ਇਸ ਹਫਤੇ ਰਿਲੀਜ ਹੋ ਰਹੀ ਫਿਲਮ ‘ਸੂਰਜ ਪੇ ਮੰਗਲ ਭਾਰੀ’ ਵਿੱਚ ਜਾਸੂਸ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣਗੇ ਮਨੋਜ ਵਾਜਪਾਈ। ਪੇਸ਼ ਹਨ ਮਨੋਜ ਵਾਜਪਾਈ ਨਾਲ ਇਸੇ ਸਿਲਸਿਲੇ ਵਿੱਚ ਹੋਈ ਗੱਲਬਾਤ ਦੇ ਕੁਝ ਅੰਸ਼ :
* ਇਹ ਹਾਸ ਵਿਅੰਗ ਫਿਲਮ ਹੈ। ਤੁਸੀਂ ਜ਼ਿਆਦਾਤਰ ਡਾਰਕ ਤੇ ਇੰਟੈਂਸ ਰੋਲ ਕਰਦੇ ਹੋ, ਕੀ ਕਿਰਦਾਰਾਂ ਵਿੱਚ ਬਦਲਾਅ ਚਾਹੁੰਦੇ ਹੋ?
- ਅਸੀਂ ਇਸ ਫਿਲਮ ਵਿੱਚ ਕਾਮੇਡੀ ਕਰਨ ਦੀ ਕੋਸ਼ਿਸ਼ ਨਹੀਂ ਕੀਤੀ, ਪਰ ਹਾਲਾਤ ਅਜਿਹੇ ਬਣ ਜਾਂਦੇ ਹਨ ਕਿ ਲੋਕਾਂ ਨੂੰ ਹਾਸਾ ਆਏਗਾ। ਜਿੱਥੋਂ ਤੱਕ ਡਾਰਕ ਕਿਰਦਾਰਾਂ ਦੀ ਗੱਲ ਹੈ ਤਾਂ ਮੈਂ ਉਨ੍ਹਾਂ ਤੋਂ ਕਦੇ ਪ੍ਰੇਸ਼ਾਨ ਨਹੀਂ ਹੋਇਆ। ਕਦੇ-ਕਦੇ ਉਹੋ ਜਿਹੇ ਕਿਰਦਾਰ ਕਰਦਾ ਹਾਂ। ਜਿਵੇਂ ਫਿਲਮ ‘ਫੈਮਿਲੀ ਮੈਨ' ਵਿੱਚ ਤਾਂ ਮੇਰੇ ਕਿਰਦਾਰ ਨੂੰ ਡਾਰਕ ਨਹੀਂ ਕਿਹਾ ਜਾ ਸਕਦਾ।
* ਫਿਲਮ ਵਿੱਚ ਤੁਸੀਂ ਜਾਸੂਸ ਬਣੇ ਹੋ। ਟ੍ਰੇਲਰ ਵਿੱਚ ਜੇਮਸ ਬਾਂਡ ਦੇ ਅੰਦਾਜ਼ ਵਿੱਚ ਤੁਰ ਰਹੇ ਹੋ। ਉਸ ਤੋਰ ਲਈ ਕਿੰਨੀ ਪ੍ਰੈਕਟਿਸ ਕੀਤੀ ਸੀ?
- ਜੇਮਸ ਬਾਂਡ ਦੀਆਂ ਇੰਨੀਆਂ ਫਿਲਮਾਂ ਦੇਖੀਆਂ ਹਨ ਕਿ ਉਸ ਲਈ ਵੱਖਰੇ ਤੌਰ 'ਤੇ ਪ੍ਰੈਕਟਿਸ ਕਰਨ ਦੀ ਜ਼ਰੂਰਤ ਨਹੀਂ ਸੀ। ਵੈਸੇ ਵੀ ਮੇਰਾ ਕਿਰਦਾਰ ਕਿਰਦਾਰ ਤਰ੍ਹਾਂ ਦਾ ਜਾਸੂਸ ਹੈ।
* ਫਿਲਮ ਵਿੱਚ 1995 ਦਾ ਮੁੰਬਈ ਸ਼ਹਿਰ ਹੈ। ਉਸ ਦੌਰਾਨ ਤੁਹਾਡਾ ਕਰੀਅਰ ਵੀ ਸ਼ੁਰੂ ਹੋਇਆ ਸੀ। ਕਿਹੜੀਆਂ ਯਾਦਾਂ ਤਾਜ਼ੀਆਂ ਹੋਈਆਂ?
