ਫਿਲਮ ‘ਉੜੀ: ਦ ਸਰਜੀਕਲ ਸਟਰਾਈਕ’ ਦੇ ਬਾਅਦ ਉਸ ਦੇ ਡਾਇਰੈਕਟਰ ਆਦਿੱਤਯ ਧਰ ਨੇ ਫਿਲਮ ‘ਅਸ਼ਵਥਾਮਾ’ ਬਣਾਉਣ ਦਾ ਐਲਾਨ ਕੀਤਾ ਸੀ। ਉਸ ਵਿੱਚ ਵਿੱਕੀ ਕੌਸ਼ਲ ਦੇ ਮੁੱਖ ਭੂਮਿਕਾ ਵਿੱਚ ਹੋਣ ਦਾ ਐਲਾਨ ਹੋਇਆ ਸੀ, ਪਰ ਹੀਰੋਇਨ ਦੇ ਨਾਂਅ 'ਤੇ ਨਿਰਮਾਤਾਵਾਂ ਨੇ ਚੁੱਪ ਧਾਰ ਲਈ ਸੀ।
ਤਾਜ਼ਾ ਖਬਰ ਹੈ ਕਿ ਫਿਲਮ ਲਈ ਸਾਰਾ ਅਲੀ ਖਾਨ ਨੂੰ ਫਾਈਨਲ ਕੀਤਾ ਗਿਆ ਹੈ, ਪਰ ਸਾਰਾ ਨੇ ਅਜੇ ਕੰਟ੍ਰੈਕਟ ਸਾਈਨ ਨਹੀਂ ਕੀਤਾ। ਸਾਰਾ ਇਨ੍ਹੀਂ ਦਿਨੀਂ ਆਪਣੀ ਫਿਲਮ ‘ਕੁਲੀ ਨੰਬਰ ਵਨ’ ਦੇ ਪ੍ਰਮੋਸ਼ਨ ਵਿੱਚ ਲੱਗੀ ਹੈ। ਦੂਸਰੇ ਪਾਸੇ ਉਨ੍ਹਾਂ ਦੀ ਫਿਲਮ ‘ਅਤਰੰਗੀ ਰੇ’ ਦੀ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ। ਸ਼ੂਟਿੰਗ ਪੂਰੀ ਹੋਣ ਮਗਰੋਂ ਸਾਰਾ ਉਸ 'ਤੇ ਕੰਮ ਕਰੇਗੀ। ਅਜੇ ਇਸ ਦਾ ਕੋਈ ਰਸਮੀ ਐਲਾਨ ਨਹੀਂ ਹੋਇਆ। ਫਿਲਮ ਦੀ ਸ਼ੂਟਿੰਗ ਅਗਲੇ ਸਾਲ ਅਪ੍ਰੈਲ ਤੋਂ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ। ਇਹ ਪੀਰੀਅਡ ਵਾਰ ਫਿਲਮ ਮਹਾਭਾਰਤ ਦੇ ਕਿਰਦਾਰ ‘ਅਸ਼ਵਥਾਮਾ’ ਦੇ 'ਤੇ ਆਧਾਰਤ ਹੋਵੇਗੀ।