ਰਾਜ ਕੁਮਾਰ ਰਾਓ ਨੇ ਹਾਲ ਹੀ ਵਿੱਚ ਸ਼ਾਹਰੁਖ ਖਾਨ ਪ੍ਰਤੀ ਆਪਣੀ ਦੀਵਾਨਗੀ ਦੇ ਬਾਰੇ ਵਿੱਚ ਸ਼ੇਅਰ ਕੀਤਾ ਹੈ। ਰਾਜ ਕੁਮਾਰ ਨੇ ਖੁਦ ਸਵੀਕਾਰ ਕੀਤਾ ਕਿ ਉਹ ਸ਼ਾਹਰੁਖ ਖਾਨ ਦੇ ਕਾਰਨ ਐਕਟਰ ਬਣੇ। ਉਸ ਨੇ ਕਿਹਾ, ‘‘ਮੈਂ ਸ਼ਾਹੁਰਖ ਸਰ ਨੂੰ ਪਿਆਰ ਕਰਦਾ ਹਾਂ। ਮੈਂ ਉਨ੍ਹਾਂ ਦੇ ਕਾਰਨ ਹੀ ਐਕਟਰ ਹਾਂ। ਗੁੜਗਾਓਂ ਵਿੱਚ ਰਹਿੰਦੇ ਸਮੇਂ ਮੈਂ ਉਨ੍ਹਾਂ ਦੀ ਮਿਮਿਕਰੀ ਕਰਦਾ ਹੁੰਦਾ ਸੀ। ਮੈਂ ਉਨ੍ਹਾਂ ਦਾ ਇੰਨਾ ਵੱਡਾ ਫੈਨ ਹਾਂ ਕਿ ਜਦ ਮੈਂ 11ਵੀਂ ਕਲਾਸ ਵਿੱਚ ਸੀ ਤਾਂ ਪਹਿਲੀ ਵਾਰ ਮੁੰਬਈ ਆਇਆ। ਇਸ ਦੌਰਾਨ ਮੈਂ ਕਈ ਘੰਟਿਆਂ ਤੱਕ ਸ਼ਾਹਰੁਖ ਦੀ ਇੱਕ ਝਲਕ ਦੇਖਣ ਲਈ ਉਨ੍ਹਾਂ ਦ ਘਰ ਮੰਨਤ ਦੇ ਬਾਹਰ ਖੜ੍ਹਾ ਰਿਹਾ ਸੀ। ਜਦ ਮੈਂ ਐਕਟਰ ਬਣ ਗਿਆ ਤਾਂ ਮੈਨੂੰ ਸ਼ਾਹੁਰਖ ਨੂੰ ਉਨ੍ਹਾਂ ਦੇ ਘਰ ਮਿਲਣ ਦਾ ਗੋਲਡਨ ਚਾਂਸ ਮਿਲਿਆ। ਇਸ ਦੇ ਬਾਅਦ ਮੈਂ ਉਨ੍ਹਾਂ ਨੂੰ ਕਈ ਵਾਰ ਮਿਲਿਆ। ਅੱਜ ਤੱਕ ਮੈਂ ਜਿਨ੍ਹਾਂ ਲੋਕਾਂ ਨੂੰ ਮਿਲਿਆ ਹਾਂ, ਸ਼ਾਹਰੁਖ ਉਨ੍ਹਾਂ ਸਭ ਵਿੱਚ ਸਭ ਤੋਂ ਜ਼ਿਆਦਾ ਚਾਰਮਿੰਗ ਹਨ। ਉਹ ਤੁਹਾਨੂੰ ਸਪੈਸ਼ਲ ਫੀਲ ਕਰਵਾਉਂਦੇ ਹਨ।”