- ਉਸ ਸਮੇਂ ਮੋਬਾਈਲ ਫੋਨ ਨਹੀਂ ਹੁੰਦੇ ਸਨ। ਫਿਲਮ ਦੌਰਾਨ ਸਾਨੂੰ ਲੋਕੇਸ਼ਨਾਂ 'ਤੇ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖਣਾ ਪਿਆ ਕਿ ਅੱਜ ਦੀ ਤਕਨੀਕ ਉਸ ਵਿੱਚ ਨਜ਼ਰ ਆਏ ਬਾਕੀ ਇਨਸਾਨ ਅਤੇ ਸਮਾਜ ਉਹੀ ਹੈ।
* ਤੁਹਾਡੇ ਫਿਲਮ ਵਿੱਚ ਕਈ ਲੁਕਸ ਹਨ। ਔਰਤ ਵਾਲਾ ਲੁਕ ਕਿੰਨਾ ਮੁਸ਼ਕਲ ਰਿਹਾ?
- ਇੰਨੇ ਲੰਮੇ ਕਿਰਦਾਰ ਨਿਭਾਉਣ ਦੇ ਉਨ੍ਹਾਂ ਦੀਆਂ ਤਿਆਰੀਆਂ ਵਿੱਚ ਹੀ ਸਮਾਂ ਨਿਕਲ ਜਾਂਦਾ ਹੈ। ਹਰ ਕਿਰਦਾਰ ਨੂੰ ਫੜਨਾ ਇੱਕ ਲੰਮਾ ਕੰਮ ਰਿਹਾ। ਸਾੜੀ ਸੰਭਾਲਦੇ ਹੋਏ ਐਕਟਿੰਗ ਕਰਨਾ ਮੁਸ਼ਕਲ ਸੀ। ਉਸ ਕਿਰਦਾਰ ਨੂੰ ਚੰਗੀ ਤਰ੍ਹਾਂ ਨਾਲ ਨਿਭਾਉਣ ਲਈ ਪ੍ਰੈਕਟਿਸ ਕੀਤੀ। ਜਿਸ ਦਿਨ ਮੈਂ ਉਹ ਸੀਨ ਕੀਤਾ ਸੀ, ਉਸ ਦਿਨ ਮੈਨੂੰ ਤੇਜ਼ ਬੁਖਾਰ ਵੀ ਸੀ।
* ਤੁਹਾਡਾ ਬਹੁਤ ਲੰਮਾ ਕਰੀਅਰ ਰਿਹਾ ਹੈ। ਪਿੱਛੇ ਮੁੜ ਕੇ ਦੇਖਦੇ ਹੋ ਤਾਂ ਹੈਰਾਨੀ ਹੁੰਦੀ ਹੈ ਕੀ ਕਿ ਇੰਨੇ ਸਾਲ ਬੀਤ ਗਏ?
- ਮੈਂ ਪਿੱਛੇ ਮੁੜ ਕੇ ਨਹੀਂ ਦੇਖਦਾ। ਇਹ ਇੰਡਸਟਰੀ ਕਠਿਨ ਹੈ ਅਤੇ ਮੈਂ ਅੱਜ ਵੀ ਇਥੇ ਪ੍ਰਾਸੰਗਿਕ ਹਾਂ ਅਤੇ ਕੰਮ ਮਿਲ ਰਿਹਾ ਹੈ ਤਾਂ ਇਸ ਗੱਲ ਦੇ ਲਈ ਪ੍ਰਮਾਤਮਾ ਨੂੰ ਧੰਨਵਾਦ ਦਿੰਦਾ ਹਾਂ।
* ‘ਫੈਮਿਲੀ ਮੈਨ-2’ ਕਦੋ ਰਿਲੀਜ਼ ਹੋਵੇਗੀ?
- ਮੇਰਾ ਵਸ ਚੱਲੇ ਤਾਂ ਮੈਂ ਕੱਲ੍ਹ ਹੀ ਇਸ ਨੂੰ ਲਿਆਉਣਾ ਚਾਹਾਂਗਾ। ਫਿਲਹਾਲ ਪੋਸਟ ਪ੍ਰੋਡਕਸ਼ਨ ਚੱਲ ਰਿਹਾ ਹੈ।