ਆਲੀਆ ਭੱਟ ਲਈ ਆਉਣ ਵਾਲੇ ਦਿਨ ਕਾਫੀ ਬਿਜ਼ੀ ਰਹਿਣ ਵਾਲੇ ਹਨ। ਉਸ ਦੀਆਂ ਕਈ ਫਿਲਮਾਂ ਲਾਈਨ ਵਿੱਚ ਹਨ ਤੇ ਕੁਝ ਦੀ ਸ਼ੂਟਿੰਗ ਚੱਲ ਰਹੀ ਹੈ। ਇਨ੍ਹੀਂ ਦਿਨੀਂ ਉਹ ਸੰਜੇ ਲੀਲਾ ਭੰਸਾਲੀ ਦੀ ਫਿਲਮ ‘ਗੰਗੂਬਾਈ ਕਾਠਿਆਵਾੜੀ’ ਦੀ ਸ਼ੂਟਿੰਗ ਵਿੱਚ ਰੁੱਝੀ ਹੋਈ ਹੈ। ਇਸੇ ਦੌਰਾਨ ਖਬਰ ਹੈ ਕਿ ਉਹ ਅਗਲੇ ਹਫਤੇ ਤੋਂ ਰਾਜਾਮੌਲੀ ਦੀ ਫਿਲਮ ‘ਆਰ ਆਰ ਆਰ’ ਦੀ ਸ਼ੂਟਿੰਗ ਵੀ ਸ਼ੁਰੂ ਕਰਨ ਜਾ ਰਹੀ ਹੈ। ਆਲੀਆ ਸ਼ੂਟਿੰਗ ਦੇ ਲਈ ਹੈਦਰਾਬਾਦ ਜਾਏਗੀ ਅਤੇ ਉਥੋਂ ਫਿਲਮ ਦੇ ਬਾਕੀ ਕਰੂਅ ਮੈਂਬਰਾਂ ਨੂੰ ਜੁਆਇਨ ਕਰੇਗੀ। ਨਵੰਬਰ ਦੇ ਪਹਿਲੇ ਹਫਤੇ ਉਹ ਰਾਮ ਚਰਨ ਅਤੇ ਜੂਨੀਅਰ ਐੱਨ ਟੀ ਆਰ ਨਾਲ ਇੱਕ ਆਹਮੋ-ਸਾਹਮਣੇ ਦਾ ਸੀਨ ਸ਼ੂਟ ਕਰੇਗੀ। ਇਸ ਸੀਨ ਵਿੱਚ ਆਲੀਆ ਅਤੇ ਸੀਤਾਰਾਮ ਰਾਜੂ ਦਾ ਸਾਹਮਣਾ ਭੀਮ ਦੇ ਕਿਰਦਾਰ ਨਾਲ ਹੋਵੇਗਾ।