ਬਰੈਂਪਟਨ, 28 ਨਵੰਬਰ (ਪੋਸਟ ਬਿਊਰੋ) : ਬੋਰਡ ਆਫ ਟਰੇਡ ਦੀ ਸਾਲਾਨਾ ਜਨਰਲ ਮੀਟਿੰਗ ਵਿੱਚ ਬਰੈਂਪਟਨ ਬੋਰਡ ਆਫ ਟਰੇਡ (ਬੀਬੀਓਟੀ) ਵੱਲੋਂ 2019 ਲਈ ਬੋਰਡ ਆਫ ਡਾਇਰੈਕਟਰਜ਼ ਦਾ ਚੇਅਰ ਬਣਨ ਉੱਤੇ ਮਨਪ੍ਰੀਤ (ਮੈਨੀ) ਮਾਨ ਦਾ ਸਵਾਗਤ ਕੀਤਾ ਗਿਆ। 2018 ਲਈ ਬੋਰਡ ਦੇ ਚੇਅਰ ਵਜੋਂ ਸੇਵਾ ਨਿਭਾਉਣ ਵਾਲੇ ਹੈਦਰ ਸਟਰੈਟੀ ਤੋਂ ਮਾਨ ਇਹ ਅਹੁਦਾ ਸਾਂਭਣਗੇ। ਮੈਨੀ ਮਾਨ ਕੋਲ ਸਕੋਸ਼ੀਆਬੈਂਕ, ਸੀਆਈਬੀਸੀ ਤੇ ਬਿਜ਼ਨਸ ਡਿਵੈਲਪਮੈਂਟ ਬੈਂਕ ਆਫ ਕੈਨੇਡਾ ਵਿੱਚ ਕੰਮ ਕਰਨ ਦਾ 20 ਸਾਲ ਤੋਂ ਵੀ ਵੱਧ ਦਾ ਤਜਰਬਾ ਹੈ। ਮੈਨੀ ਅਜਿਹੇ ਸਮਰਪਿਤ ਵਿਅਕਤੀਆਂ ਦੀ ਟੀਮ ਨੂੰ ਸਾਂਭਦੇ ਹਨ ਜਿਹੜੇ ਕੈਨੇਡਾ ਦੀਆਂ ਨਿੱਕੀਆਂ ਤੇ ਦਰਮਿਆਨੀ ਗ੍ਰੋਥ ਵਾਲੀਆਂ ਕੰਪਨੀਆਂ ਨੂੰ ਵਿੱਤੀ ਤੇ ਹੋਰ ਸਲਾਹ ਮਸ਼ਵਰਾ ਦਿੰਦੇ ਹਨ। ਇਸ ਤੋਂ ਪਹਿਲਾਂ ਮੈਨੀ ਬੀਬੀਓਟੀ ਦੇ ਡਾਇਰੈਕਟਰ, ਐਗਜ਼ੈਕਟਿਵ ਕਮੇਟੀ ਦੇ ਮੈਂਬਰ ਤੇ ਫਾਇਨਾਂਸ ਦੇ ਵਾਈਸ ਚੇਅਰ ਦਾ ਅਹੁਦਾ ਸਾਂਭ ਚੁੱਕੇ ਹਨ। ਇਸ ਤੋਂ ਇਲਾਵਾ ਮਾਨਸਿਕ ਤੌਰ ਉੱਤੇ ਪਰੇਸ਼ਾਨ ਤੇ ਕਿਸੇ ਲਤ ਦਾ ਸਾਹਮਣਾ ਕਰ ਰਹੇ ਪੁਰਸ਼ਾਂ ਤੇ ਮਹਿਲਾਵਾਂ ਨੂੰ ਵੀ ਮੈਨੀ ਸਹੀ ਸੇਧ ਦੇ ਕੇ ਬਿਜ਼ਨਸ ਕੋਚਿੰਗ ਰਾਹੀਂ ਸਫਲਤਾਪੂਰਬਕ ਆਪਣੇ ਕਾਰੋਬਾਰ ਚਲਾਉਣ ਲਈ ਪ੍ਰੇਰਿਤ ਕਰ ਚੁੱਕੇ ਹਨ। ਇੱਥੇ ਦੱਸਣਾ ਬਣਦਾ ਹੈ ਕਿ 2019 ਵਿੱਚ ਬਰੈਂਪਟਨ ਬੋਰਡ ਆਫ ਟਰੇਡ ਦਾ ਮੁੱਖ ਟੀਚਾ ਨਿਵੇਕਲੇਪਣ ਤੇ ਕੌਮਾਂਤਰੀ ਟਰੇਡ ਉੱਤੇ ਧਿਆਨ ਕੇਂਦਰਿਤ ਕਰਨਾ ਹੋਵੇਗਾ। ਇਸ ਦੇ ਨਾਲ ਹੀ ਬੋਰਡ ਵੱਲੋਂ ਵੱਖ ਵੱਖ ਖੇਤਰਾਂ ਨਾਲ ਜੁੜੀਆਂ ਤੇ ਵੱਖ ਵੱਖ ਕਾਰੋਬਾਰਾਂ ਨੂੰ ਚਲਾਉਣ ਵਾਲੀਆਂ ਵਿਲੱਖਣ ਸ਼ਖਸੀਅਤਾਂ ਦਾ ਬੋਰਡ ਆਫ ਡਾਇਰੈਕਟਰਜ਼ ਵਿੱਚ ਸ਼ਾਮਲ ਹੋਣ ਉੱਤੇ ਸਵਾਗਤ ਕੀਤਾ ਗਿਆ। ਇਨ੍ਹਾਂ ਵਿੱਚ ਸ਼ਾਅਨਾ ਕੇਅ ਜੋਨਜ਼ (ਮੋਟੀਫਾਇ ਦੀ ਬਾਨੀ), ਸ਼ਾਅਨਾ ਮੈਕਮਿਲਨ (ਡਾਇਰੈਕਟਰ ਆਫ ਮਾਰਕਿਟਿੰਗ, ਸੀਐਨ), ਕੰਵਰ ਧੰਜਲ (ਸੀਈਓ, ਜਸਟ ਇੰਸਟਰੂਮੈਂਟਸ, ਇਨਕਾਰਪੋਰੇਸ਼ਨ) ਸ਼ਾਮਲ ਹਨ। ਇਸ ਦੇ ਨਾਲ ਹੀ ਬੋਰਡ ਆਫ ਟਰੇਡ ਵੱਲੋਂ ਆਪਣੇ ਪੁਰਾਣੇ ਸਾਥੀਆਂ ਦਾ ਵੀ ਸਵਾਗਤ ਕੀਤਾ ਗਿਆ, ਇਨ੍ਹਾਂ ਵਿੱਚ ਮਨਪ੍ਰੀਤ ਮਾਨ (ਮੈਨੇਜਰ, ਬੀਡੀਸੀ, ਚੇਅਰ), ਹੈਦਰ ਸਟਰੈਟੀ, ਪਾਰਟਨਰ (ਡੈਲੌਇਟ ਪ੍ਰਾਈਵੇਟ, ਸਾਬਕਾ ਚੇਅਰ), ਵੈਨੇਸਾ ਵਾੲ੍ਹੀਟ (ਚੀਫ ਹਿਊਮਨ ਰਿਸੋਰਸਿਜ਼ ਆਫੀਸਰ, ਮੇਪਲ ਲੌਜ ਫਾਰਮਜ਼, ਚੇਅਰ-ਇਲੈਕਟ), ਜੋਹੇਨ ਰੈਪੋਸੀਓ (ਵੀਪੀ, ਆਪਰੇਸਨਜ, ਬੀਐਮਪੀ ਮੈਟਲਜ਼, ਵੀਪੀ, ਫਾਇਨਾਂਸ), ਟੀਨਾ ਚਿਊ (ਸੀਓਓ, ਮੈਂਡਾਰਿਨ ਕਾਰਪੋਰਸ਼ਨ), ਲੂਈ ਵੋਲੋਕੌਸ (ਲਾਯਰ, ਲਾਰੈਂਸ, ਲਾਰੈਂਸ, ਸਟੀਵਨਸਨ ਐਲਐਲਪੀ), ਡੌਨਾ ਪਾਸਕਲ (ਵੀਪੀ, ਐਚਆਰ ਐਂਡ ਟੇਲੈਂਟ ਮੈਨੇਜਮੈਂਟ, ਡਾਇਨਾਕੇਅਰ), ਮਿਸੇ਼ਲ ਮੈਕੌਲਮ (ਐਸੋਸਿਏਟ ਵੀਪੀ ਫੌਰ ਕੈਪੀਟਲ ਡਿਵੈਲਪਮੈਂਟ ਐਂਡ ਫੈਸਿਲਿਟੀਜ਼ ਮੈਨੇਜਮੈਂਟ, ਸ਼ਰੀਡਨ ਕਾਲਜ), ਹੈਦਰ ਆਰਥਰ (ਵਾਈਸ ਪ੍ਰੈਜ਼ੀਡੈਂਟ, ਕਸਟਮਰ ਕੇਅਰ, ਰੌਜਰਜ਼) ਸ਼ਾਮਲ ਹਨ।