ਡਿਟਰੌਇਟ, 10 ਨਵੰਬਰ (ਪੋਸਟ ਬਿਊਰੋ) : ਇਲੈਕਟ੍ਰਿਕ ਵਾਹਨਾਂ ਦੀ ਮੰਗ ਨੂੰ ਵੇਖਦਿਆਂ ਹੋਇਆਂ ਆਪਣੀਆਂ ਦੋ ਫੈਕਟਰੀਆਂ ਵਿੱਚ ਫੋਰਡ ਕੰਪਨੀ 350 ਲੋਕਾਂ ਨੂੰ ਰੋਜ਼ਗਾਰ ਦੇਵੇਗੀ|
ਇਸ ਆਟੋਨਿਰਮਾਤਾ ਕੰਪਨੀ ਦਾ ਕਹਿਣਾ ਹੈ ਕਿ ਉਹ ਆਪਣੇ ਕਲੇਅਕੋਮੋ, ਮਿਸੂਰੀ ਸਥਿਤ ਕੰਸਾਸ ਸਿਟੀ ਅਸੈਂਬਲੀ ਪਲਾਂਟ ਵਿੱਚ 150 ਵਰਕਰਜ਼ ਨੂੰ ਨੌਕਰੀ ਦੇਵੇਗੀ| ਇਸ ਪਲਾਂਟ ਵਿੱਚ ਨਵੀਂ ਈ-ਟਰਾਂਜ਼ਿਟ ਫੁੱਲ ਸਾਈਜ਼ ਵੈਨ ਤਿਆਰ ਕੀਤੀ ਜਾਵੇਗੀ, ਜਿਸ ਦੀ ਵਿੱਕਰੀ ਅਗਲੇ ਸਾਲ ਤੋਂ ਸ਼ੁਰੂ ਹੋਵੇਗੀ|
ਇਸ ਤੋਂ ਇਲਾਵਾ ਹੋਰ 200 ਵਰਕਰਜ਼ ਨੂੰ ਫੋਰਡ ਦੇ ਡੀਅਰਬੌਰਨ, ਮਿਸ਼ੀਗਨ ਸਥਿਤ ਰੂਜ਼ ਇਲੈਕਟ੍ਰਿਕ ਵ੍ਹੀਕਲ ਸੈਂਟਰ ਵਿੱਚ ਕੰਮ ਦਿੱਤਾ ਜਾਵੇਗਾ| ਇੱਥੇ ਇਲੈਕਟ੍ਰਿਕ ਐਫ-150 ਪਿੱਕਅੱਪ ਟਰੱਕ ਤਿਆਰ ਕੀਤੇ ਜਾਣਗੇ ਜਿਨ੍ਹਾਂ ਦਾ ਉਤਪਾਦਨ 2022 ਦੇ ਮੱਧ ਤੋਂ ਸ਼ੁਰੂ ਹੋਵੇਗਾ|
ਇਸ ਤੋਂ ਇਲਾਵਾ ਫੋਰਡ ਦਾ ਕਹਿਣਾ ਹੈ ਕਿ ਉਸ ਵੱਲੋਂ ਕੰਸਾਸ ਸਿਟੀ ਪਲਾਂਟ ਵਿੱਚ 100 ਮਿਲੀਅਨ ਡਾਲਰ ਦਾ ਨਿਵੇਸ਼ ਵੀ ਕੀਤਾ ਜਾਵੇਗਾ| ਅਜਿਹਾ ਉਸ ਅਸੈਂਬਲੀ ਲਾਈਨ ਨੂੰ ਤਿਆਰ ਕਰਨ ਲਈ ਕੀਤਾ ਜਾਵੇਗਾ ਜਿੱਥੇ ਇਲੈਕਟ੍ਰਿਕ ਵੈਨਜ਼ ਬਣਾਈਆਂ ਜਾਣਗੀਆਂ| ਅਮਰੀਕਾ ਵਿੱਚ ਫੋਰਡ ਦੇ ਪ੍ਰੈਜ਼ੀਡੈਂਟ ਕੁਮਾਰ ਗਲਹੋਤਰਾ ਦਾ ਕਹਿਣਾ ਹੈ ਕਿ ਪੈਕੇਜ ਡਲਿਵਰੀ ਕੰਪਨੀਆਂ ਆਪਣੇ ਕਾਰਬਨ ਫੁੱਟਪ੍ਰਿੰਟਸ ਨੂੰ ਘਟਾਉਣ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ ਤੇ ਇਸ ਲਈ ਇਲੈਕਟ੍ਰਿਕ ਗੱਡੀਆਂ ਦੀ ਮੰਗ ਵਿੱਚ ਵਾਧਾ ਹੋ ਰਿਹਾ ਹੈ| ਇਸ ਮੰਗ ਨੂੰ ਪੂਰਾ ਕਰਨ ਲਈ ਇਹ ਕਦਮ ਚੁੱਕਿਆ ਜਾ ਰਿਹਾ ਹੇ| ਉਨ੍ਹਾਂ ਆਖਿਆ ਕਿ ਇਸੇ ਤਰ੍ਹਾਂ ਇਲੈਕਟ੍ਰਿਕ ਪਿੱਕ ਅੱਪ ਦੀ ਮੰਗ ਵਿੱਚ ਵੀ ਵਾਧਾ ਹੋਇਆ ਹੈ|
ਕੰਪਨੀ ਦਾ ਕਹਿਣਾ ਹੈ ਕਿ ਹੋਰ ਇਲੈਕਟ੍ਰਿਕ ਗੱਡੀਆਂ ਦੇ ਨਿਰਮਾਣ ਲਈ ਇਹ ਤਾਂ ਅਜੇ ਸ਼ੁਰੂਆਤੀ ਨਿਵੇਸ਼ ਹੈ| 2022 ਵਿੱਚ ਕੰਪਨੀ ਇਲੈਕਟ੍ਰਿਕ ਵ੍ਹੀਕਲ ਫੈਕਟਰੀਆਂ ਲਈ 11æ5 ਬਿਲੀਅਨ ਡਾਲਰ ਦਾ ਨਿਵੇਸ਼ ਕਰਨ ਦਾ ਇਰਾਦਾ ਵੀ ਰੱਖਦੀ ਹੈ|