ਦਰਹਾਮ, 10 ਨਵੰਬਰ (ਪੋਸਟ ਬਿਊਰੋ) : ਪੋਰਟ ਪੈਰੀ ਹਾਈ ਸਕੂਲ ਵਿੱਚ ਬੰਬ ਹੋਣ ਦੀ ਖਬਰ ਦੀ ਦਰਹਾਮ ਪੁਲਿਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ|
ਕੱਲ੍ਹ ਸ਼ਾਮੀਂ 4:00 ਵਜੇ ਪੁਲਿਸ ਨੇ ਸਕੂਲ ਖਾਲੀ ਕਰਵਾ ਲਿਆ| ਅਹਿਤਿਆਤਨ ਨੇੜਲੇ ਐਚ ਐਸ ਕੌਰਨਿਸ ਪਬਲਿਕ ਸਕੂਲ ਵਿੱਚ ਵੀ ਚੌਕਸੀ ਵਧਾ ਦਿੱਤੀ ਗਈ| ਦਰਹਾਮ ਡਿਸਟ੍ਰਿਕਟ ਸਕੂਲ ਬੋਰਡ ਨੇ ਦੱਸਿਆ ਕਿ ਥੋੜ੍ਹੀ ਦੇਰ ਬਾਅਦ ਹੀ ਐਚ ਐਸ ਕੌਰਨਿਸ ਸਕੂਲ ਨੂੰ ਹੋਲਡ ਤੇ ਸਕਿਓਰ ਰੱਖੇ ਜਾਣ ਦੇ ਹੁਕਮ ਹਟਾ ਲਏ ਗਏ ਤੇ ਪੁਲਿਸ ਦੀ ਮਦਦ ਨਾਲ ਸਟਾਫ ਰਾਹੀਂ ਵਿਦਿਆਰਥੀਆਂ ਨੂੰ ਸੁਰੱਖਿਅਤ ਢੰਗ ਨਾਲ ਬਾਹਰ ਕੱਢਿਆ ਗਿਆ| ਮਾਪਿਆਂ ਤੇ ਗਾਰਡੀਅਨਜ਼ ਨੂੰ ਬੱਚਿਆਂ ਦੇ ਲੇਟ ਘਰ ਪਰਤਣ ਬਾਰੇ ਇਤਿਲਾਹ ਵੀ ਕੀਤੀ ਗਈ|
ਪੁਲਿਸ ਵੱਲੋਂ ਇਸ ਬੰਬ ਸਬੰਧੀ ਧਮਕੀ ਦੀ ਜਾਂਚ ਕੀਤੀ ਜਾ ਰਹੀ ਹੈ| ਅਜੇ ਤੱਕ ਹੋਰ ਵੇਰਵੇ ਹਾਸਲ ਨਹੀਂ ਹੋ ਸਕੇ ਹਨ|