ਵਾਅਨ, 30 ਨਵੰਬਰ (ਪੋਸਟ ਬਿਊਰੋ) : ਯੌਰਕ ਰੀਜਨ ਪਬਲਿਕ ਹੈਲਥ ਵੱਲੋਂ ਵਾਅਨ ਵਿੱਚ ਖਿੜਕੀਆਂ ਬਣਾਉਣ ਵਾਲੀ ਇੱਕ ਫੈਸਿਲਿਟੀ ਵਿੱਚ ਕੋਵਿਡ-19 ਆਊਟਬ੍ਰੇਕ ਦਾ ਐਲਾਨ ਕੀਤਾ ਗਿਆ।
ਸ਼ੁਰੂ ਵਿੱਚ 10 ਨਵੰਬਰ ਨੂੰ ਸਟੇਟ ਵਿੰਡੋਅ ਕਾਰਪੋਰੇਸ਼ਨ ਬਿਲਡਿੰਗ ਵਿੱਚ ਸਿਹਤ ਅਧਿਕਾਰੀਆਂ ਨੂੰ ਕਰੋਨਾਵਾਇਰਸ ਦੇ ਕੁੱਝ ਮਾਮਲੇ ਮਿਲੇ। ਬਾਅਦ ਵਿੱਚ ਇਸ ਥਾਂ ਉੱਤੇ ਕਰੋਨਾਵਾਇਰਸ ਦੇ 62 ਮਾਮਲੇ ਮਿਲੇ ਤੇ 20 ਨਵੰਬਰ ਨੂੰ ਇੱਥੇ ਆਊਟਬ੍ਰੇਕ ਐਲਾਨ ਦਿੱਤੀ ਗਿਆ। ਇਹ ਬਿਲਡਿੰਗ 220 ਹੰਟਰਜ਼ ਵੈਲੀ ਰੋਡ ਵਿਖੇ ਹਾਈਵੇਅ 50 ਦੇ ਪੂਰਬ ਵਿੱਚ ਸਥਿਤ ਹੈ। ਜਿਨ੍ਹਾਂ ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ ਉਹ ਟੋਰਾਂਟੋ ਤੇ ਪੀਲ ਨਾਲੋਂ ਵੱਖਰੇ ਹਨ। ਇਹ ਦੋਵੇਂ ਰੀਜਨ ਲਾਕਡਾਊਨ ਤਹਿਤ ਹਨ।
ਸਿਹਤ ਅਧਿਕਾਰੀਆਂ ਵੱਲੋਂ ਇਸ ਫੈਸਿਲਿਟੀ ਨਾਲ ਜੁੜੇ ਪੰਜ ਹੋਰਨਾਂ ਮਾਮਲਿਆਂ ਦੀ ਜਾਂਚ ਵੀ ਕੀਤੀ ਜਾ ਰਹੀ ਹੈ। ਹਾਲਾਂਕਿ ਇਹ ਬਿਲਡਿੰਗ ਜਨਤਾ ਲਈ ਖੁੱਲ੍ਹੀ ਨਹੀਂ ਹੈ ਤੇ ਇਸੇ ਲਈ ਹੋਰਨਾਂ ਲੋਕਾਂ ਨੂੰ ਇਸ ਤੋਂ ਨਾਮਾਤਰ ਖਤਰਾ ਦੱਸਿਆ ਜਾ ਰਿਹਾ ਹੈ। ਯੌਰਕ ਰੀਜਨ ਪਬਲਿਕ ਹੈਲਥ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵੱਲੋਂ ਕੰਪਨੀ ਲਈ ਵੱਡੀ ਗਿਣਤੀ ਸੇਫਟੀ ਮਾਪਦੰਡਾਂ ਦੀ ਸਿਫਾਰਿਸ਼ ਕੀਤੀ ਗਈ ਹੈ ਤੇ ਇਸ ਸਬੰਧ ਵਿੱਚ ਕਰੋਨਾਵਾਇਰਸ ਨੂੰ ਅੱਗੇ ਫੈਲਣ ਤੋਂ ਰੋਕਣ ਲਈ ਸਖ਼ਤ ਕਾਰਵਾਈ ਕੀਤੀ ਜਾ ਰਹੀ ਹੈ।