ਟੋਰਾਂਟੋ, 22 ਨਵੰਬਰ (ਪੋਸਟ ਬਿਊਰੋ) : ਅਗਲੇ 28 ਦਿਨਾਂ ਤੱਕ ਇੱਕ ਵਾਰੀ ਫਿਰ ਸੋਮਵਾਰ ਤੋਂ ਸ਼ੁਰੂ ਕਰਕੇ ਟੋਰਾਂਟੋ ਤੇ ਪੀਲ ਰੀਜਨ ਵਿੱਚ ਲਾਕਡਾਊਨ ਲਾਇਆ ਜਾ ਰਿਹਾ ਹੈ|
ਇਸ ਲਾਕਡਾਊਨ ਦੇ ਬਾਵਜੂਦ ਸਕੂਲ, ਚਾਈਲਡ ਕੇਅਰ ਸੈਂਟਰ, ਫਾਰਮੇਸੀਜ਼, ਡਾਕਟਰ ਤੇ ਡੈਂਟਿਸਟ ਆਫਿਸਿਜ਼ ਖੁੱਲ੍ਹੇ ਰਹਿਣਗੇ| ਇਨ੍ਹਾਂ ਤੋਂ ਇਲਾਵਾ ਸੁਪਰਮਾਰਕਿਟਸ, ਗਰੌਸਰੀ ਸਟੋਰਜ਼, ਕਨਵੀਨੀਐਂਸ ਸਟੋਰਜ਼, ਹਾਰਡਵੇਅਰ ਸਟੋਰਜ਼, ਡਿਸਕਾਊਂਟ ਤੇ ਡਿਪਾਰਟਮੈਂਟ ਸਟੋਰ-ਟਾਈਪ ਰੀਟੇਲਰਜ਼, ਐਲਸੀਬੀਓ ਤੇ ਬੀਅਰ ਸਟੋਰਜ਼ ਦੇ ਨਾਲ ਨਾਲ ਸੇਫਟੀ ਸਪਲਾਈ ਸਟੋਰਜ਼ ਵੀ ਖੁੱਲ੍ਹੇ ਰਹਿਣਗੇ| ਵਿਅਕਤੀਗਤ ਤੌਰ ਉੱਤੇ ਸ਼ਾਪਿੰਗ ਕਰਨ ਵਾਲਿਆਂ ਦੀ ਤਾਦਾਦ ਵਿੱਚ 50 ਫੀ ਸਦੀ ਕਮੀ ਲਿਆਂਦੀ ਜਾਵੇਗੀ|
ਇਸ ਤੋਂ ਇਲਾਵਾ ਵੈੱਟ ਸਰਵਿਸਿਜ਼ ਜਾਰੀ ਰਹਿਣਗੀਆਂ| ਮੋਟਰ ਵ੍ਹੀਕਲ ਸੇਲਜ਼ ਦਾ ਕੰਮ ਅਪੁਆਇੰਟਮੈਂਟ ਨਾਲ ਹੀ ਹੋਵੇਗਾ| ਗਾਰਡਨ ਸੈਂਟਰਜ਼ ਤੇ ਪਲਾਂਟ ਨਰਸਰੀਜ਼ ਵੀ ਉਦੋਂ ਤੱਕ ਅਪੁਆਇੰਟਮੈਂਟ ਨਾਲ ਜਾਰੀ ਰਹਿਣਗੀਆਂ ਜਦੋਂ ਤੱਕ ਪਿੱਕਅੱਪ ਜਾਂ ਡਲਿਵਰੀ ਜਨਤਾ ਲਈ ਉਪਲਬਧ ਨਹੀਂ ਕਰਵਾਈ ਜਾਂਦੀ| ਸਖ਼ਤ ਪਬਲਿਕ ਹੈਲਥ ਮਾਪਦੰਡਾਂ ਨਾਲ ਆਊਟਡੋਰ ਮਾਰਕਿਟਸ ਵੀ ਖੁੱਲ੍ਹੀਆਂ ਰੱਖੀਆਂ ਜਾਣਗੀਆਂ|
ਬਿਨਾਂ ਛੋਟ ਦੇ ਜਿਹੜੀਆਂ ਥਾਂਵਾਂ ਬੰਦ ਰਹਿਣਗੀਆਂ
• ਹੇਅਰ ਸੈਲੌਂ ਤੇ ਬਾਰਬਰ ਸ਼ੌਪਜ਼
• ਨੇਲ ਸੈਲੌਂ
• ਟੈਟੂ ਪਾਰਲਰ
• ਕੈਸੀਨੋਜ਼, ਬਿੰਗੋ ਹਾਲਜ਼ ਤੇ ਗੇਮਿੰਗ ਅਦਾਰੇ
• ਐਮਿਊਜ਼ਮੈਂਟ ਪਾਰਕ
• ਸਟਰਿੱਪ ਕਲੱਬ, ਬਾਥਹਾਊਸਿਜ਼ ਤੇ ਸੈਕਸ ਕਲੱਬਜ਼
