ਜਾਨ ਅਬਰਾਹਮ ਇਨ੍ਹੀਂ ਦਿਨੀਂ ਆਪਣੀ ਅਗਲੀ ਫਿਲਮ ‘ਬਾਟਲਾ ਹਾਊਸ’ ਦੀ ਸ਼ੂਟਿੰਗ ਦੇ ਲਈ ਬਿਜ਼ੀ ਹਨ। ਇਹ ਇੱਕ ਸੱਚੀ ਘਟਨਾ 'ਤੇ ਆਧਾਰਤ ਫਿਲਮ ਹੈ। ਇਸ ਵਿੱਚ ਉਹ ਐਨਕਾਊਂਟਰ ਕਰਨ ਵਾਲੇ ਪੁਲਸ ਅਫਸਰ ਦੇ ਕਿਰਦਾਰ ਵਿੱਚ ਹਨ। ਇਸ ਤੋਂ ਪਹਿਲਾਂ ਵੀ ਜਾਨ ‘ਸਤਯਮੇਵ ਜਯਤੇ’ ਵਿੱਚ ਐਕਸ਼ਨ ਕਰਦੇ ਨਜ਼ਰ ਆਏ ਸਨ। ਸੁਣਨ ਨੂੰ ਮਿਲਿਆ ਹੈ ਕਿ ਉਨ੍ਹਾਂ ਦੀ ਅਗਲੀ ਫਿਲਮ, ਜਿਸ ਦਾ ਨਾਂਅ ‘ਸਾੜਸਤੀ' ਸੀ, ਉਸ ਨੂੰ ਬਦਲ ਕੇ ‘ਪਾਗਲਪੰਤੀ’ ਕੀਤਾ ਗਿਆ ਹੈ।
ਜਾਨ ਦੇ ਕਰੀਬੀਆਂ ਦਾ ਕਹਿਣਾ ਹੈ ਕਿ ਉਹ ਲਗਾਤਾਰ ਐਕਸ਼ਨ ਫਿਲਮਾਂ ਕਰਨ ਮਗਰੋਂ ਥੋੜ੍ਹਾ ਲਾਈਟਰ ਨੋਟ ਦੀ ਐਕਸ਼ਨ ਫਿਲਮ ਕਰਨਾ ਚਾਹੁੰਦੇ ਸਨ, ਇਸ ਲਈ ਉਨ੍ਹਾਂ ਨੇ ‘ਪਾਗਲਪੰਤੀ’ ਕਰਨ ਦਾ ਫੈਸਲਾ ਲਿਆ। ਇਸ ਫਿਲਮ ਦੀ ਸ਼ੂਟਿੰਗ ਅਗਲੇ ਸਾਲ ਜਨਵਰੀ ਤੋਂ ਸ਼ੁਰੂ ਹੋਵੇਗੀ। ਤਿੰਨ ਮਹੀਨੇ ਦੇ ਟਾਈਟ ਸ਼ਡਿਊਲ ਵਿੱਚ ਇਸ ਦੀ ਸ਼ੂਟਿੰਗ ਸਟਾਰਟ ਟੂ ਫਿਨਿਸ਼ ਮੋੜ ਵਿੱਚ ਕੀਤੀ ਜਾਏਗੀ।