ਟੋਰਾਂਟੋ, 15 ਨਵੰਬਰ (ਪੋਸਟ ਬਿਊਰੋ) : ਸ਼ਨਿੱਚਰਵਾਰ ਰਾਤ ਨੂੰ ਹਾਈਵੇਅ 427 ਉੱਤੇ ਇੱਕ ਗੱਡੀ ਨੂੰ ਪੇਸ਼ ਆਏ ਹਾਦਸੇ ਵਿੱਚ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ|
ਟੋਰਾਂਟੋ ਫਾਇਰ ਨੂੰ ਇਸ ਗੱਡੀ ਨੂੰ ਪੀਅਰਸਨ ਏਅਰਪੋਰਟ ਨੇੜੇ ਹਾਈਵੇਅ 427 ਉੱਤੇ ਦੱਖਣ ਵਾਲੇ ਪਾਸਿਓਂ ਹਾਈਵੇਅ 409 ਦੇ ਪੂਰਬ ਵੱਲ ਜਾਂਦੇ ਸਮੇਂ ਵਾਪਰੀ ਇਸ ਘਟਨਾ ਦਾ ਪਤਾ ਰਾਤੀਂ 9:30 ਵਜੇ ਲੱਗਿਆ| ਪੀਲ ਪੈਰਾਮੈਡਿਕਸ ਨੇ ਦੱਸਿਆ ਕਿ ਗੱਡੀ ਵਿੱਚ ਸਵਾਰ ਦੋਵਾਂ ਵਿਅਕਤੀਆਂ ਨੂੰ ਮੌਕੇ ਉੱਤੇ ਹੀ ਮ੍ਰਿਤਕ ਐਲਾਨ ਦਿੱਤਾ ਗਿਆ|
ਜਾਂਚ ਲਈ ਇਹ ਥਾਂ ਬੰਦ ਰੱਖੇ ਜਾਣ ਤੋਂ ਬਾਅਦ ਓਪੀਪੀ ਦੀ ਕੋਲੀਜ਼ਨ ਰੀਕੰਸਟ੍ਰਕਸ਼ਨ ਟੀਮ ਨੇ ਐਤਵਾਰ ਸਵੇਰੇ 4:00 ਵਜੇ ਹਾਈਵੇਅ ਦੇ ਇਸ ਹਿੱਸੇ ਨੂੰ ਖੋਲ੍ਹ ਦਿੱਤਾ ਗਿਆ|