* ਬਿਡੇਨ 54 ਫ਼ੀਸਦੀ ਅਤੇ ਟਰੰਪ 42 ਫ਼ੀਸਦੀ ਲੋਕਾਂ ਦੀ ਪਸੰਦ
ਵਾਸ਼ਿੰਗਟਨ, 29 ਅਕਤੂਬਰ, (ਪੋਸਟ ਬਿਊਰੋ)- ਅਮਰੀਕਾ ਵਿੱਚ ਰਾਸ਼ਟਰਪਤੀ ਅਹੁਦੇ ਦੀ ਚੋਣ ਲਈ ਸਰਗਰਮੀਜਦੋਂ ਸਿਖਰ ਉੱਤੇ ਹੈ, ਇਸ ਦੌਰਾਨ ਨਵੇਂ ਕੌਮੀ ਸਰਵੇਖਣ ਵਿਚ ਡੈਮੋਕਰੇਟਿਕ ਪਾਰਟੀ ਦੇ ਉਮੀਦਵਾਰ ਜੋਅ ਬਿਡੇਨ ਨੂੰ ਵੋਟਰਾਂ ਦੀ ਪਸੰਦ ਦੇ ਆਧਾਰ ਉੱਤੇ ਅੱਗੇ ਦੱਸਿਆ ਗਿਆ ਹੈ। ਸਰਵੇਖਣ ਵਿਚ ਬਿਡੇਨ ਆਪਣੇ ਵਿਰੋਧੀ ਰਿਪਬਲਿਕਨ ਪਾਰਟੀ ਦੇ ਉਮੀਦਵਾਰ ਡੋਨਾਲਡ ਟਰੰਪ ਤੋਂ 12 ਪੁਆਇੰਟ ਅੱਗੇ ਦੱਸੇ ਗਏ ਹਨ।
ਇਸ ਬਾਰੇ ਅਮਰੀਕਾ ਦੀ ਨਿਊਜ਼ ਵੈੱਬਸਾਈਟ ‘ਦ ਹਿਲ` ਨੇ ਸੀ ਐੱਨ ਐੱਨ ਵੱਲੋਂ ਕੀਤੇ ਗਏ ਕੌਮੀ ਸਰਵੇਖਣ ਦੇ ਹਵਾਲੇ ਨਾਲ ਸੂਚਨਾ ਦਿੱਤੀ ਹੈ ਕਿ ਜੋਅ ਬਿਡੇਨ ਨੂੰ 54 ਫ਼ੀਸਦੀ ਵੋਟਰਾਂ ਨੇ ਪਸੰਦ ਕੀਤਾ ਹੈ ਤੇ ਡੋਨਾਲਡ ਟਰੰਪ ਨੂੰ ਪਸੰਦ ਕਰਨ ਵਾਲੇ 42 ਫ਼ੀਸਦੀ ਮਿਲੇ ਹਨ। ਹਾਲੇ ਤਕ ਦੇ ਕੌਮੀ ਸਰਵੇਖਣਾਂ ਵਿਚ ਦੋਵਾਂ ਵਿਚਾਲੇ ਇਹ ਸਭ ਤੋਂ ਵੱਡਾ ਫਰਕ ਹੈ। ਇਸ ਸਰਵੇਖਣ ਵਿਚ ਇਸ ਗੱਲ ਦੀ ਸੰਭਾਵਨਾ ਦੱਸੀ ਗਈ ਹੈ ਕਿ ਵੋਟਿੰਗ ਦੇ ਦਿਨ ਜੋਅ ਬਿਡੇਨ ਡੈਮੋਕ੍ਰੇਟ ਪਾਰਟੀ ਵੱਲੋਂ ਪਿਛਲੀ ਚੋਣ ਵਿਚ ਉਮੀਦਵਾਰ ਰਹੀ ਹਿਲੇਰੀ ਕਲਿੰਟਨ ਤੋਂਵੱਧ ਸਮਰਥਨ ਹਾਸਲ ਕਰਨਗੇ। ਸਰਵੇਖਣ ਵਿਚ ਸੀਨੀਅਰ ਸਿਟੀਜ਼ਨਜ਼ ਦਾ ਸਮਰਥਨ ਵੀ ਜੋਅ ਬਿਡੇਨ ਲਈ ਵੱਧ ਦੇਖਣ ਨੂੰ ਮਿਲਿਆ ਹੈ। ਚੋਣ ਪ੍ਰਚਾਰ ਵਿਚ ਬਿਡੇਨ ਵੱਲੋਂ ਵੱਖ-ਵੱਖ ਮੁੱਦਿਆਂ ਉੱਤੇ ਦਿੱਤੇ ਜਾ ਰਹੇ ਵਿਚਾਰਾਂ ਨਾਲ 55 ਫ਼ੀਸਦੀ ਲੋਕ ਸਹਿਮਤ ਰਹੇ, ਜਦਕਿ 42 ਫ਼ੀਸਦੀ ਲੋਕ ਉਨ੍ਹਾਂ ਦੀ ਸੋਚਨਾਲ ਸਹਿਮਤ ਨਹੀਂ ਹਨ ਅਤੇ ਟਰੰਪ ਦੇ ਮਾਮਲੇ ਵਿਚ ਇਹ ਗਿਣਤੀ ਇਕਦਮ ਉਲਟੀ ਹੈ।
ਅਮਰੀਕੀ ਚੋਣ ਇਤਿਹਾਸ ਵਿਚ ਇਸ ਵਾਰ ਦੀ ਰਾਸ਼ਟਰਪਤੀ ਚੋਣ ਸਭ ਤੋਂਮਹਿੰਗੀ ਹੋਣ ਵਾਲੀ ਹੈ। ਇਸ ਚੋਣ ਵਿਚ 14 ਅਰਬ ਡਾਲਰ ਖ਼ਰਚ ਹੋਣ ਜਾ ਰਹੇ ਹਨ। ਇਕ ਖੋਜੀ ਗਰੁੱਪ ਸੈਂਟਰ ਆਫ ਰਿਸਪੌਂਸਿਵ ਪਾਲਿਟਿਕਸ ਦੇ ਅਨੁਸਾਰ ਪਿਛਲੀ ਚੋਣ ਵੇਲੇ 2016 ਵਿਚ 11 ਅਰਬ ਡਾਲਰ ਖ਼ਰਚ ਹੋਏ ਸਨ।ਚੋਣ ਤੋਂ ਪਹਿਲਾਂ ਹੁੰਦੀ ਵੋਟਿੰਗ ਵਿਚ ਡੈਮੋਕ੍ਰੇਟਿਕ ਪਾਰਟੀ ਦੇ ਰਾਸ਼ਟਰਪਤੀ ਅਹੁਦੇ ਵਾਸਤੇ ਉਮੀਦਵਾਰ ਜੋਅ ਬਿਡੇਨ ਨੇ ਆਪਣੇ ਰਾਜ ਡੇਲਾਵੇਅਰ ਵਿਚ ਵੋਟ ਪਾਈ ਹੈ। ਉਹ ਆਪਣੀ ਪਤਨੀ ਜਿਲ ਨਾਲ ਵੋਟ ਪਾਉਣ ਗਏ ਸਨ। ਇਸ ਦੌਰਾਨ ਫਲੋਰੀਡਾ ਦੇ ਗਵਰਨਰ ਰਾਨ ਡੇਸੈਂਟਿਸ ਇਸ ਆਪਣਾ ਵੋਟ ਨਹੀਂ ਪਾ ਸਕੇ। ਕਿਸੇ ਨੇ ਉਨ੍ਹਾਂ ਦੇ ਆਨਲਾਈਨ ਐਡਰੈੱਸ ਵਿੱਚ ਗ਼ੈਰ-ਕਾਨੂੰਨੀ ਤਬਦੀਲੀ ਕਰ ਦਿੱਤੀ ਸੀ।