• ਮਿਊਜ਼ੀਅਮ, ਗੈਲਰੀਜ਼, ਸਾਇੰਸ ਸੈਂਟਰਜ਼, ਜ਼ੂ ਤੇ ਅਕੁਏਰੀਅਮਜ਼
ਛੋਟ ਨਾਲ ਜਿਹੜੀਆਂ ਥਾਂਵਾਂ ਬੰਦ ਰਹਿਣਗੀਆਂ
ਇੱਕ ਘਰ ਦੇ ਮੈਂਬਰਾਂ ਤੋਂ ਇਲਾਵਾ ਕਿਸੇ ਕਿਸਮ ਦੇ ਇੰਡੋਰ ਪਬਲਿਕ ਈਵੈਂਟਸ ਜਾਂ ਸੋਸ਼ਲ ਗੈਦਰਿੰਗਜ਼ ਦੀ ਇਜਾਜ਼ਤ ਨਹੀਂ ਹੋਵੇਗੀ| ਆਊਟਡੋਰ ਗੈਦਰਿੰਗਜ਼, ਜਿੱਥੇ ਫਿਜ਼ੀਕਲ ਡਿਸਟੈਂਸਿੰਗ ਰੱਖੀ ਜਾ ਸਕਦੀ ਹੈ, 10 ਵਿਅਕਤੀਆਂ ਦੇ ਇੱਕਠ ਤੱਕ ਸੀਮਤ ਰਹਿਣਗੀਆਂ| ਮਰਗ, ਵਿਆਹ ਤੇ ਧਾਰਮਿਕ ਸੇਵਾਵਾਂ ਵਿੱਚ ਵੀ ਇੰਡੋਰ ਤੇ ਆਊਟਡੋਰ ਇੱਕਠ ਲਈ ਸਿਰਫ 10 ਵਿਅਕਤੀਆਂ ਨੂੰ ਹੀ ਇਜਾਜ਼ਤ ਦਿੱਤੀ ਜਾਵੇਗੀ|
ਰੈਸਟੋਰੈਂਟ, ਬਾਰਜ਼, ਫੂਡ-ਡਰਿੰਕ ਵਾਲੇ ਸਥਾਨਾਂ ਉੱਤੇ ਇੰਡੋਰ ਤੇ ਆਊਟਡੋਰ ਸੇਵਾਵਾਂ ਦੀ ਮਨਾਹੀ ਹੋਵੇਗੀ ਪਰ ਇਨ੍ਹਾਂ ਥਾਂਵਾਂ ਉੱਤੇ ਡਰਾਈਵ ਥਰੂ ਜਾਂ ਟੇਕ ਆਊਟ ਦੀ ਖੁੱਲ੍ਹ ਹੋਵੇਗੀ| ਇਸ ਵਿੱਚ ਸ਼ਰਾਬ ਦੀ ਵਿੱਕਰੀ ਵੀ ਸ਼ਾਮਲ ਹੈ| ਰੀਟੇਲ ਮਾਲਜ਼ ਵਿੱਚ ਗੈਰ ਜ਼ਰੂਰੀ ਬਿਜ਼ਨਸਿਜ਼ ਲਈ ਕਰਬਸਾਈਡ ਪਿੱਕਅੱਪ ਜਾਂ ਡਲਿਵਰੀ ਹੋ ਸਕੇਗੀ ਪਰ ਵਿਅਕਤੀਗਤ ਸ਼ਾਪਿੰਗ ਦੀ ਮਨਾਹੀ ਹੋਵੇਗੀ| ਮਾਲਜ਼ ਦੇ ਅੰਦਰ ਮੌਜੂਦ ਅਸੈਂਸ਼ੀਅਲ ਬਿਜ਼ਨਸਿਜ਼ 50 ਫੀ ਸਦੀ ਸਮਰੱਥਾ ਨਾਲ ਖੋਲ੍ਹੇ ਜਾ ਸਕਣਗੇ| ਫੂਡ ਕੋਰਟਸ ਵੀ ਟੇਕ ਅਵੇਅ ਸਰਵਿਸ ਲਈ ਖੁੱਲ੍ਹੇ ਰਹਿਣਗੇ| ਇੱਕ ਲਾਈਨ ਵਿੱਚ ਖੜ੍ਹੇ ਹੋਣ ਸਮੇਂ  ਦੋ ਮੀਟਰ ਦੀ ਫਿਜ਼ੀਕਲ ਡਿਸਟੈਂਸਿੰਗ ਬਣਾਈ ਰੱਖਣਾ ਜ਼ਰੂਰੀ ਹੋਵੇਗਾ|
