ਮਾਨਸਾ, 30 ਨਵੰਬਰ (ਪੋਸਟ ਬਿਊਰੋ)- ਭੀਖੀ ਦੇ ਮਾਨਸਾ ਰੋਡ ਉਤੇ ਗਿਆਨ ਰਿਸੌਰਟ ਨੇੜੇ ਇੱਕ ਟਵੇਰਾ ਕਾਰ ਅਤੇ ਟਰਾਲੇ ਦੀ ਟੱਕਰ ਵਿੱਚ ਇੱਕ ਕੁੜੀ ਦੀ ਮੌਤ ਹੋਣ ਦੀ ਖਬਰ ਮਿਲੀ ਅਤੇ ਕਾਰ ਵਿੱਚ ਸਵਾਰ 6 ਹੋਰ ਕੁੜੀਆਂ, ਇੱਕ ਮੁੰਡਾ ਅਤੇ ਡਰਾਈਵਰ ਜ਼ਖ਼ਮੀ ਹੋ ਗਏ, ਜਿਨ੍ਹਾਂ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਮਾਨਸਾ ਭੇਜਿਆ ਗਿਆ ਹੈ।
ਥਾਣਾ ਭੀਖੀ ਦੇ ਏ ਐਸ ਆਈ ਧਰਮਪਾਲ ਨੇ ਦੱਸਿਆ ਕਿ ਹਰਿਆਣਾ ਦੇ ਪਿੰਡ ਭਾਦੜਾ ਅਤੇ ਸੁਖਚੈਨ ਤੋਂ ਸੱਤ ਵਿਦਿਆਰਥਣਾਂ ਈ ਟੀ ਟੀ ਦਾ ਪੇਪਰ ਦੇਣ ਲਈ ਮੋਹਾਲੀ ਲਈ ਸਵੇਰੇ ਤਿੰਨ ਵਜੇ ਕਲਿਆਂਵਾਲੀ ਤੋਂਚੱਲੀਆਂ ਸਨ ਅਤੇ ਕਰੀਬ 4 ਵਜੇ ਜਦ ਉਨ੍ਹਾਂ ਦੀ ਟਵੇਰਾ ਕਾਰ ਭੀਖੀ ਦੇ ਮਾਨਸਾ ਰੋਡ `ਤੇ ਗਿਆਨ ਰਿਸੌਰਟ ਕੋਲ ਗਈ ਤਾਂ ਉਸ ਦੀ ਅੱਗੋਂ ਆਏ ਟਰਾਲੇ (ਘੋੜੇ) ਨਾਲ ਟੱਕਰ ਹੋ ਗਈ, ਜਿਸ ਨਾਲ ਕਾਰ ਬੁਰੀ ਤਰ੍ਹਾਂ ਨੁਕਸਾਨੀ ਗਈ ਤੇ ਕਾਰ ਸਵਾਰ ਵਿਦਿਆਰਥਣ ਸਿਮਨਜੀਤ ਕੌਰ ਪਤਨੀ ਗੁਰਵਿੰਦਰ ਸਿੰਘ ਵਾਸੀ ਕਲਿਆਂਵਾਲੀ ਦੀ ਮੌਤ ਹੋ ਗਈ ਜਦ ਕਿ ਕਾਰ ਵਿੱਚ ਸਵਾਰ 6 ਹੋਰ ਕੁੜੀਆਂ, ਇੱਕ ਮੁੰਡਾ ਅਤੇ ਡਰਾਇਵਰ ਜ਼ਖ਼ਮੀ ਹੋ ਗਏ।