* ਕੋਰੀਆਈ ਜੰਗ ਦੀ ਬਰਸੀ `ਤੇ ਜਿਨਪਿੰਗ ਦੇ ਭਾਸ਼ਣ ਵਿੱਚ ਇਸ਼ਾਰੇ
ਪੇਈਚਿੰਗ , 28 ਅਕਤੂਬਰ (ਪੋਸਟ ਬਿਊਰੋ)- ਕੋਰੀਆਈ ਜੰਗ ਦੀ 70ਵੀਂ ਬਰਸੀ ਦੇ ਵਕਤ ਚੀਨ ਦੇ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਨੇ ਅਜਿਹਾ ਭਾਸ਼ਣ ਦਿੱਤਾ ਹੈ, ਜਿਸ ਕਾਰਨ ਕਈ ਵਿਸ਼ਲੇਸ਼ਕ ਚਿੰਤਾ ਵਿੱਚ ਹਨ।
ਇਸ ਦੌਰਾਨ ਸ਼ੀ ਜਿਨਪਿੰਗ ਨੇ ਆਪਣੇ ਭਾਸ਼ਣ ਵਿੱਚ ਅਮਰੀਕਾ ਨੂੰ ਖੁੱਲ੍ਹੀ ਚੁਣੌਤੀ ਦਿੱਤੀ ਅਤੇ ਇਸ਼ਾਰਿਆਂ ਵਿੱਚ ਕਿਹਾ ਕਿ ਜਦੋਂ ਚੀਨ ਦੇ ਹਾਲਾਤ ਬਹੁਤ ਜ਼ਿਆਦਾ ਖਰਾਬ ਸਨ, ਓਦੋਂ ਵੀ ਉਹ ਅਮਰੀਕਾ ਤੋਂਨਹੀਂ ਡਰਦਾ ਸੀ, ਅੱਜਕੱੱਲ੍ਹ ਤਾਂ ਉਹ ਹਰ ਪੱਖੋਂ ਮਜ਼ਬੂਤ ਸਥਿਤੀ ਵਿੱਚ ਹੈ। ਇਸ ਲਈ ਅਮਰੀਕਾ ਤੋਂ ਡਰ ਦਾ ਕੋਈ ਮਤਲਬ ਨਹੀਂ ਬਣਦਾ। ਜਿਨਪਿੰਗ ਦੇ ਇਸ ਭਾਸ਼ਣ ਨੂੰ ਪ੍ਰਤੱਖ ਤੌਰ ਉੱਤੇ ਚੀਨ ਵੱਲੋਂ ਅਮਰੀਕਾ ਨੂੰ ਜੰਗ ਲਈ ਉਕਸਾਉਣ ਦਾ ਦਆ ਮੰਨਿਆ ਜਾ ਰਿਹਾ ਹੈ।
ਅਮਰੀਕਾ ਨੇ ਜਦੋਂ ਤਾਈਵਾਨ ਨੂੰ ਇੱਕ ਅਰਬ ਡਾਲਰ ਤੋਂਵੱਧ ਕੀਮਤ ਦੇ ਹਥਿਆਰ ਵੇਚਣ ਦੀ ਮਨਜ਼ੂਰੀ ਦਿੱਤੀ ਹੈ, ਉਸ ਦੇ ਬਾਅਦ ਤੋਂ ਚੀਨ ਤੇ ਅਮਰੀਕਾ ਦਾ ਵਿਵਾਦ ਵਧ ਗਿਆ ਹੈ। ਅਮਰੀਕਾ ਦੇ ਇਸ ਐਲਾਨ ਪਿੱਛੋਂ ਤਣਾਅ ਵਿੱਚ ਵਾਧਾ ਹੋ ਗਿਆ ਹੈ। ਕੋਰੀਆਈ ਜੰਗ ਦੀ 70ਵੀਂ ਬਰਸੀ ਓਦੋਂ ਮਨਾਈ ਜਾ ਰਹੀ ਹੈ,ਜਦੋਂ ਅਮਰੀਕਾ ਨਾਲ ਕਾਰੋਬਾਰ ਅਤੇ ਤਕਨੀਕ ਲਈ ਅਮਰੀਕਾ ਨਾਲ ਮੁਕਾਬਲੇਬਾਜ਼ੀ ਹੈ ਅਤੇ ਮਨੁੱਖੀ ਅਧਿਕਾਰਾਂ ਤੇ ਤਾਈਵਾਨ ਬਾਰੇ ਚੀਨ ਵੱਲੋਂ ਦਬਾਅ ਪੈਂਦਾ ਜਾ ਰਿਹਾ ਹੈ। ਚੀਨ ਤਾਈਵਾਨ ਨੂੰ ਆਪਣਾ ਅਨਿੱਖੜਵਾਂ ਅੰਗ ਮੰਨਦਾ ਹੈ। ਕੋਰੀਆਈ ਜੰਗ ਦੀ ਬਰਸੀ ਮੌਕੇ ਸ਼ੀ ਜਿਨਪਿੰਗ ਨੇ ਚੀਨੀ ਫੌਜ ਦੀਆਂ ਬਹਾਦਰੀ ਦੀਆਂ ਕਹਾਣੀਆਂ ਦਾ ਜ਼ਿਕਰ ਕਰਦੇ ਹੋਏ ਉਨ੍ਹਾਂ ਵਿੱਚ ਦੇਸ਼ਭਗਤੀ ਦੀ ਭਾਵਨਾ ਮਜ਼ਬੂਤ ਕਰਨ ਦੀ ਕੋਸ਼ਿਸ਼ ਵੀ ਕੀਤੀ ਹੈ। ਸਾਲ 1950-53 ਵਿਚਾਲੇ ਚੱਲੀ ਜੰਗ ਨੂੰ ਉਨ੍ਹਾਂ ਨੇ ਇਸ ਗੱਲ ਦੀ ਨਿਸ਼ਾਨੀ ਦੱਸਿਆ ਕਿ ਜੋ ਚੀਨ ਦੇ ਦਰਵਾਜ਼ੇ `ਤੇ ਮੁਸ਼ਕਲ ਪੈਦਾ ਕਰੇਗਾ,ਇਹ ਦੇਸ਼ ਉਸ ਦੇ ਲਈ ਤਿਆਰ ਹੈ।
ਚੀਨ ਦੀ ਹਾਕਮ ਕਮਿਊਨਿਸਟ ਪਾਰਟੀ ਲਈ ਕੋਰੀਆਈ ਜੰਗ ਉਹ ਕਿੱਸਾ ਹੈ ਜਿਸ ਨੇ ਉਸ ਨੂੰ ਆਪਣੀਆਂ ਜੜ੍ਹਾਂ ਜਮਾਉਣ ਵਿੱਚ ਮਦਦ ਕੀਤੀ ਸੀ। ਇਸ ਰੈਲੀ ਵਿੱਚ ਜਿਨਪਿੰਗ ਨੇ ਅਮਰੀਕਾ ਉੱਤੇ ਨਿਸ਼ਾਨਾ ਵਿੰਨ੍ਹਦੇ ਹੋਏ ਇੱਕ-ਪਾਸੜ ਸੋਚ, ਸੁਰੱਖਿਆਵਾਦ ਅਤੇ ਅੱਤ ਦੇ ਹੰਕਾਰ ਦੀ ਨਿੰਦਾ ਕੀਤੀ। ਅਮਰੀਕਾ ਦੀ ਅਗਵਾਈ ਵਿੱਚ ਯੂ ਐੱਨ ਗਠਜੋੜ ਫੋਰਸਾਂ ਦੇ ਖਿਲਾਫ ਉਤਰ ਕੋਰੀਆ ਨੂੰ ਮਦਦ ਦੇਣ ਲਈ ਚੀਨ ਨੇ ਇਸ ਜੰਗ ਵਿੱਚ ਆਪਣੀ ਫੌਜ ਭੇਜੀ ਸੀ, ਜਿਸ ਨੂੰ ਓਦੋਂ ਚੀਨ ਨੇ ‘ਅਮਰੀਕੀ ਹਮਲਾਵਰ ਨੀਤੀ ਦੇ ਖਿਲਾਫ ਜੰਗ ਅਤੇ ਕੋਰੀਆ ਦੀ ਮਦਦ` ਦਾ ਨਾਂਅ ਦਿੱਤਾ ਹੈ। ਇਹ ਜੰਗ ਭਾਵੇਂ ਅੜਿੱਕੇ ਵਿੱਚ ਖਤਮ ਹੋਈ, ਪਰ ਇਸ ਨੇ ਵਿਸ਼ਵ ਮੰਚ `ਤੇ ਚੀਨ ਨੂੰ ਵੱਡੇ ਖਿਡਾਰੀ ਵਜੋਂ ਸਥਾਪਤ ਕਰ ਦਿੱਤ ਸੀਾ।
19 ਅਕਤੂਬਰ 1950 ਨੂੰ ਕੋਰੀਆਈ ਜੰਗ ਵਿੱਚ ਚੀਨ ਦੇ ਦਖਲ ਦੀ ਸੱਤਰਵੀਂ ਵਰ੍ਹੇਗੰਢ ਦੌਰਾਨ ਚੀਨ ਦੇ ਸਰਬ ਉਚ ਕਮਾਂਡਰ ਨੇ ਮਜ਼ਾਕੀਆ ਅੰਦਾਜ਼ ਵਿੱਚ ਕਿਹਾ ਕਿ ਹਮਲਾਵਰਾਂ ਨਾਲ ਉਨਾਂ ਦੀ ਭਾਸ਼ਾ ਵਿੱਚ ਗੱਲ ਕਰਨਾ ਜ਼ਰੂਰੀ ਹੈ, ਜੋ ਉਹ ਜਾਣਦੇ ਹਨ। ਉਨ੍ਹਾਂ ਕਿਹਾ ਕਿ ਸ਼ਾਂਤੀ ਅਤੇ ਸਨਮਾਨ ਜਿੱਤਣ ਲਈ ਇੱਕ ਜਿੱਤ ਦੀ ਲੋੜ ਹੁੰਦੀ ਹੈ।