ਅਭਿਨੇਤਰੀ ਮਿਥਿਲਾ ਪਾਲਕਰ ਦਾ ਕਹਿਣਾ ਹੈ ਕਿ ਫਿਲਮ ‘ਕਾਰਵਾਂ’ ਵਿੱਚ ਅਭਿਨੇਤਾ ਇਰਫਾਨ ਖਾਨ ਦੇ ਨਾਲ ਕੰਮ ਕਰਨਾ ਉਨ੍ਹਾਂ ਲਈ ਇੱਕ ਸਕੂਲ ਵਾਂਗ ਸੀ। ਇਸ ਫਿਲਮ ਵਿੱਚ ਉਸ ਦੇ ਨਾਲ ਇਰਫਾਨ ਖਾਨ ਅਤੇ ਦੁਲਕਰ ਸਲਮਾਨ ਨੇ ਮੁੱਖ ਭੂਮਿਕਾਵਾਂ ਨਿਭਾਈਆਂ ਸਨ। ਇਰਫਾਨ ਦੇ ਨਾਲ ਕੰਮ ਕਰਨ ਦੇ ਅਨੁਭਵ 'ਤੇ ਮਿਥਿਲਾ ਕਹਿੰਦੀ ਹੈ, ‘‘ਸ਼ੁਰੂਆਤ ਵਿੱਚ ਮੈਨੂੰ ਇਹ ਸਮਝਣ ਵਿੱਚ ਥੋੜ੍ਹਾ ਸਮਾਂ ਲੱਗਾ ਕਿ ਮੈਂ ਇਰਫਾਨ ਖਾਨ ਦੇ ਨਾਲ ਸਕਰੀਨ ਸ਼ੇਅਰ ਕਰਨ ਵਾਲੀ ਹਾਂ। ਜਦ ਮੈਂ ਉਨ੍ਹਾਂ ਦੇ ਨਾਲ ਕੰਮ ਕਰਨਾ ਸ਼ੁਰੂ ਕੀਤਾ ਤਾਂ ਸੀਨ ਦੇ ਅਖੀਰ ਵਿੱਚ ਮੈਨੂੰ ਹਾਸਾ ਆ ਜਾਂਦਾ ਸੀ। ਦਰਅਸਲ, ਮੈਂ ਕਦੇ ਐਕਟਿੰਗ ਸਕੂਲ ਨਹੀਂ ਗਈ ਸੀ ਅਤੇ ਫਿਰ ‘ਕਾਰਵਾਂ’ ਦੇ ਸੈੱਟ 'ਤੇ ਇਰਫਾਨ ਖਾਨ ਮੇਰੇ ਐਕਟਿੰਗ ਸਕੂਲ ਵਾਂਗ ਸਾਬਿਤ ਹੋਏ। ਉਨ੍ਹਾਂ ਨੂੰ ਦੇਖ ਕੇ ਮੈਂ ਸੀਨ ਦੀ ਹਰ ਛੋਟੀ-ਮੋਟੀ ਚੀਜ਼ 'ਤੇ ਧਿਆਨ ਦੇ ਕੇ ਉਸ ਨੂੰ ਬਿਹਤਰ ਬਣਾਉਣਾ ਸਿਖਿਆ।” ਮਿਥਿਲਾ ਅਭਿਨੇਤਰੀਆਂ ਵਿੱਚੋਂ ਆਲੀਆ ਭੱਟ ਨੂੰ ਪਸੰਦ ਕਰਦੀ ਹੈ।