ਬਾਲੀਵੁੱਡ ਅਭਿਨੇਤਾ ਰਿਤਿਕ ਰੋਸ਼ਨ ਬਹੁਤ ਜਲਦੀ ਆਉਣ ਵਾਲੇ ਸਿੰਗਿੰਗ ਰਿਐਲਟੀ ਸ਼ੋਅ ‘ਤਾਰੇ ਜ਼ਮੀਨ ਪਰ’ ਨੂੰ ਪ੍ਰਮੋਟ ਕਰਦੇ ਨਜ਼ਰ ਆਉਣਗੇ। ਸੂਤਰਾਂ ਦੀ ਮੰਨੀਏ ਤਾਂ ਉਨ੍ਹਾ ਨੂੰ ਇਸ ਸ਼ੋਅ ਦਾ ਕੰਸੈਪਟ ਇੰਨਾ ਪਸੰਦ ਆਇਆ ਕਿ ਉਨ੍ਹਾਂ ਨੇੇ ਪ੍ਰਮੋਸ਼ਨ ਲਈ ਆਪਣੀ ਫੀਸ ਲੈਣ ਤੋਂ ਇਨਕਾਰ ਕਰ ਦਿੱਤਾ।
ਸ਼ੋਅ ਨਾਲ ਜੁੜੇ ਸੂਤਰ ਦੱਸਦੇ ਹਨ, ਇਸ ਰਿਐਲਿਟੀ ਸ਼ੋਅ ਦੀ ਖਾਸੀਅਤ ਇਹ ਹੈ ਕਿ ਇਸ ਵਿੱਚ ਕਿਸੇ ਵੀ ਤਰ੍ਹਾਂ ਦਾ ਐਲੀਮੀਨੇਸ਼ਨ ਪ੍ਰੋਸੈਸ ਨਹੀਂ ਹੋਵੇਗਾ। ਜਿੰਨੇ ਬੱਚੇ ਇਸ ਸ਼ੋਅ ਵਿੱਚ ਹਿੱਸਾ ਲੈਣਗੇ ਉਹ ਸਾਰੇ ਅਖੀਰ ਤੱਕ ਰਹਿਣਗੇ। ਮੈਂਟਰਸ ਸ਼ੰਕਰ ਮਹਾਦੇਵਨ, ਟੋਨੀ ਕੱਕੜ ਅਤੇ ਜੋਨਿਤਾ ਗਾਂਧੀ ਇਨ੍ਹਾਂ ਬੱਚਿਆਂ ਨੂੰ ਟ੍ਰੇਂਡ ਕਰਨਗੇ। ਸ਼ੋਅ ਦੇ ਪ੍ਰਮੋਸ਼ਨਲ ਸਟ੍ਰੈਟੇਜੀ ਦੇ ਮੁਤਾਬਕ ਮੇਕਰਸ ਨੇ ਕੁਝ ਬਾਲੀਵੁੱਡ ਕਲਾਕਾਰਾਂ ਨੂੰ ਇਸ ਕੰਸੈਪਟ ਤੋਂ ਜਾਣੂ ਕਰਾਇਆ। ਇਨ੍ਹਾਂ ਕਲਾਕਾਰਾਂ ਵਿੱਚੋਂ ਇੱਕ ਹਨ ਰਿਤਿਕ ਰੋਸ਼ਨ। ਜਦ ਨਿਰਮਾਤਾਵਾਂ ਨੇ ਸ਼ੋਅ ਦੇ ਸਮਰਥਨ ਲਈ ਉਨ੍ਹਾਂ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾਂ ਨੇ ਇਸ ਕੰਸੈਪਟ ਨੂੰ ਸੁਣਿਆ। ਉਨ੍ਹਾਂ ਨੇ ਖੁਦ ਪ੍ਰੋਮੋ ਨੂੰ ਆਪਣੇ ਘਰ 'ਤੇ (ਕੁਝ ਦਿਨ ਪਹਿਲਾਂ) ਸ਼ੂਟ ਕੀਤਾ, ਜਿੱਥੇ ਉਹ ਬਚਪਨ ਦੀ ਕਵਿਤਾ ਸੁਣਾ ਰਹੇ ਹਨ। ਉਨ੍ਹਾਂ ਨੇ ਸ਼ੋਅ ਦੇ ਪ੍ਰਮੋਸ਼ਨ ਦੇ ਲਈ ਕਿਸੇ ਵੀ ਤਰ੍ਹਾਂ ਦੀ ਫੀਸ ਨਹੀਂ ਲਈ ਕਿਉਂਕਿ ਉਨ੍ਹਾਂ ਨੂੰ ਸ਼ੋਅ ਕਨਸੈਪਟ ਬਹੁਤ ਪਸੰਦ ਆਇਆ। ਇਸ ਗੱਲ ਤੋਂ ਮੇਕਰਸ ਵੀ ਕਾਫੀ ਹੈਰਾਨ ਹਨ।