ਸੰਜੇ ਦੱਤ ਮੂਡੀ ਹਨ ਅਤੇ ਮੂਡ ਵੀ ਅਜਿਹਾ ਕਿ ਆਪਣੇ ਹੀ ਪ੍ਰੋਡਕਸ਼ਨ ਹਾਊਸ ਦੀ ਫਿਲਮ ਨੂੰ ਬੰਦ ਕਰ ਦਿੰਦੇ ਤੇ ਫਿਰ ਉਸ ਨੂੰ ਅੱਗੇ ਵਧਾ ਦਿੰਦੇ ਹਨ। ਕੁਝ ਸਮਾਂ ਪਹਿਲਾਂ ਸੰਜੇ ਦੱਤ ਨੇ ਤੇਲਗੂ ਫਿਲਮ ‘ਪ੍ਰਸਥਾਨਮ’ ਦਾ ਰੀਮੇਕ ਕਰਨਾ ਸ਼ੁਰੂ ਕੀਤਾ ਸੀ। ਬੀਤੀ ਜੁਲਾਈ ਵਿੱਚ ਫਿਲਮ ਦਾ ਪਹਿਲਾ ਲੰਬਾ ਸ਼ਡਿਊਲ ਲਖਨਊ ਵਿੱਚ ਹੋਇਆ ਸੀ, ਜਿਸ ਵਿੱਚ ਸੰਜੇ ਦੇ ਨਾਲ ਮਨੀਸ਼ਾ ਕੋਇਰਾਲਾ, ਅਲੀ ਫਜ਼ਲ, ਚੰਕੀ ਪਾਂਡੇ, ਜੈਕੀ ਸ਼ਰਾਫ, ਜ਼ਾਕਿਰ ਹੁਸੈਨ ਨੇ ਹਿੱਸਾ ਲਿਆ। ਫਿਰ ਅਚਾਨਕ ਖਬਰ ਆਈ ਕਿ ਇਹ ਫਿਲਮ ਬੰਦ ਹੋਣ ਵਾਲੀ ਹੈ। ਕਾਰਨ ਦੱਸਿਆ ਗਿਆ ਕਿ ਦੱਤ ਅਤੇ ਉਸ ਦੀ ਪਤਨੀ ਮਾਨਤਾ ਨੂੰ ਫਿਲਮ ਦੇ ਫਿਲਮਾਏ ਕੁਝ ਸੀਨ ਪਸੰਦ ਨਹੀਂ ਆਏ। ਤੇਲਗੂ ਫਿਲਮ ਦਾ ਨਿਰਦੇਸ਼ਨ ਕਰ ਰਹੇ ਦੇਵਾ ਕੱਟਾ ਦਾ ਕੰਮ ਕਰਨ ਦਾ ਤਰੀਕਾ ਵੀ ਦੱਤ ਜੋੜੇ ਨੂੰ ਪਸੰਦ ਨਹੀਂ ਆਇਆ।
ਇਸੇ ਕਾਰਨ ਅਗਲੇ ਦੋ ਸ਼ਡਿਊਲ ਕੈਂਸਲ ਹੋ ਗਏ। ਇਸ ਫਿਲਮ ਦਾ ਕੰਮ ਫਿਰ ਅੱਗੇ ਵਧਿਆ ਹੈ। ਪਿਛਲੇ ਹਫਤੇ ਫਿਲਮ ਦਾ ਇੱਕ ਗਾਣਾ ਫਿਲਮਾਇਆ ਗਿਆ, ਜਿਸ ਵਿੱਚ ਜੈਕੀ ਸ਼ਰਾਫ ਅਤੇ ਸੰਜੇ ਦੱਤ ਨੇ ਹਿੱਸਾ ਲਿਆ। ਸੰਜੇ ਇਸ ਨੂੰ ਹੋਲੀ ਦੇ ਨੇੜੇ-ਤੇੜੇ ਰਿਲੀਜ਼ ਕਰਨਾ ਚਾਹੁੰਦੇ ਹਨ।