ਓਟਵਾ, 27 ਅਕਤੂਬਰ (ਪੋਸਟ ਬਿਊਰੋ) : ਇਸ ਸਮੇਂ ਕੈਨੇਡਾ ਵਿੱਚ ਕੋਵਿਡ-19 ਦੀ ਸੈਕੰਡ ਵੇਵ ਦਾ ਜੋæਰ ਹੈ, ਅਜਿਹੇ ਵਿੱਚ ਫੈਡਰਲ ਸਰਕਾਰ ਵੱਲੋਂ ਨਵੀਂ ਐਡ ਕੈਂਪੇਨ ਚਲਾਈ ਜਾ ਰਹੀ ਹੈ ਜਿਸ ਵਿੱਚ ਕੈਨੇਡਾ ਦੇ ਉੱਘੇ ਡਾਕਟਰਾਂ ਨੂੰ ਦਰਸਾਇਆ ਗਿਆ ਹੈ| ਇਹ ਐਡ ਕੈਂਪੇਨ 30 ਸੈਕਿੰਡ ਦੀ ਹੈ ਤੇ ਇਹ ਅੰਗਰੇਜ਼ੀ ਤੇ ਫਰੈਂਚ ਭਾਸ਼ਾਵਾਂ ਵਿੱਚ ਹੈ| ਇਸ ਵਿੱਚ ਲੋਕਾਂ ਨੂੰ ਮੂਲ ਰੂਪ ਵਿੱਚ ਵਰਤੀਆਂ ਜਾਣ ਵਾਲੀਆਂ ਸਾਵਧਾਨੀਆਂ ਦਾ ਜ਼ਿਕਰ ਕੀਤਾ ਗਿਆ ਹੈ|
ਚੀਫ ਪਬਲਿਕ ਹੈਲਥ ਆਫੀਸਰ ਡਾæ ਥੈਰੇਸਾ ਟੈਮ ਦਾ ਕਹਿਣਾ ਹੈ ਕਿ ਕੈਨੇਡਾ ਵਿੱਚ ਕੋਵਿਡ-19 ਮਹਾਂਮਾਰੀ ਗੰਭੀਰ ਰੂਪ ਲੈ ਚੁੱਕੀ ਹੈ ਤੇ ਸਾਨੂੰ ਸਾਰੇ ਪਬਲਿਕ ਹੈਲਥ ਮਾਪਦੰਡਾਂ ਦਾ ਪਾਲਣ ਕਰਨਾ ਜਾਰੀ ਰੱਖਣਾ ਚਾਹੀਦਾ ਹੈ| ਉਨ੍ਹਾਂ ਅੱਗੇ ਆਖਿਆ ਕਿ ਇੱਕਠਾਂ ਲਈ ਲੋਕਲ ਗਾਈਡਲਾਈਨਜ਼ ਦਾ ਪਾਲਣ ਕੀਤਾ ਜਾਵੇ, ਫਿਜ਼ੀਕਲ ਡਿਸਟੈਂਸਿੰਗ ਮੇਨਟੇਨ ਕੀਤੀ ਜਾਵੇ, ਹੱਥਾਂ ਨੂੰ ਵਾਰੀ ਵਾਰੀ ਧੋਇਆ ਜਾਵੇ, ਮਾਸਕ ਜ਼ਰੂਰ ਪਾਇਆ ਜਾਵੇ ਤੇ ਇਸ ਤੋਂ ਇਲਾਵਾ ਕੋਵਿਡ ਐਲਰਟ ਐਪ ਜ਼ਰੂਰ ਡਾਊਨਲੋਡ ਕੀਤਾ ਜਾਵੇ| ਜੇ ਤੁਹਾਨੂੰ ਮਾਮੂਲੀ ਜਿਹੇ ਵੀ ਲੱਛਣ ਹਨ ਤਾਂ ਘਰ ਰਹੋ| ਆਪਣੀ ਤੇ ਦੂਜਿਆਂ ਦੀ ਹਿਫਾਜ਼ਤ ਕਰੋ|
ਫਰੈਂਚ ਭਾਸ਼ਾ ਵਿੱਚ ਡਿਪਟੀ ਪਬਲਿਕ ਹੈਲਥ ਆਫੀਸਰ ਡਾæ ਹੌਵਰਡ ਨਜ਼ੂ ਨੇ ਵੀ ਇਹੋ ਸਲਾਹ ਦਿੱਤੀ| ਇਹ ਐਡਵਰਟੀਜ਼ਮੈਂਟ ਇਸ ਹਫਤੇ ਟੀਵੀ, ਰੇਡੀਓ, ਡਿਜੀਟਲ ਪਲੇਟਫਾਰਮਜ਼ ਤੇ ਸੋਸ਼ਲ ਮੀਡੀਆ ਸਾਈਟਸ ਉੱਤੇ ਲਾਂਚ ਕੀਤੀ ਗਈ| ਸਰਕਾਰ ਨੇ ਇਹ ਨਹੀਂ ਦੱਸਿਆ ਕਿ ਇਸ ਕੈਂਪੇਨ ਉੱਤੇ ਕਿੰਨੀ ਲਾਗਤ ਆਵੇਗੀ ਪਰ ਇਸੇ ਤਰ੍ਹਾਂ ਦੇ ਇਸ਼ਤਿਹਾਰ ਉੱਤੇ ਬਸੰਤ ਵਿੱਚ 30 ਮਿਲੀਅਨ ਡਾਲਰ ਦਾ ਖਰਚਾ ਆਇਆ ਸੀ|