ਇਸ ਦੌਰਾਨ ਸਾਰੇ ਜਿੰਮ ਬੰਦ ਰਹਿਣਗੇ| ਸਾਰੀਆਂ ਇੰਡੋਰ ਫੈਸਿਲੀਟੀਜ਼ ਜਿਵੇਂ ਕਿ ਕੋਰਟਸ, ਪੂਲ ਤੇ ਰਿੰਕਸ ਬੰਦ ਰਹਿਣਗੇ| ਇੰਡੋਰ ਟੀਮ ਤੇ ਵਿਅਕਤੀਗਤ ਖੇਡਾਂ ਵੀ ਬੰਦ ਰਹਿਣਗੀਆਂ, ਕਮਿਊਨਿਟੀ ਸੈਂਟਰ ਤੇ ਮਲਟੀ ਪਰਪਸ ਫੈਸਿਲੀਟੀਜ਼ ਚਾਈਲਡ ਕੇਅਰ ਸੇਵਾਵਾਂ ਲਈ ਖੁੱਲ੍ਹੇ ਰਹਿ ਸਕਦੇ ਹਨ| ਆਊਟਡੋਰ ਖੇਡਾਂ, ਕਲਾਸਾਂ 10 ਵਿਅਕਤੀਆਂ ਤੱਕ ਸੀਮਤ ਕਰ ਦਿੱਤੀਆਂ ਗਈਆਂ ਹਨ|
ਮੀਟਿੰਗ ਤੇ ਈਵੈਂਟ ਸਪੇਸਿਜ਼ ਬੰਦ ਰੱਖੀਆਂ ਜਾਣਗੀਆਂ, ਮੈਂਟਲ ਹੈਲਥ ਤੇ ਅਡਿਕਸ਼ਨ ਸਪੋਰਟ ਸੇਵਾਵਾਂ 10 ਵਿਅਕਤੀਆਂ ਤੱਕ ਸੀਮਤ ਕਰ ਦਿੱਤੀਆਂ ਗਈਆਂ ਹਨ| ਡਰਾਈਵ ਇਨ ਥਿਏਟਰ-ਸਿਨੇਮਾਜ਼ ਦੀ ਇਜਾਜ਼ਤ ਹੋਵੇਗੀ| ਮੈਰੀਯæੁਆਨਾ ਡਿਸਪੈਂਸਰੀਜ਼ ਵੀ ਕਰਬਸਾਈਡ ਪਿੱਕਅੱਪ ਦੀ ਪੇਸ਼ਕਸ਼ ਹੀ ਕਰ ਸਕਣਗੀਆਂ, ਵਿਅਕਤੀਗਤ ਸ਼ਾਪਿੰਗ ਨਹੀਂ ਹੋ ਸਕੇਗੀ| ਡਰਾਈਵਿੰਗ ਸਿੱਖਣ ਲਈ ਵਿਅਕਤੀਗਤ ਇੰਸਟ੍ਰਕਸ਼ਨਜ਼ ਦੀ ਇਜਾਜ਼ਤ ਨਹੀਂ ਹੋਵੇਗੀ, ਵਰਚੂਅਲ ਇੰਸਟ੍ਰਕਸ਼ਨਜ਼ ਦੀ ਇਜਾਜ਼ਤ ਹੋਵੇਗੀ| ਹੌਰਸ ਰੇਸਿੰਗ ਦੀ ਨਹੀਂ ਸਿਰਫ ਟਰੇਨਿੰਗ ਦੀ ਇਜਾਜ਼ਤ ਹੋਵੇਗੀ|
ਹਾਊਸਕੀਪਿੰਗ, ਮੇਡਜ਼, ਨੈਨੀ ਸਰਵਿਸਿਜ਼, ਬੇਬੀਸਿਟਰਜ਼, ਮੇਨਟੇਨੈਂਸ ਸੇਵਾਵਾਂ ਪਬਲਿਕ ਹੈਲਥ ਮਾਪਦੰਡਾਂ ਦੇ ਦਾਇਰੇ ਵਿੱਚ ਰਹਿ ਕੇ ਉਪਲਬਧ ਹੋਣਗੀਆਂ| ਹੋਟਲ ਤੇ ਮੋਟਲ ਖੁੱਲ੍ਹੇ ਰਹਿ ਸਕਦੇ ਹਨ ਪਰ ਪੂਲਜ਼, ਫਿੱਟਨੈੱਸ ਸੈਂਟਰ ਤੇ ਮੀਟਿੰਗ ਰੂਮਜ਼ ਬੰਦ ਰਹਿਣਗੇ| ਲਾਇਬ੍ਰੇਰੀਜ਼ ਵਿੱਚ ਕਰਬਸਾਈਡ ਪਿੱਕਅੱਪ ਤੇ ਡਲਿਵਰੀ ਤੋਂ ਇਲਾਵਾ ਡੇਅਕੇਅਰ ਦੀ ਇਜਾਜ਼ਤ ਹੋਵੇਗੀ ਪਰ ਕੋਈ ਕਲਾਸਾਂ ਦੀ ਇਜਾਜ਼ਤ ਨਹੀਂ ਹੋਵੇਗੀ| ਨਾਈਟਕਲੱਬ ਵੀ ਟੇਕਆਊਟ, ਡਰਾਈਵ ਥਰੂ ਜਾਂ ਫੂਡ-ਡਰਿੰਕ ਸਰਵਿਸ ਦੀ ਡਲਿਵਰੀ ਲਈ ਖੁੱਲ੍ਹੇ ਰਹਿ ਸਕਦੇ ਹਨ|