Welcome to Canadian Punjabi Post
Follow us on

19

May 2019
ਮਨੋਰੰਜਨ

ਸਲਮਾਨ-ਡੇਵਿਡ ਨੂੰ ਮਨਾਉਣ ਵਿੱਚ ਲੱਗੇ ਗੋਵਿੰਦਾ

November 26, 2018 08:31 AM

ਨੱਬੇ ਦੇ ਦਹਾਕੇ ਦੇ ਸੁਪਰ ਸਟਾਰ ਗੋਵਿੰਦਾ ਅੱਜ ਕੱਲ੍ਹ ਆਪਣੀ ਅਗਲੀ ਫਿਲਮ ‘ਰੰਗੀਲਾ ਰਾਜਾ’ ਦੇ ਪ੍ਰਮੋਸ਼ਨ ਵਿੱਚ ਰੁੱਝੇ ਹਨ। ਪਹਿਲਾਜ ਨਿਹਲਾਨੀ ਦੇ ਨਿਰਦੇਸ਼ਨ ਹੇਠ ਇਸ ਫਿਲਮ ਵਿੱਚ ਗੋਵਿੰਦਾ ਕਈ ਕਿਰਦਾਰਾਂ ਵਿੱਚ ਪੇਸ਼ ਹੋਣਗੇ। ਇਸ ਫਿਲਮ ਨੂੰ ਸੈਂਸਰ ਸਰਟੀਫਿਕੇਟ ਮਿਲਣ ਵਿੱਚ ਪ੍ਰੇਸ਼ਾਨੀ ਹੋ ਰਹੀ ਹੈ। ਮੇਕਰਸ ਇਸ ਨੂੰ ਸਹੀ ਸਰਟੀਫਿਕੇਟ ਤੇ ਘੱਟ ਕੱਟ ਲਾਉਣ ਦੇ ਲਈ ਲੜਾਈ ਲੜ ਰਹੇ ਹਨ। ਇਸ ਦੀ ਰਿਲੀਜ਼ ਕਈ ਵਾਰ ਟਾਲੀ ਜਾ ਚੁੱਕੀ ਹੈ।
ਕਰੀਅਰ ਦੇ ਇਸ ਖਰਾਬ ਸਮੇਂ ਵਿੱਚ ਗੋਵਿੰਦਾ ਆਪਣੇ ਪੁਰਾਣੇ ਦੋਸਤ ਸਲਮਾਨ ਖਾਨ ਅਤੇ ਡੇਵਿਡ ਧਵਨ ਦੇ ਨਾਲ ਰਿਸ਼ਤੇ ਸੁਧਾਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਪਿਛਲੇ ਦਿਨੀਂ ਗੋਵਿੰਦਾ ਨੇ ਇੱਕ ਮੀਡੀਆ ਕਾਨਫਰੰਸ ਵਿੱਚ ਕਈ ਵਾਰ ਇਹ ਕਿਹਾ ਕਿ ਇੰਡਸਟਰੀ ਵਿੱਚ ਕਈ ਲੋਕ ਉਨ੍ਹਾਂ ਦੀ ਫਿਲਮ ਰਿਲੀਜ਼ ਨਹੀਂ ਹੋਣ ਦੇਣਾ ਚਾਹੁੰਦੇ। ਇਸੇ ਦੌਰਾਨ ਜਦ ਗੋਵਿੰਦਾ ਤੋਂ ਸਲਮਾਨ ਖਾਨ ਅਤੇ ਡੇਵਿਡ ਧਵਨ ਨਾਲ ਕੰਮ ਕਰਨ ਬਾਰੇ ਸਵਾਲ ਕੀਤਾ ਗਿਆ ਤਾਂ ਉਨ੍ਹਾਂ ਕਿਹਾ, ਮੈਂ ਦੋਵਾਂ ਨਾਲ ਕੰਮ ਕਰਨਾ ਚਾਹੁੰਦਾ ਹਾਂ। ਸਲਮਾਨ ਤੇ ਗੋਵਿੰਦਾ ਦੇ ਰਿਸ਼ਤੇ ਵਿੱਚ ਓਦੋਂ ਕੁੜੱਤਣ ਆਈ ਸੀ, ਜਦੋਂ ਸਲਮਾਨ ਨੇ ਉਸ ਦੀ ਬੇਟੀ ਟੀਨਾ ਆਹੂਜਾ ਨੂੰ ਵਾਅਦਾ ਕਰਨ ਦੇ ਬਾਅਦ ਵੀ ਫਿਲਮ ‘ਦਬੰਗ’ ਵਿੱਚ ਲਾਂਚ ਨਹੀਂ ਸੀ ਕੀਤਾ।ਇਸ ਦੇ ਬਾਅਦ ਗੋਵਿੰਦਾ-ਸਲਮਾਨ ਇਕੱਠੇ ਤਾਂ ਦੇਖੇ ਗਏ, ਪਰ ਦੋਵੇਂ ਇਕੱਠੇ ਕੰਮ ਕਰਨ ਨੂੰ ਤਿਆਰ ਨਹੀਂ ਹੋਏ। ਇੱਕ ਸਮੇਂ ਗੋਵਿੰਦਾ ਨੇ ਦਾਅਵਾ ਕੀਤਾ ਸੀ ਕਿ ਡੇਵਿਡ ਧਵਨ ਨੇ ਉਨ੍ਹਾਂ ਦੇ ਕਰੀਅਰ ਦੇ ਬੁਰੇ ਦੌਰ ਵਿੱਚ ਉਨ੍ਹਾਂ ਦੀ ਮਦਦ ਨਹੀਂ ਕੀਤੀ।

Have something to say? Post your comment