ਟੋਰਾਂਟੋ, 12 ਨਵੰਬਰ (ਪੋਸਟ ਬਿਊਰੋ) : ਕੋਵਿਡ-19 ਦੇ ਸਬੰਧ ਵਿੱਚ ਆਪਣੇ ਇੱਕ ਕਰਮਚਾਰੀ ਦੇ ਪਾਜ਼ੀਟਿਵ ਪਾਏ ਜਾਣ ਤੋਂ ਬਾਅਦ ਸਟੌਕਯਾਰਡ ਸਥਿਤ ਮੈਕਡੌਨਲਡ ਦਾ ਰੈਸਟੋਰੈਂਟ ਬੰਦ ਕਰ ਦਿੱਤਾ ਗਿਆ|
ਇਹ ਰੈਸਟੋਰੈਂਟ ਸੇਂਟ ਕਲੇਅਰ ਐਵਨਿਊ ਤੇ ਵੈਸਟਨ ਰੋਡ ਨੇੜੇ 630 ਕੀਲ ਸਟਰੀਟ ਉੱਤੇ ਸਥਿਤ ਹੈ| ਰੈਸਟੋਰੈਂਟ ਚੇਨ ਦਾ ਕਹਿਣਾ ਹੈ ਕਿ ਪਾਜ਼ੀਟਿਵ ਪਾਏ ਗਏ ਕਰਮਚਾਰੀ ਨੇ ਆਖਰੀ ਸ਼ਿਫਟ ਵਜੋਂਂ ਐਤਵਾਰ ਨੂੰ ਦੁਪਹਿਰੇ 3:00 ਵਜੇ ਤੋਂ 8:00 ਵਜੇ ਤੱਕ ਉੱਥੇ ਕੰਮ ਕੀਤਾ ਸੀ| ਉਸ ਕਰਮਚਾਰੀ ਦੇ ਸੰਪਰ ਵਿੱਚ ਆਉਣ ਵਾਲਿਆਂ ਨੂੰ ਸੈਲਫ ਆਈਸੋਲੇਟ ਕਰਨ ਦੀ ਸਲਾਹ ਦਿੱਤੀ ਗਈ ਹੈ|
ਇਹ ਟੋਰਾਂਟੋ ਦੀ ਦੂਜੀ ਲੋਕੇਸ਼ਨ ਹੈ ਜਿਸ ਨੂੰ ਇਸ ਹਫਤੇ ਆਰਜ਼ੀ ਤੌਰ ਉੱਤੇ ਬੰਦ ਕੀਤਾ ਗਿਆ ਹੈ| ਇਸ ਤੋਂ ਪਹਿਲਾਂ ਰੌਨਸੈਸਵਾਲਜ਼ ਐਵਨਿਊ ਦੇ ਪੱਛਮ ਵਿੱਚ 10 ਦ ਕੁਈਨਸਵੇਅ ਉੱਤੇ ਸਥਿਤ ਮੈਕਡੌਨਲਡ ਨੂੰ ਮੰਗਲਵਾਰ ਨੂੰ ਆਪਣੇ ਇੱਕ ਮੁਲਾਜ਼ਮ ਦੇ ਕੋਵਿਡ-19 ਪਾਜ਼ੀਟਿਵ ਆਉਣ ਦਾ ਪਤਾ ਲੱਗਿਆ ਸੀ ਤੇ ਉਹ ਰੈਸਟੋਰੈਂਟ ਵੀ ਬੰਦ ਕਰ ਦਿੱਤਾ ਗਿਆ ਸੀ|