ਨਿਊ ਯਾਰਕ, 9 ਨਵੰਬਰ (ਪੋਸਟ ਬਿਊਰੋ)- ‘ਦ ਲਿੰਕਨ ਪ੍ਰੋਜੈਕਟ’ ਦੇ ਕੋ-ਫਾਊਂਡਰ ਅਤੇ ਰਿਪਲਿਕਨ ਪਾਲੀਟਿਕਲ ਕੈਂਪੇਨ ਲਈ ਕੰਮ ਕਰ ਚੁੱਕੇ ਸਟੀਵ ਸ਼ਿਮਟ ਨੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਬਾਰੇ ਕਿਹਾ ਹੈ, ‘ਇਸ ਮੂਰਖ ਦੀ ਅਯੋਗਤਾ ਦੇ ਕਾਰਨ ਕਰੀਬ 2.50 ਲੱਖ ਅਮਰੀਕੀ ਲੋਕ ਮਾਰੇ ਗਏ।` ਉਨ੍ਹਾਂ ਨੇ ਅਮਰੀਕਾ ਦੀ ਰਾਸ਼ਟਰਪਤੀ ਚੋਣ ਵਿੱਚ ਡੈਮੋਕ੍ਰੇਟਿਕ ਪਾਰਟੀ ਦੇ ਉਮੀਦਵਾਰ ਜੋ ਬਾਈਡਨ ਦੀ ਜਿੱਤ ਦੇ ਬਾਅਦ ਇਸ ਤਰ੍ਹਾਂ ਨਾਲ ਪ੍ਰਤੀਕਿਰਿਆ ਦਿੱਤੀ ਕਿ ਜਿਵੇਂ ਬਾਈਡਨ ਦੀ ਜਿੱਤ ਦੇ ਬਾਅਦ ਅਮਰੀਕਾ ਵਿੱਚ ਕੋਰੋਨਾ ਮਹਾਂਮਾਰੀ ਵਿੱਚ ਜਸ਼ਨ ਮਨਾਇਆ ਜਾ ਰਿਹਾ ਹੈ, ਏਸੇ ਸ਼ਹਿਰ ਵਿੱਚ ਇੱਕ ਹੋਰ ਪਾਰਟੀ ਹੈ, ਜਿਸ ਵੱਲੋਂ ਡੋਨਾਲਡ ਟਰੰਪ ਦੇ ਹਰ ਟਵੀਟ ਅਤੇ ਬਿਆਨ `ਤੇ ਪ੍ਰਤੀਕਿਰਿਆ ਹੁੰਦੀ ਹੈ।
ਡੋਨਾਲਡ ਟਰੰਪ ਨੂੰ ਸਭ ਤੋਂਵੱਧਚੋਣ ਵਿੱਚ ਧਾਂਦਲੀ ਹੋਣ ਦੀ ਗੱਲ ਕਹਿਣ ਅਤੇ ਨਤੀਜਿਆਂ ਬਾਰੇ ਅਦਾਲਤ ਵੱਲ ਤੁਰਨ ਦੇ ਲਈ ਨਿਸ਼ਾਨੇ `ਤੇ ਲਿਆ ਜਾ ਰਿਹਾ ਹੈ। ਬਾਈਡਨ ਅਤੇ ਹੈਰਿਸ ਸਮਰਥਕ ਸੜਕਾਂ `ਤੇ ਨੱਚ-ਗਾ ਕੇ ਜਸ਼ਨ ਮਨਾ ਰਹੇ ਹਨ। ਨਿਊਜ਼ ਚੈਨਲ ਉਤੇ ਦ ਲਿੰਕਨ ਪ੍ਰੋਜੈਕਟ ਦੇ ਕੋ-ਫਾਊਂਡਰ ਸਟੀਵ ਸ਼ਿਮਟ ਨੇ ਟਰੰਪ ਦੀ ਹਾਰ `ਤੇ ਪ੍ਰਤੀਕਿਰਿਆ ਦੇਂਦਿਆਂ ਕਿਹਾ, ‘ਜਦ ਤੁਸੀਂ ਇਨ੍ਹਾਂ ਸਾਰੇ ਲੋਕਾਂ ਨੂੰ ਦੇਖਦੇ ਹਨ ਹੋ, ਦੇਖੋ, ਲੋਕਤੰਤਰ ਵਿਸ਼ਵਾਸ ਦੀ ਪ੍ਰਣਾਲੀ `ਤੇ ਟਿਕਿਆ ਹੁੰਦਾ ਹੈ ਅਤੇ ਡੋਨਾਲਡ ਟਰੰਪ ਨੇ ਉਹ ਸਭ ਕੁਝ ਕੀਤਾ ਹੈ, ਜੋ ਉਹ ਸੰਭਵਤ ਅਮਰੀਕੀ ਪ੍ਰਣਾਲੀ ਵਿੱਚ ਭਰੋਸੇ ਨੂੰ ਤੋੜਨ ਲਈ ਕਰ ਸਕਦੇ ਸਨ। ਅਮਰੀਕੀ ਲੋਕਾਂ ਨੇ ਅਮਰੀਕੀ ਇਤਿਹਾਸ ਦੇ ਸਭ ਤੋਂ ਭ੍ਰਿਸ਼ਟ, ਸਭ ਤੋਂ ਅਯੋਗ ਰਾਸ਼ਟਰਪਤੀ ਨੂੰ ਬੇਦਖਲ ਕਰ ਦਿੱਤਾ ਹੈ। ਅਮਰੀਕੀ ਇਤਿਹਾਸ ਦੇ ਸਭ ਤੋਂ ਖਤਰਨਾਕ ਰਾਸ਼ਟਰਪਤੀ ਨੂੰ ਸੱਤਾ ਤੋਂ ਹਟਾ ਦਿੱਤਾ ਗਿਆ ਹੈ।ਉਨ੍ਹਾਂਕਿਹਾ ਕਿ ਡੋਨਾਲਡ ਟਰੰਪ ਵਾੲ੍ਹੀਟ ਹਾਊਸ ਛੱਡ ਦੇਣਗੇ, ਜੋਅ ਬਾਈਡਨ 20 ਜਨਵਰੀ ਨੂੰ 35 ਸ਼ਬਦਾਂ ਵਿੱਚ ਸਹੁੰ ਚੁੱਕਣਗੇ ਤੇ ਅਮਰੀਕੀ ਲੋਕਤੰਤਰ ਦਾ ਨਵੀਨੀਕਰਨ ਹੋਵੇਗਾ। ਅਮਰੀਕੀ ਕਹਾਣੀ ਦਾ ਨਵਾਂ ਚੈਪਟਰ ਸ਼ੁਰੂ ਹੋਵੇਗਾ। ਸਾਡੇ ਭਵਿੱਖ ਲਈ ਸੰਭਾਵਨਾਵਾਂ ਚੰਗੀਆਂ ਹਨ। ਸਾਡੇ ਸੁਫਨੇ ਸਾਡੇ ਦੇਸ਼ ਜਿੰਨੇ ਵੱਡੇ ਹਨ ਅਤੇ ਸਾਡੇ ਕੋਲ ਚੰਗਾ ਨੇਤਾ ਹੋਵੇਗਾ।