ਵਿਸਕੌਨਸਿਨ ਵਿੱਚ ਵੋਟਾਂ ਦੀ ਗਿਣਤੀ ਦੁਬਾਰਾ ਕਰਵਾਉਣ ਦੀ ਕੀਤੀ ਮੰਗ
ਮਿਸ਼ੀਗਨ, 5 ਨਵੰਬਰ (ਪੋਸਟ ਬਿਊਰੋ) : ਰਾਸ਼ਟਰਪਤੀ ਡੌਨਲਡ ਟਰੰਪ ਦਾ ਕਹਿਣਾ ਹੈ ਕਿ ਉਹ ਇਨ੍ਹਾਂ ਚੋਣਾਂ ਦੇ ਨਤੀਜਿਆਂ ਲਈ ਸੁਪਰੀਮ ਕੋਰਟ ਦਾ ਦਰਵਾਜ਼ਾ ਖੜਕਾਉਣਗੇ| ਪਰ ਅਜੇ ਤੱਕ ਇਹ ਸਪਸ਼ਟ ਨਹੀਂ ਹੋ ਸਕਿਆ ਹੈ ਕਿ ਅਜਿਹੇ ਦੇਸ਼ ਵਿੱਚ ਇਸ ਬਿਆਨ ਦੀ ਕੀ ਤੁਕ ਬਣਦੀ ਹੈ ਜਿੱਥੇ ਵੋਟਾਂ ਦੀ ਟੈਬੂਲੇਸ਼ਨ ਡਾਕ ਰਾਹੀਂ ਮਿਲੀਆਂ ਵੋਟਾਂ ਕਾਰਨ ਚੋਣਾਂ ਵਾਲੇ ਦਿਨ ਤੋਂ ਬਾਅਦ ਵੀ ਜਾਰੀ ਰਹਿੰਦੀ ਹੈ ਤੇ ਆਮ ਤੌਰ ਉੱਤੇ ਸਟੇਟ ਹੀ ਇਹ ਤੈਅ ਕਰਦੇ ਹਨ ਕਿ ਇਹ ਗਿਣਤੀ ਕਦੋਂ ਬੰਦ ਹੋਣੀ ਹੈ|
ਟਰੰਪ ਕੈਂਪੇਨ ਵੱਲੋਂ ਮਿਸ਼ੀਗਨ ਵਿੱਚ ਕੇਸ ਦਰਜ ਕਰਵਾਇਆ ਗਿਆ ਹੈ ਤੇ ਵੋਟਾਂ ਦੀ ਗਿਣਤੀ ਰੋਕਣ ਦੀ ਮੰਗ ਕੀਤੀ ਗਈ ਹੈ| ਪਰ ਵੋਟਿੰਗ ਖਤਮ ਹੋ ਚੁੱਕੀ ਹੈ| ਪੂਰੇ ਦੇਸ਼ ਵਿੱਚ ਇੱਥੇ ਹੀ ਕਾਊਂਟਿੰਗ ਹੋ ਰਹੀ ਹੈ| ਚੋਣਾਂ ਵਾਲੇ ਦਿਨ ਤੋਂ ਬਾਅਦ ਕਿਸੇ ਵੀ ਸਟੇਟ ਵਿੱਚ ਐਬਸੈਂਟੀ ਵੋਟਾਂ ਨਹੀਂ ਗਿਣੀਆਂ ਜਾਣਗੀਆਂ| ਜੋਅ ਬਾਇਡਨ ਦੀ ਕੈਂਪੇਨ ਦੇ ਇੱਕ ਡੈਮੋਕ੍ਰੈਟਿਕ ਮੈਂਬਰ ਨੇ ਆਖਿਆ ਕਿ ਟਰੰਪ ਦਾ ਬਿਆਨ ਅਪਮਾਨਜਨਕ ਤੇ ਗਲਤ ਹੈ|
ਸਟੇਟ ਆਫ ਪੈਨਸਿਲਵੇਨੀਆ ਉੱਤੇ ਮੁਕੱਦਮਾ ਕਰਨ ਦੀ ਮੰਸ਼ਾ ਜ਼ਾਹਿਰ ਕਰਨ ਤੋਂ ਬਾਅਦ ਟਰੰਪ ਦੇ ਕੈਂਪੇਨ ਮੈਨੇਜਰ ਬਿੱਲ ਸਟੇਪੀਅਨ ਤੇ ਹੋਰਨਾਂ ਭਾਈਵਾਲਾਂ ਜਿਨ੍ਹਾਂ ਵਿੱਚ ਉਨ੍ਹਾਂ ਦਾ ਲੜਕਾ ਐਰਿਕ, ਵੀ ਸ਼ਾਮਲ ਹੈ, ਨੇ ਆਨਲਾਈਨ ਜਿੱਤ ਐਲਾਨ ਦਿੱਤੀ| ਕਿਸੇ ਵੀ ਮਾਮਲੇ ਵਿੱਚ ਫਰਾਡ ਦੇ ਦਾਅਵੇ ਨਾਲ ਸਿੱਧੇ ਤੌਰ ਉੱਤੇ ਹਾਈ ਕੋਰਟ ਨਹੀਂ ਜਾਇਆ ਜਾ ਸਕਦਾ| ਟਰੰਪ ਤੇ ਉਨ੍ਹਾਂ ਦੀ ਕੈਂਪੇਨ ਵੱਲੋਂ ਵੱਖ ਵੱਖ ਸਟੇਟਸ ਉੱਤੇ ਵੋਟਾਂ ਨੂੰ ਗਿਣਨ ਦੇ ਮਾਮਲੇ ਵਿੱਚ ਮੁਸ਼ਕਲਾਂ ਖੜ੍ਹੀਆਂ ਕੀਤੀਆਂ ਜਾ ਸਕਦੀਆਂ ਹਨ| ਪਰ ਉਨ੍ਹਾਂ ਨੂੰ ਇਹ ਕਾਨੂੰਨੀ ਲੜਾਈ ਸਟੇਟ ਜਾਂ ਹੇਠਲੀ ਫੈਡਰਲ ਅਦਾਲਤ ਤੋਂ ਸ਼ੁਰੂ ਕਰਨੀ ਹੋਵੇਗੀ|