’ ਵੱਡੀ ਮਿਊਜ਼ੀਕਲ ਹਿੱਟ ਫਿਲਮ ਸੀ। ਇਸ ਦੇ ਗਾਣੇ ਅੱਜ ਤੱਕ ਸੁਣੇ ਜਾਂਦੇ ਹਨ। ਵਿਜੇ ਭੱਟ ਦੇ ਨਿਰਦੇਸ਼ਨ ਵਿੱਚ ਬਣੀ ਇਸ ਪ੍ਰੇਮ ਕਥਾ ਨੂੰ ਬਾਕਸ ਆਫਿਸ 'ਤੇ ਵੱਡੀ ਸਫਲਤਾ ਮਿਲੀ ਸੀ। ਪਿਛਲੇ ਕੁਝ ਸਮੇਂ ਤੋਂ ਇਸ ਫਿਲਮ ਨੂੰ ਲੈ ਕੇ ਮੀਡੀਆ ਦੇ ਗਲਿਆਰਿਆਂ ਵਿੱਚ ਚਰਚਾ ਗਰਮ ਹੋ ਰਹੀ ਹੈ ਅਤੇ ਇਸ ਦੇ ਲਈ ਉਨ੍ਹਾਂ ਨੇ ਕਾਨੂੰਨੀ ਕਾਰਵਾਈ ਵੀ ਪੂਰੀ ਕਰ ਲਈ ਹੈ।
‘ਪਦਮਾਵਤ’ ਦੇ ਬਾਅਦ ਭੰਸਾਲੀ ਦੇ ਨਿਰਦੇਸ਼ਨ ਵਿੱਚ ਵਾਪਸੀ ਨੂੰ ਵੀ ਇਸੇ ਰੀਮੇਕ ਨਾਲ ਜੋੜਿਆ ਜਾ ਰਿਹਾ ਸੀ, ਪਰ ਭੰਸਾਲੀ ਦੀ ਟੀਮ ਇਸ ਬਾਰੇ ਕੁਝ ਸਾਫ ਨਹੀਂ ਕਹਿ ਰਹੀ ਸੀ। ਇਸ ਦੌਰਾਨ ਦੋ ਵੱਖ-ਵੱਖ ਖਬਰਾਂ ਵਿੱਚ ਦੱਸਿਆ ਗਿਆ ਸੀ ਕਿ ਭੰਸਾਲੀ ਆਪਣੇ ਦੋ ਮਨਪਸੰਦ ਸਿਤਾਰਿਆਂ ਸ਼ਾਹਰੁਖ ਖਾਨ ਅਤੇ ਸਲਮਾਨ ਖਾਨ ਨਾਲ ਫਿਰ ਕੰਮ ਕਰਨ ਜਾ ਰਹੇ ਹਨ। ‘ਦੇਵਦਾਸ’ ਵਿੱਚ ਸ਼ਾਹਰੁਖ ਅਤੇ ‘ਹਮ ਦਿਲ ਦੇ ਚੁਕੇ ਸਨਮ’ (ਸਲਮਾਨ ਨੇ ਭੰਸਾਲੀ ਦੀ ਫਿਲਮ ‘ਸਾਂਵਰੀਆ’ ਵਿੱਚ ਵੀ ਕੰਮ ਕੀਤਾ) ਵਿੱਚ ਸਲਮਾਨ ਨਾਲ ਕੰਮ ਕਰ ਚੁੱਕੇ ਭੰਸਾਲੀ ਬਾਰੇ ਕਿਹਾ ਜਾ ਰਿਹਾ ਹੈ ਕਿ ਉਹ ਦੋਵਾਂ ਨਾਲ ਅਲੱਗ ਅਲੱਗ ਫਿਲਮਾਂ ਬਣਾਉਣਗੇ। ਸਲਮਾਨ ਖਾਨ ਨੇ ਵੀ ਭੰਸਾਲੀ ਦੀ ਫਿਲਮ ਵਿੱਚ ਕੰਮ ਕਰਨ ਦਾ ਸੰਕੇਤ ਦਿੱਤਾ ਸੀ।

Have something to say? Post your comment