ਹਿੰਦੀ ਸਿਨੇਮਾ ਦੀ ਬਿਹਤਰੀਨ ਕਾਮੇਡੀ ਫਿਲਮਾਂ ਵਿੱਚ ਸ਼ੁਮਾਰ ਫਿਲਮ ‘ਚੁਪਕੇ ਚੁਪਕੇ’ ਨੂੰ ਸਿਨੇ ਪ੍ਰੇਮੀ ਜਲਦੀ ਹੀ ਨਵੇਂ ਸਿਤਾਰਿਆਂ ਤੇ ਨਵੀਂ ਟੀਮ ਨਾਲ ਨਵੀਂ ਸ਼ੈਲੀ ਵਿੱਚ ਦੇਖ ਸਕਦੇ ਹਨ। ਸਾਲ 1975 ਵਿੱਚ ਰਿਲੀਜ਼ ਅਮਿਤਾਭ ਬੱਚਨ ਅਤੇ ਧਰਮਿੰਦਰ ਦੀ ਇਸ ਫਿਲਮ ਦੀ ਰੀਮੇਕ ਬਣਾਉਣ ਦੀਆਂ ਤਿਆਰੀਆਂ ਲਗਭਗ ਪੂਰੀਆਂ ਹੋ ਚੁੱਕੀਆਂ ਹਨ।
ਖਬਰ ਹੈ ਕਿ ਰੀਮੇਕ ਵਿੱਚ ਅਭਿਨੇਤਾ ਰਾਜ ਕੁਮਾਰ ਰਾਓ ਧਰਮਿੰਦਰ ਵੱਲੋਂ ਨਿਭਾਏ ਡਾਕਟਰ ਪਰੀਮਲ ਤਿ੍ਰਪਾਠੀ ਦਾ ਕਿਰਦਾਰ ਨਿਭਾਉਣਗੇ। ਉਥੇ ਅਮਿਤਾਭ ਬਚਨ ਵੱਲੋਂ ਪ੍ਰੋਫੈਸਰ ਸੁਕੁਮਾਰ ਸਿਨਹਾ ਦੇ ਕਿਰਦਾਰ ਦੇ ਲਈ ਅਭਿਨੇਤਾ ਦੀ ਤਲਾਸ਼ ਜਾਰੀ ਹੈ। ਸੂਤਰਾਂ ਮੁਤਾਬਕ ਫਿਲਮ ਦੀ ਟੀਮ ਦੋਬਾਰਾ ਸਕ੍ਰਿਪਟ 'ਤੇ ਕੰਮ ਕਰ ਰਹੀ ਹੈ। ਨਿਰਮਾਤਾ ਚਾਹੁੰਦੇ ਹਨ ਕਿ ਮੂਲ ਫਿਲਮ ਦੇ ਨਿਰਮਾਤਾ ਜਾਂ ਕਲਾਕਾਰਾਂ ਨੂੰ ਅਸਹਿਜ ਨਾ ਕਰਨ। ਮੰਨਿਆ ਜਾ ਰਿਹਾ ਹੈ ਕਿ ਸਾਲ ਦੇ ਅਖੀਰ ਤੱਕ ਕਾਸਟਿੰਗ ਦਾ ਕੰਮ ਪੂਰਾ ਹੋ ਜਾਏਗਾ ਤੇ ਅਗਲੇ ਸਾਲ ਮਾਰਚ ਤੋਂ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਜਾਏਗੀ। ਫਿਲਹਾਲ ਫਿਲਮ ਦੇ ਬਾਰੇ ਵਿੱਚ ਅਧਿਕਾਰਕ ਜਾਣਕਾਰੀ ਸਾਂਝੀ ਕੀਤੀ ਗਈ। ਰਾਜ ਕੁਮਾਰ ਰਾਓ ਜਲਦੀ ਹੀ ਭੂਮੀ ਪੇਡਨੇਕਰ ਨਾਲ ਫਿਲਮ ‘ਬਧਾਈ ਦੋ’ ਦੀ ਵੀ ਸ਼ੂਟਿੰਗ ਸ਼ੁਰੂ ਕਰਨਗੇ।