* ਮੈਟਰੋ ਦੇ ਚੀਨੀ ਸਟਾਫ ਨੂੰ ਆਪਣਿਆਂ ਤੋਂ ਵੱਧ ਤਨਖਾਹ
ਇਸਲਾਮਾਬਾਦ, 8 ਨਵੰਬਰ (ਪੋਸਟ ਬਿਊਰੋ)- ਪਾਕਿਸਤਾਨਦੀ ਅਖਬਾਰ ਦਿ ਨਿਊਜ਼ ਇੰਟਰਨੈਸ਼ਨਲ ਦੀ ਇੱਕ ਰਿਪੋਰਟ ਮੁਤਾਬਕ ਚੀਨ ਨੂੰ ਖੁਸ਼ ਕਰਨ ਲਈਪਾਕਿਸਤਾਨ ਆਪਣੇ ਨਾਗਰਿਕਾਂ ਨੂੰ ਰੁਆ ਰਿਹਾ ਹੈ।
ਇਸ ਦਾ ਕਾਰਨ ਇਹ ਹੈ ਕਿ ਦੇਸ਼ ਵਿੱਚ ਚੀਨ ਦੀ ਮਦਦ ਨਾਲ ਸ਼ੁਰੂ ਹੋਈ ਮੈਟਰੋ `ਚ ਚੀਨੀ ਸਟਾਫ ਨੂੰ ਸਥਾਨਕ ਲੋਕਾਂ ਦੇ ਮੁਕਾਬਲੇ ਵੱਧ ਤਨਖਾਹ ਦਿੱਤੀ ਜਾਂਦੀ ਹੈ।ਪਾਕਿਸਤਾਨ ਦੇ ਪੰਜਾਬ ਮਾਸ ਟ੍ਰਾਂਜਿਟ ਅਥਾਰਟੀ ਫਾਰ ਆਰੇਂਜ ਲਾਈਨ ਮੈਟਰੋ ਟਰੇਨ (ਓ ਐਲ ਐਮ ਟੀ) ਆਪਣੇ ਚੀਨੀ ਸਟਾਫ ਨੂੰ ਪਾਕਿਸਤਾਨੀ ਸਟਾਫ ਦੇ ਮੁਕਾਬਲੇ ਬਹੁਤ ਵੱਧ ਤਨਖਾਹ ਦੇ ਰਹੀ ਹੈ। ਇਸ ਤਰ੍ਹਾਂ ਦਾ ਵਿਤਕਰਾ ਪਾਕਿਸਤਾਨੀ ਸਟਾਫ ਦੇ ਮਨੋਬਲ ਨੂੰ ਠੇਸ ਲਾ ਰਿਹਾ ਹੈ। ਇਸ ਤੋਂ ਬਿਨਾ ਚੀਨੀ ਸਟਾਫ ਨੂੰ ਯੁਆਨ ਕਰੰਸੀ `ਚ ਤਨਖਾਹ ਦਿੱਤੀ ਜਾਂਦੀ ਹੈ, ਜਦ ਕਿ ਪਾਕਿਸਤਾਨੀਆਂ ਨੂੰ ਪਾਕਿਸਤਾਨੀ ਰੁਪਏ ਵਿੱਚ ਤਨਖਾਹ ਦਿਤੀ ਜਾਂਦੀ ਹੈ। ਇੱਕ ਡੈਟੇ ਮੁਤਾਬਕ ਓ ਐਲ ਐਮ ਟੀ ਦੇ 93 ਚੀਨੀ ਮੁਲਾਜ਼ਮਾਂ ਦੀ ਤਨਖਾਹ ਤੋਂ ਪਤਾ ਲੱਗਾ ਹੈ ਕਿ ਚੀਨੀ ਮੁਲਾਜ਼ਮਾਂ ਦੀ ਤਨਖਾਹ ਬਹੁਤ ਵੱਧ ਸੀ। ਚੀਨੀ ਮੁਲਾਜ਼ਮਾਂ ਦੇ ਬਰਾਬਰ ਅਹੁਦੇ `ਤੇ ਕੰਮ ਕਰਦੇ ਪਾਕਿਸਤਾਨੀ ਮੁਲਾਜ਼ਮ ਨੂੰ ਆਪਣੇ ਚੀਨੀ ਹਮਰੁਤਬਾ ਦੇ ਮੁਕਾਬਲੇ ਵਿੱਚ ਬਹੁਤ ਘੱਟ ਪੈਸੇ ਮਿਲ ਰਹੇ ਹਨ।