ਜੰਮੂ, 30 ਨਵੰਬਰ (ਪੋਸਟ ਬਿਊਰੋ)- ਪਾਕਿਸਤਾਨੀ ਰੇਂਜਰਸ ਨੇ ਜੰਮੂ-ਕਸ਼ਮੀਰ ਦੇ ਕਠੂਆ ਜ਼ਿਲ੍ਹੇ ਵਿਚਲੀ ਕੌਮਾਂਤਰੀ ਸਰਹੱਦ ਨੇੜੇ ਮੋਹਰਲੀਆ ਚੌਕੀਆਂ ਅਤੇ ਪਿੰਡਾਂ ਵਿੱਚ ਕੱਲ੍ਹ ਰਾਤ ਬਿਨਾਂ ਭੜਕਾਹਟ ਦੇ ਗੋਲੀਬਾਰੀ ਕਰਕੇ ਇੱਕ ਵਾਰ ਫਿਰ ਜੰਗਬੰਦੀ ਦੀ ਉਲੰਘਣਾ ਕੀਤੀ ਹੈ, ਜਿਸ ਦਾ ਭਾਰਤੀ ਫੌਜ ਨੇ ਜਵਾਬ ਦਿੱਤਾ ਹੈ।
ਅਧਿਕਾਰੀਆਂ ਨੇ ਦੱਸਿਆ ਕਿ ਪਾਕਿਸਤਾਨ ਨੇ ਹੀਰਾਨਗਰ ਸੈਕਟਰ ਵਿੱਚ ਕਰੋਲ ਕ੍ਰਿਸ਼ਣਾ, ਮਨਿਆਰੀ ਤੇ ਪੰਸਾਰ ਵਿੱਚ ਸਰਹੱਦ ਪਾਰ ਤੋਂ ਗੋਲੀਬਾਰੀ ਕੀਤੀ, ਜਿਸ ਦਾ ਬੀ ਐਸ ਐਫ ਨੇ ਮੁੰਹ ਤੋੜ ਜਵਾਬ ਦਿੱਤਾ। ਦੋਵਾਂ ਪੱਖਾਂ ਦਰਮਿਆਨ ਤੜਕੇ 4.15 ਵਜੇ ਤੱਕ ਗੋਲੀਬਾਰੀ ਜਾਰੀ ਰਹੀ। ਭਾਰਤੀ ਪੱਖ ਵਿੱਚ ਕਿਸੇ ਦੇ ਮਾਰੇ ਜਾਣ ਦੀ ਕੋਈ ਜਾਣਕਾਰੀ ਨਹੀਂ ਮਿਲੀ।ਪਾਕਿਸਤਾਨ ਵੱਲੋਂ ਰਾਤ ਲੱਗਭਗ 10 ਵਜੇ ਅਰਨੀਆ ਸਰਹੱਦੀ ਖੇਤਰ ਉਤੇ ਬੀ ਐਸ ਐਫ ਦੀ ਵਿਕਰਮ ਪੋਸਟ ਦੇ ਨੇੜੇ ਸੁਰੱਖਿਆ ਫੋਰਸਾਂ ਨੇ ਇੱਕ ਪਾਕਿਸਤਾਨੀ ਡੋਰਨ ਨੂੰ ਆਪਣੇ ਵੱਲ ਆਉਂਦੇ ਦੇਖਿਆ, ਪਰ ਸੁਰੱਖਿਆ ਫੋਰਸਾਂ ਨੇ ਚੌਕਸੀ ਦਿਖਾਈ ਅਤੇ ਡਰੋਨ ਨੂੰ ਮੁੰਹ ਦੀ ਖਾਣੀ ਪਈ।